小弟新來的, 大家好!
我細個都係"小神拳"同"鐵拳浪子"fans (細個覺得"麗的"d卡通片好睇好多)
小弟印象中應該係播完"小神拳"至播"鐵拳浪子"~
對"小神拳"的內容已經係忘記得八八九九, 淨係記得主角叫"何小龍", 佢老豆叫"何彪"! 同故事早段的情節
小龍一出世佢亞媽就難產死左, 佢老豆就帶住佢四處漂泊, 之後死0係擂台之上小龍就俾佢外公外婆接返屋企住.
小龍為左替老豆報仇, 細細個就偷偷自己練拳 (外公外婆係唔俾佢接觸拳擊, 因為兩老憎佢老豆無出息累死個女)
最記得有一場講佢d同學整蠱佢, 將d"禁釘"放0係佢張櫈度, 點知佢坐落去無事, d 同學走去推開佢張櫈, 佢都係跌低, 原來佢一路練梗紮馬坐無影櫈!!
其實當年打死左殺父仇人至完已經叫有個交代~~好過好多卡通係完得無厘頭, 好似太空保衛團(金毛布獅王)咁!
