對ＣＫＣＫ兄所貼的劇集照內容印象很深刻，這一集亦是我心中所選最恐怖的，因為收看時仲好細，得幾歲大．
仲記個一集的劇情：
細路女收到一間玩具屋，個鬍鬚佬幫佢整公仔作為屋中居民，但其實係下左魔呪，Ｄ公仔全部家人的替身，每逄個女仔係公仔屋做的一切都會即時出現係自己間屋同家人身上，家人全完唔知，結果不斷發生慘劇，造成傷亡． 劇終係講間屋最後火燭，個鬍鬚佬唔知點解唔走，跟住就完左．
恐怖口既唔單止劇情，最記得當年睇時，唔知點解畫面正常播放，但聲音變得好似老牛咁，無論男女老幼都係一樣，十足撞邪，睇睇吓真係越睇越驚．大個左先明白當時播放的音軌可能ＪＡＭ左，所以轉速變慢，就成為老牛聲．只係唔明點解當時無線的工程人員或者節目部職員完全無任何交代或即時修理．
