高級餅迷
中環區都有:
水記...牛雜,牛腩,炸雲吞..
盛記....街坊小菜(前一排菜生都有介紹)
陳泗記...碟頭飯,打邊爐(晚上)
玉葉....糖水最出名..(當年妙手仁心取景,但改佐人家系賣豬骨粥..... )
勝香園...番茄牛通粉/麵,豬扒包 (無記的甜言蜜語,徐子姍幫阿爸的大排檔)
波記.....乾炒牛河,小菜 (只限中午營業)
還有其它不馳名....
查看詳細資料
TOP
好幾年前,政府話大排檔衛生有問題,
立例,大排檔持牌人身故後,只可由配偶繼承....或取補償而交返個牌比政府...
所以大排檔才買少見少....
近年香港旅遊下滑,政府再倡議大排檔為香港文法特式..
考慮改例由非配偶繼承大排檔的牌照...
其實外國遊客都不知幾喜歡去大排檔,當年政府愚蠢才要趕絕有特式的大排檔.
例如幾年前政府堅持要拆走有八十多年歷史的民園大排檔....
其實好憎dx朝,香江xx之類做作式懷舊風味..
真正好味是大排檔....庸記咁大間,開始時只系一間大排檔...
一到夜晚,廟街d炒蝦蟹蜆檔...有時外國人重多過香港人....
那些識飲識食的外國人只會去大排檔,廟街找美食...點會去x朝,香江xx食d做作野....
久居香港的外國人多喜歡大排檔,有時晚上見到中環陳泗記,盛記有外國人一手拿啤酒,一拿握筷子夾小菜跟同伴談天....不知幾開心...
大排檔炒野咁正...最重要系個爐....燒火水再打氣.....火力勁猛..
近年報紙都不見有廟街食肆或大排檔發生食客集體食物中毒新聞....
反而四星級酒店的自助餐,年年都有幾宗集體食物中毒事件...
所以食到肚痛睇醫生.....食酒店自助餐中招風險大過街邊大排檔多多聲....
尖沙咀海防道天橋底都有大排檔,有檔牛丸重好出名..
不過有些大排檔是鐵絲網圍起,那處環境就認真麻麻...
很多時見到鐵絲網佈滿塵埃及煤屎.....有次去佐敦的大排檔,捧上桌的食物都沾染煤屎,大倒胃口...
