Kendama

引用:

原帖由 999 於 10-1-2011 18:11 發表 哈哈!K兄你食埋咁多好嘢........... 其實早期台灣物質缺乏,裹地瓜粉炸一來脆口D,二來大塊D ,"郎"肚D.

唔係食地攤，就係食快炒 ... 食唔起好野 wor ...

你個便 d 好味野，好多要 mou 街邊至食到架 ... 今時今日地瓜有價，夜市既炸地瓜都唔錯呀 ...

引用:

原帖由 999 於 10-1-2011 18:14 發表 我只飲過四神湯!六神咁補??!!

也只飲過四神湯 ... 唔知係咪虛不受補，皇恩大瀉足成日 ...

 

Kendama

引用:

原帖由 moneyismymoney 於 13-5-2011 01:08 發表  o尼樽好似花花油 o甘. ***

That's good stuff for we don't have much sparkling mineral water in HK / China.

Kendama

引用:

原帖由 999 於 13-5-2011 14:27 發表 礦泉水對K SIR而言,味道會否太寡?

一 d 都唔寡，好飲過汽水多多聲，夏天雪凍黎飲認真一流，只擔心飲得太多礦物質變左 Transformers ... 

Kendama

引用:

原帖由 999 於 10-12-2011 02:25 發表 今年好幾次往返內地,為食的999今次去杭州,雖有K sir仙人指路,但仍錯過重點推介咸亨酒店的紹興菜.......卻興幸在北京行時,意外作客首都的咸亨酒店吃飯.......才知道在豪華化下的咸亨,已再不是平民消費的酒居.看了牆上 ...

醬鴨上便果碟係咪醬蘿白 ... ？ 醬蘿白的極品在廊坊，好有蘿白味兼卜卜脆，一試難忘 ... 

叫化雞好大隻 wor (香港 size) ... 遇過的都是雲英未嫁雞 ... 

999兄 在上海雲南南路幫襯左邊間？

Kendama

引用:

原帖由 999 於 11-12-2011 20:10 發表 因為K 兄食飯時中意啤一啤丫嘛!普通茶水對K兄應略淡了一些!鄺美雲都同你講過:唔敢斟香濃既酒 怕你心中誤會但系一杯清淡既茶 你又可曾領會!? .

美女同你飲濃酒，唔多唔少都會惹起誤會 ... 

清茶細細綿綿，未嘗不是更大的誘惑 ... 

Kendama

引用:

原帖由 999 於 11-12-2011 21:03 發表 有幾間都有去!專程坐地鐵去搵食! K兄再一次獻出美食錦囊,999亦再次按圖索驥!那處真是美食一條街,而且老店林立,價錢亦不會比在港•台人聚居社區的壞鬼小館子來得貴,認真好介紹! 先聲明:999攝技差,相機爛,睇相睇到& ...

1. 洪長興 - 果道有好味到不得了的葱油餅

2. 小紹興 - 個個去到都叫雞; 抵食但刀功不敢恭維 (玻璃窗內的女師傅手起刀落日斬雞數百，針板都俾佢劈爛無數，開片要揾佢幫拖)

3. 燕雲樓 - 個個去到都叫北京(烤)鴨，堅持要剛出爐的，好抵食；蟹斗個賣相好吸引，趁熱食好正

4. ... 仲有咁多選擇，好難估 wor ... 

Kendama

引用:

原帖由 999 於 11-12-2011 22:01 發表 不愧是食家!正是醬蘿蔔,脆中帶鮮!請問廊坊在那冰糖蓮藕   例牌菜宋嫂魚羹   由於先夾為敬,龍井虾仁轉到999面前已經所剩無幾!   例牌嘢松子排骨   紅燒桂魚     ...

實情係成日都見到果碟蘿蔔，終於有次試下，發覺非常可口；廊坊在河北，京津的中間位置，果度 d 蘿蔔味道非常鮮明、脆口兼帶辛辣 ，就像小時候吃到的一樣 ...

人多好叫菜，杭幫菜一餐就俾你吃得七七八八，999兄 口福真不淺 ...!

Kendama

引用:

原帖由 999 於 11-12-2011 22:05 發表 有時好友聚頭,雖茶水清淡,但情誼濃洌!

有冇同枱食飯人相睇 ar ...？睇過點樣情濃 ... 

Kendama

引用:

原帖由 999 於 11-12-2011 22:42 發表 有個名人曾說: 「北上叫鴨，南下叫雞」，上海位處不南不北,那999就來個一箭雙禽! 哈哈!對小紹興非常有同感,白斬雞加上特調醬汁,再配上雞粥一碗(两蚊碗)真係食到唔知飽!肉滑有味,但唔知點觧硬係皮肉必分 ...

以我所知，「北上叫鴨，南下叫雞」係出自一名 .......... 為食鬼！

小紹興 d 雞好新鮮，皮下有啫喱；我係旁邊睇左好耐，女師傅大刀大刀咁劈落去，雖然好有效率，但乜都俾佢劈散 ... 

小金陵鹽水鴨睇起黎唔錯 wor ... 味道如何？

Kendama

引用:

原帖由 999 於 11-12-2011 23:04 發表 有機会会一試!多謝推介! 人多好做作,這餐在"知味觀"特別包廂加班到10點(熄泠氣•焗冷氣)可能做遊客生意除凉菜同叫化雞,其他都行貨......

內地享負盛名的老店十家有九家都在食老本，專攻遊客，只在菜式 fusion 化和 presentation 西化就收到貴一貴，味道已大不如前 ... 食好野，要留意當地人去邊，仲要避開遊客區 ...

