引用:
原帖由 明仔 於 27-2-2011 17:35 發表 
完全唔認同雖然故事設定中宇宙戰艦大和係由二次大戰大和既殘骸改建而成,但除此以外,當日十分成功既電視動畫並無將二者作任何掛勾,更沒有甚麼精神繼承之說(松本零士漫畫中或有提及,但動畫中肯定沒有). 雖然電 ...
無人要你去認同既，你對呢套片既評價、對白既觀點全都係你個人意見，一隻橙係甜係酸，個個人食都感覺唔同，唔可以你話酸就一定係酸，你覺得呢句對白Stupid，咁對你咪Stupid囉，唔代表其他人都要認為係Stupid，起碼從我對大和同松本零士既認知，我唔覺係Stupid，重要係好忠於原著既一句對白，我求既係一套係可能情況之下，儘量唔改動既大和號真人版，而家改到咁樣係有D不論不類，我既非死忠，亦唔可以太苛求，相對亦唔覺得要將乜嘢民族大義、拍攝手法、市場研究、邏輯情理強加諸此片，以表示這片之無能。呢個網係用嚟懷舊既，要做影評可以係樓下情報區大興筆誅。我覺得就保留原著神緒，用以滿足我呢個老餅對大和既思念，呢套戲比以前20乜週年紀念既YAMATO 2520好得多多聲。
重有好多C HING話TV版無講宇宙大和係前大和改建，精唔精神傳承，關唔關係都有好多意見，反而我想問到底大家有幾擾清楚，係咁多位大老餅面前，請恕小弟班門弄斧，將我對松本、西崎老師同大和既認知，就呢D講多少少。
首先好多人都認知松本老師係大和既原作，但西崎義展同山本暎一都可能係共同創作，松本老師既漫畫1974年11月號冒險王(即10月出版)先開始連載，TV則是同年10月20日開始放送，故有後嚟既版權爭議亦不足為奇，但兩者對大和設定，均有共同認知，就係宇宙大和都係由1945大和改建，呢樣嘢係1978年既宇宙戦艦ヤマト全記録集中已提及，及後到了アニメージュ創刊號中的大和號特集(TV版2)都有提及。我未看過日文原裝版本，不知道TV版中有無真正一句對白講宇宙大和係用1945年既大改建，但當年麗的版既"古進"就係第一集同"大偉"講：「呢隻戰艦咁舊，有無用嫁」之類既對白。松本老師未敗訴前，他的大和官網亦有提及宇宙大和是由1945大和改建，及後至今的新官網的簡介內，仍然表示相同的事。所以如因個人喜好，尚未完全清楚事情就將內容原應為合情合理既事，斷言為Stupid或講到跟劇情毫無關連既話，咁就輪到我呢個大和愛好者完全接受唔到啦。
順帶一提，Louis兄在上文QUOTO咗YOUTUBE一段話TV版無講有關戰爭，請看英文版STAR BLAZERS的解釋：
Following this,Westchester Corp., identified the Space Battleship Yamato series as a potential "kids" property"(Starlog, June 1980), and bought the rights to the first two seasons (which at that time were the only two seasons). Dubbing and editing were done by Griffin-Bacal Advertising and production and syndication by Claster Television. The Japanese elements such as series title and scene captions were replaced or edited out. New opening credit rolls were created featuring the "Star Blazers" logo.
美國為使宇宙大和"入得廳堂"，故將佢Localize兼低年向化，敏感對白被刪減不足為奇。
宇宙大和壓根就是軍國主義的產物，連我這個愛好者都不否定，這個評論，當年係漫週同2001漫週中松本迷跟安彥迷經已在30年前嘈到拆天，要宇宙大和就請接受，要為不同原因而去改拍變了質的宇宙大和，就不再是童年的宇宙大和，除了掛住屍體的名字外，無嘢值得回味，咁既質數既話，我就連留意佢都不會，正如SCI-CHANNEL既新版卡拉狄加一樣，跟原著設定完全唔同(80年代電單車版既卡拉狄加都係一樣咁差，唔係APOLLO、STARBULK個年代故事軸，自打咀巴、錯晒)，得個外表同名，原意死晒!
或者大家想宇宙大和能登大雅之堂，應該要除"日本化"或"隱惡揚善"，如果宇宙大和因軍國意念而先天不足，未能登國際舞台，咁就由佢做日本山寨王算數，我唔覺得有乜必要去改，只是臭豆腐唔臭的話，叫乜嘢臭豆腐? Macross無咗三角關係無咗歌姬同韋基利，空得一加1200M長既太空船，點叫MACROSS?GUNDAM無咗新類型人物體、無咗眼罩男，咁又算唔算係GUNDAM? 大多要攪新意思既嘢，不論日本美國或阿爺，因為想要保住一班擁躉，幾多作品嚟一個"新酒舊瓶"結果都係"畫虎不成成犬類"，我唔係反對要有新意念，但既係新意念，有種既就唔好將D舊作出嚟鞭屍，明明係一套完全跟原作無關連既嘢，死都要用舊作名，我就唔想宇宙大和改頭換面變成另一套卡拉狄加啦，係呢方面係電影公司對宇宙大和既一份起碼既執著，果句對白外銷係死硬，但就對原著而言，算是一份尊重，當然壓根乜都唔好改，我會覺得更滿意。
幸而呢套宇宙大和，尚唔算係以上情況，都係果句，要做一套明仔兄所講既大和，就經已唔再係宇宙大和，狹持各演員的名氣，拍套叫太空旗艦某某、地球滅亡365或者放射能大侵略好過啦。
