打印

李麗蕊

LouisLee

Louis

老餅再造人

Rank: 10

守缺齋主人

1^# 大中小發表於 16-8-2008 01:15 顯示全部帖子

李麗蕊

小妹妹日記

http://www.youtube.com/watch?v=imEouP49WWM&fmt=18

以前覺得首歌低低地, 家陣聽返, 就覺得佢好過時下 D 垃圾歌手好多, 至少好過 Twins 首乜鬼《女校男生》一萬倍都唔止, 時代真係不斷退步!!!

1986 年我去沙田馬場睇個露天 concert 有佢份, 真人幾索, 身材好勁添!!!

[ 本帖最後由 LouisLee 於 17-4-2009 13:48 編輯 ]

TOP

LouisLee

Louis

老餅再造人

Rank: 10

守缺齋主人

2^# 大中小發表於 16-8-2008 01:23 顯示全部帖子

引用:

原帖由 ar_woo 於 16-8-2008 01:18 發表 I like this song of hers, and also the original Akina version, very pleasant to listen to:

講真, 論聲線同唱功, 佢絕對好過中森明菜, 只係輸蝕在唔曉包裝, 紅唔起, 可惜!!!

TOP

LouisLee

Louis

老餅再造人

Rank: 10

守缺齋主人

3^# 大中小發表於 16-8-2008 01:29 顯示全部帖子

我記得佢仲早過「開心少女組」唱廣東版《I Will Follow Him》, 唔記得歌名, 其中一句歌詞係「我數手指一二三四」, 有冇邊位記得首歌叫乜名???

TOP

LouisLee

Louis

老餅再造人

Rank: 10

守缺齋主人

4^# 大中小發表於 16-8-2008 01:46 顯示全部帖子

中森明菜　セカンドラブ

http://www.youtube.com/watch?v=OMOETQdjYDs

中氣不足, 死下死下咁, 李麗蕊絕對唱得好過佢多多!!!

TOP

LouisLee

Louis

老餅再造人

Rank: 10

守缺齋主人

5^# 大中小發表於 16-8-2008 02:08 顯示全部帖子

李麗蕊 Crazy Lady MV 1987

http://www.youtube.com/watch?v=WxoFSW4609k&fmt=18

呢首歌佢唱得相當好, 唱功比「小妹妹日記」時代進步好多, 夠氣, 自然, 唔造作, 無奈亦係呢個「老泥妹」造型將佢演藝事業拖垮!!!

[ 本帖最後由 LouisLee 於 17-4-2009 13:48 編輯 ]

TOP

LouisLee

Louis

老餅再造人

Rank: 10

守缺齋主人

6^# 大中小發表於 16-8-2008 02:33 顯示全部帖子

請問邊位知道呢首歌叫乜名同埋係邊個唱???

http://www.youtube.com/watch?v=tDz7P8log9g

條 Link 寫李麗蕊, 但係唔多似佢歌路咁喎!!!

TOP

LouisLee

Louis

老餅再造人

Rank: 10

守缺齋主人

7^# 大中小發表於 17-8-2008 01:09 顯示全部帖子

引用:

原帖由 inabottle 於 16-8-2008 20:00 發表

真係李麗蕊! 當年佢呢首電視劇插曲非常非常紅!!!

我是痴情無限 ~ 李麗蕊

http://www.aiting.com/MusicData/play/3540.html

兩首都唱得好到極!!!!!

我是痴情無限, 關菊英係老練, 但係就唔及李麗蕊嘅氣質!!!!!

真係聽到心都噏埋!!!

點解佢會做唔到一線阿姐?????

唉!!!!!!!!!!!!!!!!!!!!!!!!!!!!!!!!!

TOP

LouisLee

Louis

老餅再造人

Rank: 10

守缺齋主人

8^# 大中小發表於 17-8-2008 01:12 顯示全部帖子

可以肯定, 粵語流行曲女歌手, 李麗蕊係繼陳秋霞之後我最欣賞嘅一個!!!

