資深演員歐陽珮珊今日下午病逝, 終年六十三歲
曾在無綫電視劇集《神鵰俠侶》（1983年版）中主演黃蓉的香港資深藝員歐陽佩珊今日下午病逝，終年63歲，其丈夫郭鋒今日接受《蘋果》查詢時表示，他起初語氣平靜：「係四月開始發生�H事，腦部中風，做咗三次開腦手術，發覺原來係有腫瘤，所以一直到今日返咗港醫治，冇藥物對付到佢，做唔到，所以至會有咁不幸�H事，所以我都覺得好傷心。」講到歐陽佩珊病情:「我哋喺吉隆坡時佢突然腦出血，以為中風，做咗三次手術，點知發現原來係肺腺癌。」
郭鋒透露太太是在今天下午1點41分，於養和醫院病逝。問到太太臨終時是否一直在身邊相陪?郭鋒語帶哽咽說：「當然喺身邊，依家我睇吓點安排打理後事，交畀屋企人搞，我暫時想安靜吓。」
歐陽佩珊原名陳潔英，於1960年代出道，曾演出粵語片，後來於1975年加入麗的電視，成為當家花旦，主演過《子夜》、《半生緣》等劇集。及後到1978年轉投無綫，主演《小李飛刀之魔劍俠情》、《抉擇》、《楚留香》、《網中人》、《上海灘》及《神鵰俠侶》等經典劇集。到1989年再轉投亞視，亦有參演電影。歐陽佩珊於1977年與郭鋒結婚，到90年代逐步淡出娛樂圈。
http://hk.apple.nextmedia.com/enews/realtime/20170709/56934737
