人仔貓

請問依家邊度仲食倒饀料除雞件及魚肚外，其餘係冬菇+豬肚，

而唔係芋頭/栗米筍+超霉火腿既雞扎呢~?

 

THX~

人仔貓

嘩~金華火腿味重過雞肉好多，好似有D喧賓奪主喎~

唔係腐皮包就冇左雞扎果重風味同神韻呢...

另外我諗一般雞扎內的花膠唔係真正花膠(貴價公肚)，只係一般魚肚美其名吧~

人仔貓

引用:

原帖由 999 於 16-8-2007 11:40 發表 講真,我都係覺得咁整合口味D:腐皮+雞肶肉+豬肚+冬菇+魚肚,D汁仲可以撈飯!

其實由細晌「茶居」食到大就係呢種上佳配搭~

只係近年唔知點解越黎越縮皮...以致依家搵唔番最原本果種...

人仔貓

引用:

原帖由 火馬 於 16-8-2007 15:36 發表   淮山同腐皮各好處；清爽的淮山搭埋入面d濃味材料！好match！ 腐皮則可吸左d材料味！又係好食！但家下d人盡量用cheap貨；好多時食落；覺得酸酸地；又有油抑味   但就算家下食到淮山雞紮；都 ...

其實靚同烹調得好既魚肚同豬皮本身都有味的呢~

 

魚肚就睇價錢啦，最靚既魚肚-大花膠公($2000斤起)，一定有味~

 

至於豬皮，依家仲有心機整得好食既，其中一度就係桂林街近鴨寮街果間食腸粉既合益泰~

果度出名豬腸粉特別滑同有米香，醬料味道亦寧舍不同~

另外就係佢D原汁炆豬皮同蘿蔔~ 不過食果陣最好唔好加辣(咖哩汁)，如果唔係就食唔倒果份原味~

人仔貓

細(碗)淨豬皮 $6~  大(碟)唔記得左幾多錢..

 

不過最好試埋蘿蔔，因為一樣係特別清甜同冇渣，第二度好難食倒~

 

而且豬皮蘿蔔(細) 都係$6~

 

[ 本帖最後由 人仔貓 於 16-8-2007 18:33 編輯 ]

人仔貓

引用:

原帖由 火馬 於 16-8-2007 21:22 發表   其實我勁鐘意食蘿蔔架！   （以前我仲研究過煮白蘿蔔；點樣整會冇澀味！事關家下d車仔麵d白蘿蔔；食落都澀澀地味！ ）   不過白蘿蔔幾寒涼下.............唔係個個岩食。

其實白蘿蔔好唔好食主要睇蘿蔔本身靚唔靚，要揀靚蘿蔔睇佢條莖，

短少嫩綠即清甜無渣，但如果見倒莖部粗大或已被切去(上半部)，即大有可能是較老的~

 

蘿蔔性涼，消火清熱，夏天食尤佳~ 而煮熟後性亦由涼轉溫~

 

[ 本帖最後由 人仔貓 於 16-8-2007 23:43 編輯 ]

人仔貓

引用:

原帖由 999 於 16-8-2007 23:22 發表 蘿白化氣,加薑中和好D

白蘿蔔會影響某些滋補藥材的效用，特別是人蔘..