TOP

LouisLee

Louis

老餅再造人

Rank: 10

守缺齋主人

9^# 大中小發表於 17-8-2008 03:57 顯示全部帖子

引用:

原帖由 inabottle 於 16-8-2008 20:00 發表真係李麗蕊! 當年佢呢首電視劇插曲非常非常紅!!! 我是痴情無限 ~ 李麗蕊 http://www.aiting.com/MusicData/play/3540.html

李麗蕊

個人唱片：

1984 永恆 WLLP2917
小妹妹日記
●小妹妹日記＞林振強詞　●今生來世＞李建德曲＞盧國沾詞　●情人淚＞鄭國江詞　●我是癡情無限＞黃霑曲＞黃霑詞　●害羞的女孩＞翁清溪曲＞林振強詞　●青春夢＞盧國沾詞　●愛火心中熨／合唱：張明敏＞陳永良曲＞鄭國江詞＞香港電台廣播劇《幸運指環》插曲　●靜悄悄＞蘇來曲＞鄭國江詞　●無事也想你＞林振強詞　●幸運指環＞陳永良曲＞鄭國江詞＞香港電台廣播劇《幸運指環》主題曲　●愛的擦紙膠＞鄭國江詞　●真情雙手獻＞盧國沾詞

1985 永恆 WLLP2930
戀曲集
●愛之戀曲＞鄭國江詞　●已愛上你＞向雪懷詞　●友誼萬歲＞鄭國江詞　●學下做偵探＞陳永良曲＞盧永強詞＞電影《最後戰士》主題曲　●一縷情＞顧嘉輝曲＞鄧偉雄詞＞無線電視劇《寶芝林》插曲　●蛻變＞林振強詞　●鎖匙扣＞陳永良曲＞林振強詞　●青春的舞步＞陳永良曲＞鄭國江詞　●第一次＞向雪懷詞

真係估唔到《我是痴情無限》同《一縷情》原來係李麗蕊最早期嘅作品, 十六、七歲嘅小妹妹竟然演繹得咁有韻味, 咁好嘅歌手, 唱片公司點解咁唔識貨, 唔俾佢走實力派路線, 要搞到佢個 look 成隻怪獸咁, 將佢監生玩死?????

我一邊打字, 電腦就重覆播放佢嘅《我是痴情無限》, 真係聽到我眼淚都幾乎流出嚟!!!!!

TOP

LouisLee

Louis

老餅再造人

Rank: 10

守缺齋主人

10^# 大中小發表於 20-8-2008 12:20 顯示全部帖子

前日買咗呢兩隻碟嘅複黑 CD:

雖然唔係首首都得, 但係 D 啱佢咀型嘅歌, 除咗《我是痴情無限》之外, 例如《害羞的女孩》、《靜悄悄》、中島美雪作曲嘅《第一次》(唔係哥哥嗰首)、《友誼萬歲》, 甚至編曲甚差, 俾林振強填埋 D 低 B 歌詞「數手指 1234」嘅 I Will Follow Him 中文版《無事也想你》就顯示到佢嘅實力, 尤其《友誼萬歲》, 頭一段佢玩嘢扮細路女聲, 跟住就發丹田氣用低沉嘅聲線唱落去, 真係少 D Training 都唔得, 而《無事也想你》ending 嘅高音佢亦係用丹田氣從容不迫咁唱出嚟, 唔需要好似大部份歌手要用假音或者嗌出嚟, 表現比後來「開心少女組」嘅《再不易忘記》好得多, 呢兩首歌可以聽得出佢嘅音域有幾廣!!!

