經典日本特撮●動畫●卡通回憶

標題: 1978 太空基地(大武士)之後有冇重播過? [打印本頁]

作者: edso 時間: 7-9-2006 09:26 標題: 1978 太空基地(大武士)之後有冇重播過?

我印象中在80-82年倒睇既.

作者: 任因玖 時間: 7-9-2006 21:58

雖不中,但不遠而!!!! 走下坡的時侯, 路是平坦無阻的.

作者: Ricky00893 時間: 9-9-2006 17:20

引用:

原帖由 edso 於 7-9-2006 09:26 發表我印象中在80-82年倒睇既.

430穿梭機時段內播出，貨櫃車型機械人。絕招係烈火旋風轉及冰凍噴射器令敵人身體破烈。再以手刀KO敵人。

作者: kuen12297 時間: 10-9-2006 01:50

我想問各位知道边到有大武士既DVD and vcd買呀?thankyou!

作者: hang 時間: 12-9-2006 02:47 標題: 控制大武士

最過癮的控制機械人方法，佢係用幾個吸盤吸著隻手及膊頭個人點郁大武士就點郁.....個主角好似識空手道.... 佢係無劍用...

作者: 任因玖 時間: 15-9-2006 22:30

我記得主角架車由機械人腳底衝入車頭, 之後變身!!!!! 最戇居的水上活動, 就是一個人跌進愛河

作者: 9594 時間: 18-9-2006 08:12

連首主題曲我都好鍾意

作者: 杜劍龍 時間: 18-9-2006 17:20

我認識toby個網係睇唔知邊本Game書, 其中一個作者係大武士fans, 佢話無意中發現左toby個網, 可以睇番佢至愛大武士既OP! "燃亮我!燃亮我!"

作者: gettertam 時間: 19-9-2006 00:07

is Game Zoxx

作者: 杜劍龍 時間: 19-9-2006 08:47

好似係, 宜家我基本上係唔睇game書, 玩game都係隨緣. 個期個封面叫足球遊戲發展史, 咪買黎睇下lor. 頂! Mexico 86 (Kick and run)都冇講咁膽話足球遊戲發展史!

作者: gettertam 時間: 21-9-2006 23:57

燃亮我燃亮我讓那火舌更高張願我能像那火炎將隔膜燒乾求讓我像那火向正方申張一點公正共決心變無窮力量明亮的小火舌狂潮一樣我發熱發光金光照著朝陽像烈火將太空那黑洞照光永遠和平這是目標每日寄望盡力到底鎮壓惡魔要和平早一點降是我心內理想邪難敵正只要我勇敢又堅強

作者: 杜劍龍 時間: 22-9-2006 09:50

呢首真係好正. 高潮位一浪接一浪, 點解Karaoke冇得唱!

作者: carkei 時間: 23-9-2006 23:07

請問主角是否叫"雷一龍" ?

作者: 超能電子男 時間: 24-9-2006 01:20

我好種意大武士既2種絕招,龍捲旋風和烈風正拳特!

作者: 杜劍龍 時間: 27-9-2006 01:25

作者: yotmlp 時間: 27-10-2006 02:13

我like佢背部有鑽頭的飛彈.....同埋佢心口火龍捲及水龍捲

作者: 巴士佬 時間: 2-11-2006 23:47

我仲有個超合金添呀,在"大大百貨"買,當年hk$98.00, e家仲放在床下底

作者: 杜劍龍 時間: 3-11-2006 11:07

影d相黎睇下呀!

作者: BlackRX 時間: 4-11-2006 14:54

very good job

作者: 黑色三連敗 時間: 19-11-2006 23:22

引用:

原帖由 Ricky00893 於 9-9-2006 17:20 發表 430穿梭機時段內播出，貨櫃車型機械人。絕招係烈火旋風轉及冰凍噴射器令敵人身體破烈。再以手刀KO敵人。

絕招名係咪真係咁叫?因為好想知~~

作者: 黑色三連敗 時間: 19-11-2006 23:24

我自己很喜歡這套動畫,一龍同愛麗嘉呢對戀人,實在太多苦難~~~

作者: 杜劍龍 時間: 20-11-2006 10:57

呢套野愛情線唔錯!

作者: 黑色三連敗 時間: 20-11-2006 14:38

而家youtube有得睇啦,不過係英文版

作者: carkei 時間: 28-11-2006 09:29

正 link http://zion.cnmsl.net/robot/daimos/index.htm

作者: 杜劍龍 時間: 28-11-2006 11:11

國內都有人識大武士?

