當前日我臨去大陸時睇到這單新聞，初時電視台仲話個 "魔警 "放左幾個人質，有個女團友帶住幾名小朋友離開，仲有個男團友都可以走，仲以為這件事可以和平結束！不過當我返香港，係間餐廳同我爸爸吃飯時，電視就出現令人恐怖的畫面，個 "魔警" 竟然亂槍掃射人質，仲話全部人質被殺害，我成個人呆晒，後來證實有人質獲救，心情先致平復！不過有八名港人係今次事件中遇害，心裡面當然悲傷同憤怒，我同大家都覺得這件事，同廿年前由曾志偉做導演的電影 "安樂戰場"劇情差唔多，但係這電影情節點會發生係今次事情中，開開心心去旅行，最後要嚇死異鄉呢？同時我非常 不滿菲律賓警方處事手法，明明有好多個機會可以打死個 "魔警" 同拯救人質，但係成班飯桶都冇咁做，仲做埋晒D低能野激怒個"魔警" ，本來可以冇事，最近攪到佢要開槍，同埋個班所謂 "特種部隊 "，根本就係 "特廢部隊 "裝備落後，行動笨拙，打爛個車窗都唔識，連開車門都失敗，仲有幾條友想話上車拉人，不過就差D中槍，最後都要好狠狽咁落車
總之今次菲律賓政府同警方係極度失敗 佢地仲一D同情心都無，有幾名女學生竟然係悲劇現場拍照，仲係到笑，咁都做得出，真冇人性
最後我為今次遇害的港人深切哀悼，亦為傷者同家人深切慰問！同時我見意將Oldcake改為黑色，以表示對遇難者的哀悼！