再講返佢嘅《我是痴情無限》, 可以講係李麗蕊嘅代表作, 一個非常高超嘅演繹, 我不斷反覆同關菊英原唱版比較, 呢首係關菊英顛峰時期嘅代表作, 可以話係佢嘅招牌歌, Susanna 唱功老練, 感情濃郁豐富, 表現出一種成熟風韻, 絕對係經典中嘅極品, 阿蕊揀呢首歌唔止係越級挑戰, 仲係越咗好多級, 需要無比勇氣, 但係佢捕捉到歌詞嘅神髓, 不論呼吸、咬字都非常到家, 亦表現得無比自信, 自然流暢, 感情比 Susanna 含蓄內斂, 由內心深處滲出嚟, 呢個版本俾我嘅感覺就好似 8 歲嗰時第一次聽阿 Sam 首《雙星情歌》一樣, 16 歲有咁嘅表現, 相信如果原唱者聽到, 一定對佢讚不絕口!!!

無奈呢隻碟叫《小妹妹日記》, 唱片名俾人感覺係靚妹歌, 完全估唔到原來裏面有 D 咁深情演繹嘅作品, 相信唱片公司當年亦忽略咗呢首歌, 如果呢張唱片改過第二個名, 將《我是痴情無限》做第二主打歌, 阿蕊肯定即時上位, 佢唔好彩, 入啱間廢柴當道嘅公司, 註定冇運行!!!

[ 本帖最後由 LouisLee 於 20-8-2008 17:22 編輯 ]

TOP

LouisLee

Louis

老餅再造人

Rank: 10

守缺齋主人

11^# 大中小發表於 20-8-2008 12:56 顯示全部帖子

引用:

原帖由 ar_woo 於 20-8-2008 12:52 發表 You should write her a letter and tell her all these, I think she'll be quite happy to have fans like you

佢係《香港人網》版主之一, 我 register 咗, 但係仲未收到 email activate account, 留唔到言!!!

TOP

LouisLee

Louis

老餅再造人

Rank: 10

守缺齋主人

12^# 大中小發表於 20-8-2008 15:33 顯示全部帖子

引用:

原帖由 ar_woo 於 20-8-2008 13:03 發表很欣賞LouisLee 兄數十年如一的熱誠, 李麗蕊確是一位好歌手, 亦係好多oldcakes的昔日好時光回憶一部份 (或者遲D你可以邀請佢嚟oldcake一齊聊天 )?

我都想, 但係唔知係咪佢地個 email server 有問題, 我開左兩個 A/C 都收唔到 email, activate 唔到, 留唔到言!!!

TOP

LouisLee

Louis

老餅再造人

Rank: 10

守缺齋主人

13^# 大中小發表於 22-8-2008 13:08 顯示全部帖子

【舊聞】李麗蕊在印度

香港歎慣的李麗蕊，去到印度要抺地，廚房做洗碗抺，她不但亳不介意，還非常enjoy。

唔怕日日執屎　李麗蕊居印度

在印度加爾各答，德蘭修女建立的"仁愛之家"轄下的"垂死者之家"內，有不同國籍的人在照顧一班骨瘦如迆的垂死病人。樓梯底暗角，有一身水身汗的香港藝人正眯眼，咬實牙關，用草紙去清厘全身癱瘓病人剛剛新鮮滾熱辣製造出來的糞便。

"好小兒科，我日日都做啦。"

印度是全球最貧窮的國家之一，唔少身受重傷以至全身潰爛的垂死病人都被遣棄到街上等死。在娛樂圈浮沉廿年的李麗蕊，多年前因工作問題抑鬱，後經朋友開解，再隨朋友到當地做義工，眼見當地一個個奄奄一息的垂死病人，連購買紗布的錢都無，要靠拾回來的垃圾膠袋包傷口，傷口潰爛生蟲，情況慘不忍睹，才驚覺慘過自己十倍的，大有人在。

"傷口入面條蟲有成條意粉咁長，你見過未呀？我有車有樓有男朋友，但同絕大部分柏港人一樣不快樂。去印度做義工，個人開朗番，窮有窮快活。"做了一個月義工的李麗蕊說計劃移居當地，尋找另一個天空。

