羅樂林都算係最紅唔起的楊過，之後的劉德華、古天樂、黃曉明演完楊過都越來越紅，羅樂林就算在佳視亦唔係齣齣做主角。佳視的射雕同神雕我當時都冇睇過，但睇過佳視版雪山飛狐，羅樂林演田歸農。羅樂林去到麗的都係演配角，好似天蠶變的陸丹，大內群英的無名。到80年代亞視走了萬梓良、潘志文等小生，羅樂林先至有機會做主角，最有印像係101拘捕令。依家係TVB的甘草綠葉，算襟撈。
講開佳視出雪山飛狐，演胡斐係台灣演員衛子云，袁紫衣係米雪，苗人鳳係白彪，演福康安係伍衛國。及唔上80年代呂良偉版的雪山飛狐，但絕對好過後來TVB拍的陳錦鴻版及依家ATV朱茵阿嬌果齣。
TOP
原帖由 電子分光人 於 4-6-2007 14:18 發表 可能因為佳視執左，D母片己經唔見哂？
應該還存在TVB或ATV的倉庫，因為當年佳視版雪山飛狐就係在TVB中午時段播出，我才看得到，不過也廿多年前了。
把佳視劇集再發行出VCD及DVD，會有市場的，盡管那些制作今天看起來很落後，甚至匪夷所思，例如石天果副尊容演美男子金蛇郎君，毫無貴氣的梁小龍演楊康，真係唔明當年點選角。不過當TVB的舊劇出得七七八八，亞視麗的又唔係好多值得出碟，點都輪到佳視了，趁著還可找Do姐、米雪、羅樂林、白彪等來宣傳。