作者: singingsoul 時間: 28-11-2006 14:30

引用:

原帖由 杜劍龍 於 22-9-2006 09:50 發表呢首真係好正. 高潮位一浪接一浪, 點解Karaoke冇得唱!

不厭其煩再呼籲﹗ 有的﹐我們都有點大武士但唱中文﹗ (我們有一小GROUP人這年來都會相約往銅鑼灣一日式KARAOKE一起唱動畫歌; 當中最開心莫過於選了日曲但自己唱廣東歌詞, 如MACROSS, ORGUSS, 機甲創世紀, 黃金戰士OP,ED等. 我真心誠邀這裡的前輩們結伴同往! 有意朋友可以借這裡通訊嗎? PS.我們會相約同往自己怒唱機械人動畫歌其實就是那胎死腹中的2006 超級機械人大戰魂演唱會事件所誘發的.)

作者: singingsoul 時間: 28-11-2006 14:40

引用:

原帖由 杜劍龍 於 28-11-2006 11:11 發表國內都有人識大武士?

這國內自護公國﹐機動戰士同盟的機械人動畫網非常強勁的。資料圖片非常齊﹐我簡直懷疑是日昇授權的網站來的。這國內自護公國﹐機動戰士同盟的機械人動畫網非常強勁的。資料圖片非常齊﹐我簡直懷疑是日昇授權的網站來的。(超力﹑V型﹑大武士﹑金毛獅王等其實出品是東映﹐但製作其實都完全是日昇的﹐我又在小人的blog內提及過)

作者: singingsoul 時間: 28-11-2006 14:43

引用:

原帖由 黑色三連敗 於 19-11-2006 23:24 發表我自己很喜歡這套動畫,一龍同愛麗嘉呢對戀人,實在太多苦難~~~

這劇的愛情線取材羅密歐與朱麗葉。而後來高達的08小隊又有參考呢。又賣廣告﹐我在BLOG中有指出其類同之處。

作者: 黑色三連敗 時間: 28-11-2006 19:10

引用:

原帖由 Tyler2 於 28-11-2006 14:30 發表不厭其煩再呼籲﹗ 有的﹐我們都有點大武士但唱中文﹗ (我們有一小GROUP人這年來都會相約往銅鑼灣一日式KARAOKE一起唱動畫歌; 當中最開心莫過於選了日曲但自己唱廣東歌詞, 如MACROSS, ORGUSS, 機甲創世紀 ...

尖咀都有一間~~~連Gundam Seed 都有得唱~~~

作者: 黑色三連敗 時間: 28-11-2006 19:16

引用:

原帖由 Tyler2 於 28-11-2006 14:43 發表這劇的愛情線取材羅密歐與朱麗葉。而後來高達的08小隊又有參考呢。又賣廣告﹐我在BLOG中有指出其類同之處。

那是因為v型係日本唔係太受歡迎,所以為左迎合國外市場,加入羅密歐同朱麗葉的愛情題材,而大武士也改為格鬥型~~~

作者: singingsoul 時間: 28-11-2006 23:17

引用:

原帖由 黑色三連敗 於 28-11-2006 19:10 發表尖咀都有一間~~~連Gundam Seed 都有得唱~~~

尖咀的你是否說DOREMI? 其日本歌庫與銅鑼灣(店名: J-sound25)相比是小巫見大巫. 銅鑼灣是跟日本的DAM系統的.

作者: 杜劍龍 時間: 29-11-2006 09:29

Tyler2兄, J-sound 25點去架? 去到點點日本動畫歌, 我唔識日文喎?

作者: 黑色三連敗 時間: 29-11-2006 13:47

引用:

原帖由 Tyler2 於 28-11-2006 23:17 發表尖咀的你是否說DOREMI? 其日本歌庫與銅鑼灣(店名: J-sound25)相比是小巫見大巫. 銅鑼灣是跟日本的DAM系統的.

全中~~~是doremi~~~原來tyler2君去那間j-sound25那麼厲害~~~有$要去見識下~~~

請問在那兒呢?

作者: singingsoul 時間: 29-11-2006 17:41

引用:

原帖由 杜劍龍 於 29-11-2006 09:29 發表 Tyler2兄, J-sound 25點去架? 去到點點日本動畫歌, 我唔識日文喎?