剪手指

加爾各答普通家庭平均月入約港幣千五元，表面上跟內地人平均月入差不多，但由於印度貧富太懸殊，唔少家庭負擔不起沉重的醫療費用，垂死病人沒錢醫病，便會被遺棄街上等死。去年十一月，四十歲的阿蕊經朋友介紹下，首次踏足印度加爾各答，並在德蘭修女建立、專門接收垂死病人的"垂死者之家"做義工。上月她再度出發到當地，在印度四月份三十八度氣温下，阿蕊幫病人抺身、清理大小便、洗傷口及餵藥。落手落腳執屎執尿，她已駕輕就熟，唯一難到她的，是每日咬實牙關，細心地幫病人清潔已經遺爛的傷口。

"窮人屋企都無，如何預備防火，所以呢度特別多嚴重燒傷的病人。好多時我接收佢時，傷口已經嚴重潰爛，入面仲有好多條蟲，每條有意粉咁長。佢一邊食飯，我就不邊幫佢除蟲，日日都係咁。"

執屎，或於潰爛傷口除蟲未算恐怖，更可怕的是有時要替病人剪去已壞死的手指，手起刀落，一隻已壤死發黑的手指"卜"一聲跌到地上。"神經死晒，剪走病人都無感覺。"一名跟阿蕊共事的義工說。

每次幫病人按摩之後，他們的一句多謝，或者一個微笑，都使李麗蕊感到無限的滿足感。眼見全身癱瘓婆婆年老多病，李麗蕊心感難受，因此對她特別照顧，不單每天親自餵她進食，亦不介意幫她執屎執尿。在平均攝氏三十八度的印度，李麗蕊餐餐同當地義工在悶熱的地方食飯，生活難辛卻心靈滿足。

為了對人生更有體驗，李麗蕊甘願放低香港所擁有的豐富物質，到街頭食粟米，一樣滋咪。

垂死者之家住了約一百名孤苦無依的病人，來自仕球的義工日夜輪流照顧垂死的流浪者，讓他們重拾尊嚴。

有錢抑鬱

事山必有因，阿蕊之所以兩度到當地當義工，全因她在香港生活得不快樂。阿蕊八二年入行，跟李麗珍、袁潔瑩等同期出道，曾參與電影《開心樂園》及劇集《誓不低頭》演出。其後加入電視台，做《觀樂今宵》主持，由於大癲大肺動作表情多多，傻大姐形象深入民心，九七年加入新城當DJ，一做十年。在熒光幕是搞笑能手的她，永遠笑臉迎人，背後卻原來一宜受情緒問題困擾，心情經常處於低點。我有車有樓有男朋友，但同絕大部分柏港人一樣不快樂。物質上滿足並不能紓解我心中不安。

德蘭修女所建立的"垂死者之家"，每年吸弔全球數以百計義工到來協助街頭流浪者。在印度生活了一個月，李麗蕊遇到不少來自世界各地的同道中人，一同向可憐皂病人施以援手。

移民唔撈

永無止境的慾望令阿蕊的壓力越來越大，最後變得越來越唔開心。

"當我揾到一白萬時，又想追求三百萬，永無止境追求落去，反而令自己更加唔開心。我開始問自己人生究竟需要咩？後來我睇好多唔同心靈書籍，改變我人生觀，開始做有意義的事，例如做義工。見到唔同國籍、背景、信仰的人都放低自己一切，走去呢個咁貧窮落後地方照顧垂死病人，真係好感動，好想學佢長住當地。"

去年年尾，阿蕊由印度當義工回港向新城請辭，但公司一直挽留。"我其實已經儲一筆錢，夠我當地住一段長時間。我連樓都睇埋，諗住買個單位長住。不過，一切都係初步諗法，因為有好多要考慮，而家港有好多未搞掂，所有都計劃緊。"

