引用:
原帖由 Shiawase 於 8-8-2010 13:19 發表 
Hi Tai 姐 , 大王係咪認得你係獻花女郎呀?
係呀，大王同佢經理人都認得我，大王仲親口同我講話佢有睇anison & 娜姐準備咗的信，好開心呀! 
我今日有去送機，臨出門前忽發奇想，請小飛朱(現oldcake.net 隨團攝影師)將昨晚影的大合照沖曬，皇天不負有心人，俾我地o係機場揾到沖灑舖，用咗數分鐘時間，便打印好一張5R，而且，多謝money兄提點，後補揀咗個靚相架放好張相，跟住拿拿聲去會合其他cake 友。
我和lfken 去咗過移民局o個邊等，而另外虎榮兄、money兄、小飛朱及超人兄弟在另外一些地方"睇水"，終於..... 收到超人兄弟電話.... "大王到咗喇，快嚟E區"，哈哈哈
之後，我當然唔執輸，大大力揮手，跟住仲塞咗袋禮物俾大王，跟住唔記得咗邊位好友齊齊送上相架，最初係冇拎出嚟o架，我仲諗，"弊，大王會唔會睇到架?" 點知，佢個經理人今次好叻仔，打開個袋攞咗個相架出嚟俾咗大王睇，個相架隻腳仲有寫 "From: oldcake.net" o架。
我有埋經理人身同佢講可唔可以再簽一次名，不過，回答當然係 "no, no, no"啦。不過，我地係文明o既人，唔會強人所難。
最後，我地送機七壯士就走到過移民局閘口，跟大王 "sayonara"，好開心咁歡送咗大王入閘了。
有未報道的，有勞請其他壯士補充。
Bonus：見到獎門人曾志偉及F4的吳建豪
