80年代中望月三起也先生再執筆畫“新七金剛”，故事主角飛葉大陸經已失去記憶，唯一依然存在喺腦中係射擊本能。ffice
ffice" />
因為舊有角色已經全體陣亡，新加入成員包括一個混血黑人少女、克羅斯（性格外形其實好似八百）、鬼木一八、水戶、有個前僱佣兵（名字忘記左，樣有少少似世界）、縮骨怕死嘅前橫濱警署署長等人，加上草波勝指揮，組合成新七金剛。
由一至九集為第一部份“野獸傳說”，完結後第十至十四集每本書各分兩個獨立短篇故事，但第二部份主要敵人都係個叫A乜乜嘅組織。
新七金剛依然貫徹精采暴力動作場面同曲折橋段，可惜我總覺得新不如舊，相信係因為角色關係，角色欠缺靈魂，望月三起也先生並冇對新成員著墨太多，有時令人感到可有可無，犧牲左都唔太可惜！
對比起舊作中提過：“七金剛其實就是由一羣群傻瓜的友情結合而成！”，各人嗰一種生死之交嘅感覺新作中實在好淡好淡。
天龍曾經出版過新七金剛中文版但第一部份野獸傳說完結後就冇再繼續出，而且翻譯得極差，我睇完後要番閱上文下理再睇圖先猜到究竟講乜！
例如個奸角話：“簡直是甲由！”，真正意思其實係簡直是曱甴先啱！“在聽著奧曼” 睇過圖先明白奧曼原來係譯自Walkman！心血少D都估到你傻呀！