每年在"勁爆頒奬禮"當司儀的李麗蕊，在台上表現永遠亢奮，原來心底裡卻不快樂。早年的李麗蕊打扮狂野新潮，如今返璞歸真，與昔日相比判若兩人。

滿街乞丐

印度是全球最貧窮的國家之一，有近八成人口每天生活費少於2美元(15.6港元)。在大城市孟買，便有過半人口(770萬)住在貧民窟，當地乞丐人數高逹30萬。
[ 本帖最後由 LouisLee 於 22-8-2008 18:11 編輯 ]

TOP

LouisLee

Louis

老餅再造人

Rank: 10

守缺齋主人

14^# 大中小發表於 22-8-2008 14:04 顯示全部帖子

引用:

原帖由 ar_woo 於 22-8-2008 13:19 發表 what year was it? Hats off to Ms. Lee...

2007, 阿蕊返咗香港喇!!!

TOP

LouisLee

Louis

老餅再造人

Rank: 10

守缺齋主人

15^# 大中小發表於 22-8-2008 16:42 顯示全部帖子

啱啱收到料, 原來阿蕊做過張偉文《唱好女人》演唱會嘉賓, 唱咗《願君心記取》, 仲唱得好好添!!!

好開心知道阿蕊仲有唱中國小調, 睇嚟小調係阿蕊最喜歡嘅曲種之一, 之前喺「香港人網」見到有人話阿蕊「鬼鬼地」, 其實只係睇到表面, 我敢肯定阿蕊有溫文爾雅嘅一面!!!

咁即係要焗買 CD 同 DVD, 張偉文, 你好嘢, 咁都俾你掠到我水!!!!!

TOP

LouisLee

Louis

老餅再造人

Rank: 10

守缺齋主人

16^# 大中小發表於 26-8-2008 12:40 顯示全部帖子

尋日買咗飛睇阿蕊同梁繼璋 9 月 14 日荃灣大會堂《繼續開 Show》, 到時帶定 D 碟希望攞到阿蕊嘅簽名!!!

TOP

LouisLee

Louis

老餅再造人

Rank: 10

守缺齋主人

17^# 大中小發表於 26-8-2008 22:10 顯示全部帖子

瘋騷快活人- 梁繼璋、李麗蕊+ 蕭若元精華片段

http://www.youtube.com/watch?v=5FOyjS0qtOg&fmt=18

蕭若元爆粗, 笑死!!!!!

[ 本帖最後由 LouisLee 於 17-4-2009 13:49 編輯 ]

TOP

LouisLee

Louis

老餅再造人

Rank: 10

守缺齋主人

18^# 大中小發表於 20-9-2008 14:50 顯示全部帖子

引用:

原帖由 waikam 於 20-9-2008 10:35 發表一個16歲的妹妹仔，唱[我是痴情無限]那感覺她是在無病呻吟，唱不出那種味道(韻味)！也難怪唱片公司不 pop 這歌。

年齡唔係問題, 唱得好就得, 呢首歌我喺 yahoo 推介俾網友, 有人一口氣聽十幾次添!!!

《我是痴情無限》, 可以講係李麗蕊嘅代表作, 一個非常高超嘅演繹, 我不斷反覆將佢同關菊英原唱版比較, 呢首歌係關菊英全盛時期嘅傑作, 可以話係佢嘅招牌歌, Susanna 唱功老練, 感情濃郁豐富, 充滿成熟風韻, 可謂曲、詞、唱三絕, 絕對係經典中嘅極品!!! 阿蕊揀呢首歌唔止係越級挑戰, 仲係越咗好多好多級, 需要無比勇氣, 但係佢能夠捕捉得到歌詞嘅神髓, 不論呼吸、咬字都非常到家, 表現得無比自信, 自然流暢, 感情比 Susanna 含蓄內斂, 由內心深處滲出嚟, 甚至可以講比關菊英版更加俏似一位中國古代女性, 令我諗起《神鵰俠侶》嘅小龍女!!!

我相信阿蕊當年翻唱呢首歌係為咗表現同證明自己嘅實力, 只係唱片公司唔識食住上, 浪費咗個人材!!!