金牌餅迷
原帖由 singingsoul 於 17-2-2011 10:15 發表 PC-Engine出過的型號多到呢.但是基本上係得一代的!!!! 請看圖, 全部皆為PC-Engine
我有PC-Engine Duo，1991年買入，當年係加拿大讀書，有朋友玩天外魔境 I 同伊蘇 I，對呢部機驚為天人，返香港無耐就聽聞佢出天外魔境 II，當時超任亦正值起跑期，結果我就係為咗一隻GAME，用$1900買咗人手啦，果時無乜錢，但買兩隻GAME一D都唔肉痛，英雄傳說1，買咗$500﹐到天外魔境 II，買咗$550，好彩後來信和地牢有角落有間GAME舖可以租GAME，我先脫苦海咋，有好多SUPER-CD ROM係手，舊年去日本，我買返隻Lady Phantom，點知返到屋企，部PC-Engine Duo死咗，死機定死牛未知，而家無乜GAME舖可以修理D咁舊既機種，5月再飛日本，睇吓掃唔掃到部二手，再唔係我知老深重有舖頭賣緊全新既PC-Engine Duo，成$2000，抵唔抵見仁見智。
查看詳細資料
TOP
原帖由 singingsoul 於 17-2-2011 11:47 發表 老深的店是否高登專賣舊console, 遊戲那所謂"鬍x佬"?
我唔係好清楚，只知係橫街。不過如果EMULATOR可以玩到SUPER CD-ROM，亦無必要買二手啦，
SS兄講個隻GAME好似係HU-CARD，ROM差唔多全部都收錄晒，上網應該搵到，近年家用機將PCE D GAME大移植，PS3可以DL，WII都可以。
原帖由 BforBOY 於 17-2-2011 22:44 發表 絶對唔抵!! 不如玩PC-Engine模擬器啦!!
B兄大大，如果可以賜教點樣可以用EMULATOR玩到SUPER-CD ROM，小弟感激不盡，我實在唔想買部二手或一手，但好想玩返以前D GAME呀
原帖由 BforBOY 於 17-2-2011 23:40 發表 小B請四位老友相約ー個可以五人合體 既日子好嗎? 志同道合特別正嫁!! 超期待!!!!!
可以結合，可以結合~~~
Let's Combine~~~~
原帖由 BforBOY 於 18-2-2011 12:40 發表 No Problem !! I'll give you a DVD-R have this emulator OK !!
B兄，再想請教，我之前都有玩開PCE既EMULATOR，HU-CARD當然無問題，但CD-ROM甚至係SUPER-CD ROM既用法係點呢?係用我自己既原裝CD-ROM，定係好似HU-CARD咁係用ROM FILE咁玩呢? 如果用ROM FILE，咁即係要有佢拆解既ROM先得，咁我既CD都係無用武之地喎。
原帖由 白鳥 於 18-2-2011 15:36 發表 講開用pc玩舊game, 你哋啲手掣OK靈敏嗎
本身PAD仔OK，但買咗個"棍波"手掣。
原帖由 BforBOY 於 19-2-2011 20:34 發表 見同你地咁啱Key!! 比我女朋友個樣你地睇啦!! 上面呢個撞磚至愛!! 下面呢個格鬦至爽!! 我估佢係香港絕版嫁啦!! Made in JAPAN !! 呢個Sega Saturn復刻版手掣就比較易揾 ...
個Character反晒光，睇唔清楚，但應該係魔界村系列1掛...
原帖由 BforBOY 於 19-2-2011 23:10 發表 幻兄你咁講只算答中一半啦!!
武器格仔係下面，應該係"超魔界村"......
做弓無端端變咗企鵝推冰?
