打印

藍田 - 屋邨篇 (加了新相, p2)

akaichoi

中級餅迷

Rank: 3 Rank: 3

1^# 大中小發表於 22-2-2008 17:04 顯示全部帖子

我當年就係住係木屋區內.....

火燭,走鬼............

TOP

akaichoi

中級餅迷

Rank: 3 Rank: 3

2^# 大中小發表於 24-6-2010 01:28 顯示全部帖子

呢張相,真係睇見都想喊

當年1-2年級,我就住右手邊木屋,返學就返12座既牧幼小學

果時間木屋都幾大!不過一把火就燒到無

真係咩野都燒哂,只係帶左一d衫褲同証件就走

TOP

akaichoi

中級餅迷

Rank: 3 Rank: 3

3^# 大中小發表於 26-6-2010 02:12 顯示全部帖子

引用:

原帖由 電子分光人 於 24-6-2010 23:34 發表呢處木屋區當年是否有間茶樓仔？我記得當年我bo喺窗口睇住啲木屋燒，見好多人逃生，一袋二袋搬啲嘢出嚟。但印象中好似有人在停車場位置一路開枱一路睇火 ...

如果印象無錯,的確係有間茶樓仔,印象中係24座行落去大約1-2分鐘

早上返學時就好多人,下午放學時就咩人,茶樓仔對面or附近係燒d燒臘既地方

一行過就有好香既香味....

當時細個好窮,(依家都好窮 )行過茶樓仔就會望住人地食果d蒸飯,(鳳爪排骨果d)好似好好味

朝早未食野真係流哂口水

講開果度茶樓仔,我聽老豆講,木屋起火原因係因為燒臘既地方著火了.....不過亦有人講係李+x叫人咁做

因為佢要起樓

又講開起樓,我老豆當時好出名,係果度起左好多間木屋而聞名,地點係茶樓仔再向下行三幾分鐘左右既地方

起完賣出去,起完又賣出去,原來好好搵........

TOP

akaichoi

中級餅迷

Rank: 3 Rank: 3

4^# 大中小發表於 2-7-2010 01:27 顯示全部帖子

引用:

原帖由 電子分光人 於 26-6-2010 18:05 發表無錯，就係24座條斜路附近。你老豆都幾勁，而家個斜坡重喺度，咁斜都起到屋真係要有啲料到先得，淨係個地台都唔易攪。關於火燭，當年都有傳聞話啲人博上樓所以放火 ...

當年我都好細,只係1-2年級

不過有好多野都沒有一個明確答案,我就拎出來問下大家係唔係好巧合

有一晚火燭.唔奇,因為係木屋,當時好多偷電既問題發生,不過我記得,火燭係茶樓仔果度起火先既,不過燒唔哂d木屋

好快又第二次火燭,相隔無一個月,真係好奇,有第一次火燭之後,好多人都對火呢個字好敏感.今次燒既係第一次燒淨既地方,我就係呢d間屋燒左..

又無耐,第三次就燒埋第一同第二次燒淨果d

TOP

akaichoi

中級餅迷

Rank: 3 Rank: 3

5^# 大中小發表於 2-7-2010 01:46 顯示全部帖子

引用:

原帖由 電子分光人 於 26-6-2010 18:05 發表無錯，就係24座條斜路附近。你老豆都幾勁，而家個斜坡重喺度，咁斜都起到屋真係要有啲料到先得，淨係個地台都唔易攪。關於火燭，當年都有傳聞話啲人博上樓所以放火 ...

你知唔知,最勁唔係起到木屋

而係夠膽係果度起木屋,因為係要好有"牙力"....

又講一個故事,我問我舅父既,我老豆唔肯講

我老豆之前住秀x坪公屋,因為屋企太多人,我老豆就用5000蚊(約數)買左藍田木屋

老豆見間屋附近好多位,之後就買木材自己起,起之前搵左秀x坪既大哥同藍田既大哥們單聲話有自己人係果度會起木屋,藍田既大哥亦表示同意,所以我老豆開始起起完就賣出去,半左左右起左十幾廿間,藍田d有勢力人士就眼紅,同我老豆講唔可以再起,老豆見到都費時再嘈,就停左再起木屋

而藍田既大哥,亦叫人開始係附近起木屋賣,不過果時我細個行過,都明顯覺得我老豆起果d係好似實淨d

TOP

akaichoi

中級餅迷

Rank: 3 Rank: 3

6^# 大中小發表於 2-7-2010 01:49 顯示全部帖子

引用:

原帖由 lsalem 於 28-6-2010 18:06 發表

印象中，木屋起火了好多次，當年晚上，在窗口睇木屋燒，見好多人逃生，一袋二袋搬啲嘢出嚟。好像TVB都有报的，的石油气爆炸好厉害，当时觉得很好看，不过，希望akaichoi 不要见怪了。没有了家很可怜的

...

你都記得短時間火燭過幾次了....

到底....是有心人做or真的是意外???

TOP

akaichoi

中級餅迷

Rank: 3 Rank: 3

7^# 大中小發表於 3-7-2010 01:56 顯示全部帖子

引用:

原帖由 電子分光人 於 2-7-2010 22:37 發表記得好彩無燒死人 ... 唔知當年D災民係咪可以即刻上樓?

好似係即刻有複式兩層高果d單位住,不過無去住,搞左一排之後搬左上去樂富橫頭磡七層高果d

有d木屋既街坊就搬去黃大仙七層

TOP