引用:
原帖由 超人兄弟 於 28-12-2007 19:02 發表 
最慘而家o的細路仔/女唔受教...認為自己好醒好識o野...又偏激!!
依家d細路係被過份溺愛，好似仲惡過d成年人，前排子咁，有個呀媽只用衫架打仔，個不肖子竟報警拉自己老母，而這件事只屬冰山一角，現今的社會唔會接受父母和師長用舊方式管教子女，做家長如管教上行為略激，就獨犯虐兒罪，打又唔得，責駡又話傷害心靈，久而久之，新一代的細路變得不明事理，總之自己喜歡就去做，但最終他們的行為只會為父母招徠不善管教子女的詬病。我還記得以前做細路果陣，莫說父母管教嚴謹，就連老師也惡得不堪，課堂中稍有差池，就随手執樣間尺也好，球拍也好就重執一鑊，回家若給爸媽知道被老師責罰，又随即執多劑以儆效尤，雖然呢種打教方式好似好唔文明，但其實透過如此的家校合作，又可教出好材料來。今時今日，有做教師的朋友訴苦，莫說體罰，就連基本的罰企和罰抄都不獲校方認同，而做老師的只會把學生當成國家一級受保護動物般看待，最重要無驚無險有糧出，懶理得其他，反正是人家的子女。雖然我覺得我呢位朋友對她的工作有點不負責，但想深一層如果社會和法理唔支持他們，又是不是她的錯呢！
