引用:
原帖由 kkeeleung 於 22-5-2011 00:34 發表 
佢哋嘅恩怨始於年輕時二次大戰時代.
我記得, 系雷嘯堂同香景山個年代, 二條村避日本仔, 結果劉丹戲入面大佬(即茂叔)去小解俾日本仔捉住, 供左雷家村個避難所出黎, 事後重當無事發生, 雷家村慘被屠村, 雷嘯堂以為系香景山出賣佢, 所以處心積累要殺死香氏一家, 佢大佬就明知人地無辜都唔出聲, 重幫手策劃買兇殺人! 劉丹戲入面其實唔知呢個真相, 只系跟住大佬同叔公老爺頭, 不過佢戲入面個老婆就同香遠山個仔通姦, 俾佢知道後就性情大變, 成日用皮帶揪老婆, 其實套戲好似有D回憶場面, 話佢以前幾錫個老婆, 最後佢要走佬都系要揾(要脅)已離婚o既老婆幫手, 可惜最後失足跌落樓死左, 算系一個悲劇人物, 佢大佬後尾就痴左.
最後雷嘯堂買兇要香家死剩種一鑊熟, 好彩香若楠找到當年一個在世漢奸, 力証出賣雷家村的不是香遠山, 雷嘯堂認得佢, 先信錯怪好人, 收手不幹, 可惜錯已鑄成, 佢同香景山在醫院相遇, 在輪椅上互望時, 千言萬語, 佢都只能含淚向香景山講聲"對唔住"!