原帖由 白鳥 於 23-2-2011 00:16 發表 當年真係好好玩
而家D所謂SHOOTING，不論直向橫向，都只講華麗，不求可玩性，開發費用落晒畫面，創意、趣味性乏善可陳，總之爆到花晒，閃到頭魂，彈幕佈滿螢光幕就叫好GAME，不知所謂。
更甚係好似越難玩就話係勁，痴線，難玩唔等於好GAME。2000年後我再無點玩新出既SHOOTING啦，不論街機定家用都一樣。
原帖由 杜劍龍 於 23-2-2011 15:15 發表 可惜我太忙冇參與呢個估Game遊戲, 因為打爆Mega drive版大魔界村 (two cycle) 係我一生引以為傲既成就黎架, 最後一就係呢關, 不斷向上升! 最後兩個超強大佬, 大皇蜂同死神 (死神唔咁肯定...) 唔記得第二定第三關, bo ...
劍龍兄，可唔可以改叫"機動漫三好"呀，打機、動畫及漫畫，講打爆機最大成就，對我嚟講應該係一蚊打爆Side Arm，打咁多可爆既SHOTTING GAME，始終覺得Side Arm惡攪。
魔界村?我完全唔掂~呵呵呵呵
原帖由 杜劍龍 於 24-2-2011 09:32 發表 中心──基恩軀幹──人頭獸右手──天神左手──巨人神右腳──真神左腳──地神講明先, 我唔做軀幹架!
我唔做基因同軀幹，兩個大男人，嘔心死啦
似乎都係時候要買返隻EXT HD去載B兄果幾十GB嘢啦......
原帖由 BforBOY 於 2-3-2011 23:24 發表 首先第ー隻係1983年既Dragon's Lair由Cinematronics推出!! 當年用LaserDisc運作既新款機種!! 可播放動畫影像於Game中!! 而家可以用iphone玩到啦!! 第2隻係1988年SEGA既 ...
Dragon's Lair係iPhone可以玩返，重有SPACE ACE TIM，我早日DL咗一個EMULATOR，轉玩LD GAME，我玩返COBRA同BAD LANDS，正呀~~
原帖由 BforBOY 於 2-3-2011 23:33 發表 當然有啦!!
你睇，幾咁簡單既畫面，幾咁好玩既遊戲~~而家? 超~~~
重有同期既賊仔機，叫LUPIN 3，雷朋三世
重有平安京怪獸，重有能源機(即係一開始有架類似大和號既物體飛落嚟比能源你呢。叫乜名呢?
原帖由 BforBOY 於 4-3-2011 00:16 發表 幻兄唔緊要啦!! 最重要係你個人到呀!!
如果要交收HD，今日可以點做呀，定係星期日交收後，再約過出嚟呢?
原帖由 BforBOY 於 4-3-2011 09:58 發表 Calling me !! 我星期五會出旺角行街!! 如果星期五晩上放工時,可以在旺角地鉄站先交Hard Disc比我回家DL個Mame!! 咁樣到星期日就可DL完成以物歸原主啦!!
無法啦，我星期六先啱啱買到隻HD，麻煩B兄DUB完再約出嚟攞....
我要返崇拜，12:45先到度......
原帖由 BforBOY 於 7-3-2011 20:45 發表 有志者,事竟成!! (今日又買左街機白書Vol.2啦!! )
咁下次又要攞出嚟分享吓啦。
B兄，多謝MAMI，但我發覺，呢個VERSION既MAMI，用KEYBOARD既CONTROL係好唔掂GA，不論DESKTOP，NOTEBOOK，都有幾個係機舖最怕遇到既問題：
1. 風油軚
2. 側死一邊既控桿或突然失控唔郁
3. 反應遲半至一秒
3. 子彈唔出，無反應
都係快D用返手制囉......
原帖由 BforBOY 於 14-3-2011 19:48 發表 幻兄!! 你玩緊既Mame唔係叫Mami呀!! 罰抄ー千次!! 快D去深水埗黃金商場買個USB轉換器啦!! 或者下次六神合体聚會B仔帶一個比你呢? 玩左Momoko同埋銀河任俠伝未呀!!
Load咗銀河任俠，但微粒好粗。
