版主
I Want To Believe
原帖由 Kal-El 於 24-3-2009 14:49 發表 味千拉面的確你唔錯的, 但我同老婆, 都習慣稱呼佢為味精拉面, 咁叫法純粹好玩, 冇特別意思的
幾年前早期既湯底真係令人勁口渴, 但似乎近年就改良左無咁利害.
講開拉麵及辣野, 有無試過別府拉麵?
佢地有超辣麵, 真係重未食過咁鬼辣既野, 記得係分5級辣,
最勁都只能試到第4級, 真係辣到舌頭都腫脹麻痹哂, 連講野都搞到變成一舊舊咁...
查看詳細資料
TOP
原帖由 Athena 於 24-3-2009 18:16 發表 飲得水多一樣會中水毒，砒霜食得分量岩都可以救人個人認為，樣樣唔過分就點食都得啦
前幾個月報紙有講真係有人飲水過多, 直情死左.
原帖由 foureyesfatboy 於 26-3-2009 08:08 發表 我都聽過....好似有個英國人........足之比我找到... 8小時灌10公升凍水 英漢水中毒喪命 為紓緩牙肉痛 誘發心臟病(明報) 07月 09日 星期三 05:10AM 【明報專訊】人牙肉腫痛，可以吃止痛藥、 ...
好似就係呢單新聞, 謝謝.
原帖由 聰洛多薩比 於 26-3-2009 15:00 發表 食辣野真係唔好亂食... 就算自己食得... 都要問下個胃受唔受得... 少少辣對身體無乜大問題... 但係大辣就唔得喇... 對腸胃有不良影響... 小朋友都係唔好食咁多辣... 腸胃受唔到...
自己一世人試過最痛苦既病痛....就係腸胃炎.
個胃抽吓抽吓咁不斷咁痛幾日,
就係因為有一次到某泰國餐廳吃了超辣冬陰功裏既一條辣椒而起, 估唔到殺傷力咁強橫.
原帖由 foureyesfatboy 於 27-3-2009 02:30 發表 真實個案請大家小心: 我有個朋友成日個胃有事, 看醫生說是個胃只是食胃藥....年多之後個肚同背劇痛三個月後回歸天國. 原來有了胰臟腫瘤有一段時間發現時已經是末期. 我有個親人也是一樣. 老餅唔好睇輕胃痛. 好多腸 ...
好彩我既腸胃炎係十幾年前發生, 今日仲可以上OLDDCAKE, 應該就無事呀.
原帖由 Kal-El 於 27-3-2009 21:40 發表 別府拉麵就未食過, 不過我去正宗的泰國餐廳, 可以飲到餐牌上超勁的3隻辣椒級數苳陰公湯, 個人可以食得超辣, 相信食佢係冇問題的
我都可以吃超辣, 但係上次搞到腸胃炎真係估唔到咁西利.
原帖由 Kal-El 於 27-3-2009 21:42 發表 有時食我辣, 會連個頭都痕埋, 係真痕果隻.......一路食, 一路流汗, 一路頭痕, 都幾過隱
都試過辣到頭頂出汗, 其實感覺好怪.
原帖由 Kal-El 於 28-3-2009 22:31 發表 只係辣應該唔會腸胃炎, 我覺得食物唔清潔有細菌先至係主因
我諗係真係因為隻辣椒...
當晚3人吃飯, 我記得問過其他二人, 隻辣椒食唔食得?
最後佢地二人都無事呢....當然係因為只有我一個真係食左.
原帖由 Kal-El 於 30-3-2009 12:27 發表 唔一定架, 有時食物中毒, 一班人食同一樣野, 有d人有事, 有d人就冇事, 睇下好唔好彩架炸
唔知呀, 睇醫生時都係咁照直講.
原帖由 Kal-El 於 11-4-2009 11:47 發表 同佢講係冇用的, 佢縱個仔嘛, 都係要教訓條友仔比較有用d
點教訓條友仔法?
講呢個湊仔湊女心得...終於都似乎去到重點了.....
