我乾媽系尼姑黎o既!可能佢覺得出家人生活適合佢自己，所以在生時見佢都算頗開心，呢樣亦可能同佢本身系住持有關，因為話曬事，唔駛聽人支笛，當然佢亦唔系衰人啦！
其實出家人ｏ既生活並唔系我地諗得咁簡單，有好多繁文縟節，清規界律要守，起碼唔上得Oldcake網先啦，一個唔適應要還俗都唔系咁易，因為已經同出面脫左節！況且寺院亦唔見得系清淨得去邊，ｄ人ｏ既修養水平有時好得人驚，一樣有分黨分派，勾心鬥角，見錢開眼，比我地呢的世俗人更似生意人架！
計我話如果心中有佛，心存正念，就處處見菩提，家家是道場，唔駛出家咁大陣仗，在家居士維摩吉咪一樣系一個有家室ｏ既在家大修行人．以下對對系數年前我好失意ｏ既時候諗出黎：
出世乃為小乘願；
入世方為菩薩行．
當年對我都好有鼓勵作用，令我從新振作面對困難架！
