引用:
原帖由 Machbaron 於 8-6-2013 15:48 發表 
虎兄你撈編劇早響喎，講真架
系! 
我想做傔職抓外快, 幫補吓個乾硬化荷包好耐架啦! 
我編劇的橋段, 相信好多老餅都會明架, 事關都系抄抄吓, 做吓接駁手術咁啫! 
絶對好睇過金枝二啦!
引用:
原帖由 East 於 8-6-2013 17:14 發表 好橋喎! 咁轟天勇將咪變左 [大隻伯伯大打喪屍女魔]!!
其實呢條橋重可以一雞幾味, 同肥媽o既一雞十味有得揮架!
先講個外傳部份: 個女色誘乾老逗出手呢部份可以擴展為外傳引子,試問一女焉能配數夫, 重要系咁老又醎濕的, 好似阿諾咁就真系入型入格架, 成功救父之後, 要打發呢班麻甩佬系件煩事, 所以最好佢地一個又一個在救老逗大行動中喪生, 唔死就俾個理由自己, 親手送佢一程(呢度明抄粵語殘片天劍絶刀橋段), 殊不知有因必有果(呢度借借雲圖因果論), 有個死唔去, 於是聯同其它已死兄弟的親屬在外傳中大報復, 故事結尾有個又例牌鐘意左女主角, 而ending就用open end, 即系兩個對揪, 又唔俾你知結果, 留返如果反應好, 可以拍多一集講數年後的故事, 一開頭講女主角帶住個細路, 俾I'll be back 的殺手追殺, 嗱呢度系明抄帶子雄郎o既!
至於正傳部份: 可以用大義滅親呢條橋, 但結局就要留條尾巴, 喪屍女魔臨終前講出大秘密, 原來佢系中o既, 佢只不過知道共濟會已開始實行人類清洗計劃(詳情請往老餅不解之謎版面查查, 好似有提過吓), 發明左隻超級病毒(呢度有少少抄二十世紀少年), 只有喪屍先有免疫力能夠生存落黎, 查實佢與有心人已發展出恢復疫苗, 只要病毒危機一過, 佢地就會將變成喪屍的人類還完, 到時有左免疫力, 就唔怕病毒再出現(呢度系明抄我和僵屍有個約會第二套, 將臣為阻女媧滅世重生, 而將人類變僵屍的橋段), 佢本來諗住同舊愛人重有個女聯手, 但系已經太遲, 走漏風聲, 混入左麻甩幫的共濟會內奸利用假消息欺騙父女二人, 引導他們與喪屍女俠自傷殘殺, 知道殺錯良人的父女二人情天霹靂, 套戲就以他們立誓繼承喪屍女俠遺志為結尾, 跟住個集就可以用爭奪疫苗及大戰內奸為主線, 而之前已死的, 可以複製人身份再出現(簡直系火狐穢土轉生的西方版本)
