引用:
原帖由 999 於 4-7-2008 16:18 發表 各位老餅,從小至今,你同過边位名星/藝人/名人近距離接近過呢? 好幾年前在一間7-11排隊埋單,收很個位哥哥仔忽然眼定定停晒手咁同排在我前面o既先生講,"你好像拍電影的嗎?"先生冇冇講野,只是笑笑口冇答佢, ...
2004 年 8 月 5 日我第一次見到陳秋霞, 話說 8 月 4 日 Chelsia 做 Sam Hui 演唱會嘉賓, 我咁啱又買咗嗰場飛, 咁我就八下卦喺網上 search 下佢 D 資料, 竟然俾我發現咗佢有個韓國網站, 係佢一位韓國 Fans 幫佢搞嘅, 裏面有英文留言版, 有幾個香港 Fans, 秋霞晌嗰處有個留言專區, 我至知道原來陳秋霞喺韓國原來紅得咁鬼誇張, 韓國人到而家仍然當佢神咁拜!!! 咁我連隨通知班韓國 Fans 秋霞會嚟香港做阿 Sam 嘉賓, 佢地真係拉大隊過嚟捧場, 網主喺飛嚟香港前一日, 問我想唔想參加佢地第二日晌君悅酒店搞嘅 Fans gathering, 咁我梗係求之不得啦!!! 我真係估唔到 1980 年我至買第一隻佢嘅 cassette《珍惜好年華》, 但係呢隻係佢引退前最後嘅錄音, 四分一世紀之後仲可以近距離睇佢自彈自唱, 一齊食嘢、傾偈...... 當日嘅情景我一世都唔會忘記!!!
之後每年我地香港 Fans 都有聚會, Chelsia 雖然係一代巨星、金馬影后兼上市公司老闆娘, 但係一 D 架子都冇, 每一次聚會都好似老友聚舊一樣。
最近, 亦係最正嘅一次係 2007 年11 月 9 日, 我地一班香港 Fans 同 Chelsia 搞左個 Karaoke Birthday Party 慶祝佢 50 大壽, 除左切蛋糕、送禮物之外, 唔少得嘅當然係秋霞以悠閒嘅歌聲唱左幾首佢嘅近作同埋多首英文金曲eg. Torn Between Two Lovers, Let Me Be There, Ben, 仲有佢首次試唱 Carpenters 金曲 Top of The World, Close to You, Yesterday Once More , There's a kind of Hush...超正!!! 小弟亦慶幸能夠同 Chelsia 合唱「人在旅途洒淚時」同「相思風雨中」, 好彩我用咗兩個星期閉關苦練, 臨場表現尚算 OK, 總算冇失禮!!!
當晚 Chelsia 九點半到, 但係同我地玩到凌晨一點幾至走, 經過呢幾年咁多次 Fans Gathering, 我地同佢基本上已經冇乜隔膜, 大家建立左一份友誼, 秋霞今次復出, 對我地黎講, 可以話係少咗位偶像, 但係多咗個好朋友。
[
本帖最後由 LouisLee 於 9-7-2008 02:42 編輯 ]