Kendama

引用:

原帖由 999 於 11-12-2011 23:15 發表 咁嘅價錢,絕對可以交待,而且物超所值! 肉質(我食下莊)不油不柴,個子不大,咸鮮皮薄,�滓�細緻,估計雲英鴨! 鴨肝鴨肫作為下酒菜應不錯!

鹽水鴨本身就非常鮮美，鴨肉比想象中的嫩；如烤鴨一樣千祈不要買超市的，完全是兩回事 ...

Kendama

引用:

原帖由 999 於 11-12-2011 23:32 發表 唔止餐廳係咁.地方政府都係咁!好似有D旅遊点嘅門票,遊客一多,貴左十倍!

好多景點貴得黎又冇野睇，搶得就搶！

印象中西湖免票，北京的門票較合理 ...

Kendama

引用:

原帖由 999 於 11-12-2011 23:24 發表 你想睇打格仔嘅相咩?個個都一支啤,只有999以茶代酒.用濃情搭夠!

打格都好 ar，睇過點樣濃情法 ... 

Kendama

引用:

原帖由 999 於 12-12-2011 00:25 發表 印象西湖(而家冇左)有錢都買唔到飛!成都個武候祠,以前去過門票只要幾蚊上下,而家要60人仔,搶錢!! 仲有個社甫草堂又係60,.......把鬼!!!

冇記錯既話印象西湖門票舊幾兩舊一張，晚上睇 D 青 BB 既夜燈，撞鬼咩 ... 

D 乜祠物廟間間都差唔多，唔係六十幾年前重建就係文革後翻新，懷疑 d 室內擺設同設計可能係大量生產 ... 門票收 60，揾鬼去睇！

Kendama

引用:

原帖由 999 於 12-12-2011 00:28 發表 龍井有幾濃咪幾濃lor!!!?? 小籠包有兩籠.

龍井可以好清純架，茶都可以飲醉人架 ... 

你有一籠，另一籠邊個架？

Kendama

引用:

原帖由 999 於 14-12-2011 21:36 發表 原來想睇印象西湖要早十日八日訂票,通常都比旅遊团包晒...... 很多廟宇"古蹟"的確很多是"翻修復刻"的 .  解說員都老實地說明. 如果喜歡三國歴史的就要去一遊成都的武侯祠,蜀漢君臣包羅其中,也是 ...

係出便目及過下，D 燈青 BB，唔覺有咩好睇 wor ... 可能入面有另外一番境界 ...?

好想去成都 / 四川  ... 到而家都末有機会 (只到過四川邊陲格爾木但果陣唔識欣賞麻辣) ...

有得去既話，定要去武侯祠望望，希望 d 野唔好咁假呃遊客果種 ...

Kendama

引用:

原帖由 999 於 14-12-2011 21:39 發表 K兄茶不醉人 人自醉吧!一籠六隻,一人一隻大家分亨lor!

收人貴一貴果 d 沏茶確可令人飲到心往神馳 ... 

細細粒，一人一隻邊夠吖？雙籠出海就差唔多 ... 

Kendama

引用:

原帖由 999 於 18-12-2011 01:01 發表 K兄成日去沏貴茶? 好奇怪,吃過鼎泰豐D小籠包,老是覺得其他的包老是在皮上的口感差了一些. 說回小紹興,前後已去過幾次,每次都叫半隻雞、一碗粥,岩岩好!   揾左晚去燕云樓叫鴨....依足K兄吩咐要新 ...

有任務在身的前一夜盡量避免應酬，避無可避，以茶代酒博懵而已 ...

 

k 邊敢吩咐任何人 ...

 

999兄是對的，燕雲樓北京烤鴨 (用的是渤海鴨，優於南方鴨但遜於京鴨) 是上海第一家 ...

雲南南路燕雲樓不乏本地捧場客；南京東路燕雲樓主打遊客，出品拙劣 ...

 

Kendama

引用:

原帖由 999 於 6-6-2012 16:55 發表 K Sir對鴨真有研究,其實吃烤鴨人多才好,下次有機會在那處可以來個2人三吃,邊吃邊向你請教食鴨心德!以我地的食力,應難不倒我們.

999兄，叫鴨都係要北上 --- 皮下脂肪少 d ，肉質嫩 d、加上帶果木的清香。兩人齊上的話，三吃肯定冇問題 ...  

單人既話，「半套」加個芥末鴨掌，可以食成晚；又或係回港前一晚，無牽無掛地黎個「全套」，食到幾多食幾多，其餘全部打包帶番屋企梅開二度 ...

個人覺得，一隻晶瑩玉透的靚鴨，最好係零添加，就咁放入口中慢慢嗒真她浴火後上腦的清香； 唔夠飽，可用薄餅包大蔥同黃瓜沾面醬當主食 ... 

Kendama

引用:

原帖由 999 於 11-6-2012 15:11 發表 K兄太強了!形容得太出神入化了!!! ，挑鴨要訣有如達文西的"最後晚餐"隱藏了的密碼!? ...要挑浴火後的母鴨嗎?  都挖乾淨了,怎分辨? 個人認為要享用烤鴨之皮肉之香,最好要就地正法,否則打道回府後已擺涼了,已 ...

999兄，挖乾挖淨，公母難分，行埋去求其指隻色澤艷麗、身形飽滿既落單，全無科學根據�� ...   

 

下次梅開二度果陣，用熱風筒連續強吹，睇下可唔可以吹番脹先 ...

 

有任務果陣，一個腦對二三十個腦，要保持清醒、專注，儘量避免大飲大食，要早睡早起；任務完成後，了無牽掛，咪話全套，有時真會梅開二度，一晚食幾轉 ...  

 

多謝提示電器道君御的燒鴨，行過會捧場 ...

 

龍眼木烤的甕仔雞未試過喎，請給具體指示，下次路過時要試試 ...