原帖由 Kal-El 於 14-4-2009 00:24 發表 第一, 當然係比之前有蟲的片段佢睇第二, 用佢鐘意的野要協佢, 例如遊戲王卡, 三國低B戰士等....因為佢娘親唔識呢D野, 淨係我先可以同佢傾, 同埋買到比個仔, 佢會驚的...呵呵呵...
我曾經諗過....會吊起個仔來用棍摳...
原帖由 Kal-El 於 15-4-2009 10:02 發表 唔係掛, 希望你呢個諗法從未付諸行動
呢個叫....家法侍後?
今時今日講法律, 當然唔會咁做!
第日被條友仔去防止虐兒中心告佢老豆咪死?
原帖由 Kal-El 於 15-4-2009 20:38 發表 仲有, 因為條友仔特別鐘意遊戲王卡, 而我又在儲的過程中有很多重覆, 所以就定下規則, 90分以上就一張普通卡, 95以上, 就一張金字或銀字卡, 前3名就有LOVE突閃, 5名之內就珍珠閃, 10名之內就金字閃及銀字閃, 條友仔的 ...
好可惜自己真係唔識玩閃咭野...
將來兒子長大了, 點同佢玩好呢?
原帖由 Kal-El 於 16-4-2009 12:55 發表 投其所好啫， 我個仔鐘意玩卡，你個仔未必中意，總之佢鐘意玩咩，就用咩黎引佢讀書就好啦
我兒子喜歡玩車, 都有接近100架小型車仔了,
近幾個月佢亦開始喜歡記誦街上汽車既牌子, 以前有個姪仔一樣係咁.
原帖由 Kal-El 於 19-4-2009 19:05 發表 咁你就可以tomica 的車仔來誘惑佢, 要佢讀好d書, 或有幾多個90分以上, 就送佢一架, 效果應該會幾好
最近已開始禁制佢不準許次次都要買玩具!
今天就親自對佢說, 要日曆係紅紙先可以買玩具,
至於什麼是紅紙? 呢個就說來話長, 一路行一路講解佢知吧...
咁就成功地閃人了, 今天星期日咪就係紅紙囉.
原帖由 Kal-El 於 20-4-2009 23:10 發表 走得一星期, 走唔到下個星期, 你實在太大意了, 有時農歷新年一連幾張紅紙, 唔通你日日買比佢咩???但係要佢成績90分以上先買, 就有d難度, 起碼條友仔唔會次次有90分以上, 所以用成績黎換, 係著數d的....
連續係紅紙既問題....唔洗怕既,
就算話太陽從西方升起都可以, 擺到明係恰呢個兩歲BB呢, ....
Kal-El 兄既方法亦相當唔錯, 再過多幾年就可以實行.
原帖由 Kal-El 於 21-4-2009 21:51 發表 原來係2歲BB, 最得意, 最好玩的時期, 過多幾年, 就會頂心頂肺, 過幾年你就會知的了, 唉
我最担心反而是子女到達十零歲時期...
原帖由 Kal-El 於 23-4-2009 15:15 發表 我都擔心, 學好學壞, 呢個係關鍵年齡, 要睇佢緊D, 我條友仔依家9歲半, 已開始學人講邊個鐘意邊個, 邊D人又三角戀, 真恐怖
我個女幼稚園5歲時已經話佢有男朋友....
原帖由 Kal-El 於 25-4-2009 23:41 發表 佢咁講, 肯定你笑左好耐, 兼且擔心左好耐.....5歲大的小朋友, 居然都識講呢D野, 真係人細鬼大....我上年聽個仔講, 佢地果班(當時時二年級), 紀有一個男仔寫紙仔比個女生, 話好愛佢...跟住個女生話左比先生知, 仲'的' ...
二年級生....好愛佢?
可能因為受到電視影响吧? D小朋友學哂呢D佢地自己根本都唔明既說話.
原帖由 Kal-El 於 27-4-2009 13:35 發表 個仔話聖誕節時玩交換禮物, 點知我個仔抽到果個男仔夢中情人的禮物, 夾硬要我個仔換左比佢, 我個仔又冇咩所謂, 終於比呢個男仔得賞所願...我估果個男仔佢真係鐘意個女仔的
問世間情是何物? 呢D野好難講.
自己二年級時做緊乜呢? 真係連溝女係乜都唔知喎.
