打過嘅街機大雜合
"世界英雄傳1" - 好多人會好奇怪，點解我無介紹"餓狼"、"拳王乜乜"或者"鐵拳"呢d格鬥game，可以講以上呢3隻game，小弟真係比較少玩。玩得最多同最like玩嘅格鬥game，除咗"街霸系列"，就係呢隻"世界英雄傳"喇! 呢隻第一代，我就最like用蒙古佬同將軍(藍色嗰條友)，因為最易用又易爆機!
呢隻唔知叫"恐龍世代"定"恐龍戰士"嘅2D橫向game，小弟非常like玩，當時每次玩一定會煲爆佢，我由用$100煲50舖(2蚊一局)到只係用$4打爆機，可以講俾咗唔少錢落呢隻game度，而家間中都有用PSP玩返呢隻game，又係唔爆唔閂機嗰隻。
"復仇王" - 呢隻又係小弟另一隻以前同而家都會煲嘅game，不過唔知點解唔係太多人like玩呢隻game.........又無人答到小弟呢?
呢隻相信一定會用唔少女仔玩過，我諗唔駛再介紹呢隻"泡泡龍射波波"啦!!!