又真係要懂一點基本日文才容易找到歌曲的。可以用歌書以歌名或歌手名找歌。以日語之五十音排列的。但動畫作品﹑特撮作品又會有另開分頁方便查出。另外入歌REMOTE上亦會有個MENU可以選歌﹐可先讓人以作品類別來找﹐就例如動畫﹑特撮。 DAM系統全日本都有﹐所以甚至有網頁http://www.clubdam.com/index.html讓我先行找出一些心水歌曲號碼。網頁裡找出來的歌曲九成更有廿來秒的試聽。那裡可能沒有十足我們這裡談及過作品的歌曲-------不過﹐也會有八成以上了﹗你說得出的超力﹑金毛﹑重戰機﹑飛影﹑未來警察﹑鐵拳﹑所有GUNDAM﹑所有鹹蛋﹑所有幪面﹑黃金﹑SUPER戰隊包羅萬有。但是當然﹐各個作品以OP最齊﹐ED次之﹐插曲又再次之啦。這J-SOUND25是在銅鑼灣登龍街的﹐叫近時代廣場﹐或三越。我們幾位朋友仔約了12月頭又去雄叫了﹐有意同行者﹐請在此通知或PM留言給我。或是應該轉移吹水區呢﹖那裡是每人以小時收費﹐週末下午收$40一小時。不過沒有包飲品的。地方不大的﹐只有一大房﹐三小房。器材相對較佳﹐口味比較少眾﹐所以價錢不能避免偏高了﹐希望還是有人有興趣啦。 (關於這動畫歌曲日文KARAOKE, 我已經把這些內容都轉了去吹水區的"香港的日本特撮,動畫卡拉OK"一題目了) [ 本帖最後由 Tyler2 於 29-11-2006 21:51 編輯 ]

作者: singingsoul 時間: 29-11-2006 21:51

(關於這動畫歌曲日文KARAOKE, 我已經把這些內容都轉了去吹水區的"香港的日本特撮,動畫卡拉OK"一題目了)

作者: carkei 時間: 30-11-2006 14:12

變形 http://www.youtube.com/watch?v=1 ... E3%83%B3%20DIAPOLON

作者: chunsh 時間: 27-12-2006 06:21

我記得小學一年"給" (1986)個陣係4點卡通時段重播過

作者: victorchan 時間: 3-1-2007 10:07

太空基地 DVD Box 07年5月21日強勢登場, 看來太空保衛團都應該是今年之內出 DVD Box 啦. http://www.amazon.co.jp/%E9%97%98%E5%B0%86%E3%83%80%E3%82%A4%E3%83%A2%E3%82%B9-BOX/dp/B000M5KBIO/sr=11-1/qid=1167789621/ref=sr_11_1/250-3644821-8472227 封入特典（1）聖悠紀描き下ろしコミカライズ「闘将ダイモス」（2）解説書 ■特典DISC内容（予定）（1）79春東映まんがまつり「闘将ダイモス」（2）新番組特報（3）CMコレクション（4）ソノシートコレクション ■映像特典：特典DISC付 ■封入特典付特別收錄似乎非常吸引! [ 本帖最後由 victorchan 於 3-1-2007 10:13 編輯 ]

作者: LemonAnn 時間: 26-10-2007 22:10

www.youtube.com/watch?v=AL7uf26i224

作者: Athena 時間: 27-10-2007 18:17

引用:

原帖由 Tyler2 於 29-11-2006 17:41 發表又真係要懂一點基本日文才容易找到歌曲的。可以用歌書以歌名或歌手名找歌。以日語之五十音排列的。但動畫作品﹑特撮作品又會有另開分頁方便查出。另外入歌REMOTE上亦會有個MENU可以選歌﹐可先讓人以作品類別 ...

杜劍龍兄：放心，日文就交俾我。係就下次找個下午一同去唱飽佢！

自從多年前在大阪遊學時同班網友唱左一次動畫K後，都無機會再唱。

原來J-SOUND25間野咁近我屋企，下次約腳去唱動畫K CALL 埋我呀！(TYLER 2 我留左短消息俾你，有我聯絡方法)

[ 本帖最後由 Athena 於 27-10-2007 18:21 編輯 ]

作者: akaichoi 時間: 20-2-2008 11:38

最有印象係主角鍾意果條女就係壞人首領個細妹

而最後果集主角將大武士變成貨櫃車直衝入去敵人基地入面,之後.....唔記得有無事

作者: adamying 時間: 20-2-2008 13:36

引用:

原帖由 akaichoi 於 20-2-2008 11:38 發表最有印象係主角鍾意果條女就係壞人首領個細妹而最後果集主角將大武士變成貨櫃車直衝入去敵人基地入面,之後.....唔記得有無事

男主角喜歡嗰個係對方外星人的入侵地球的司令官細妹, 上面仲有個類似總統的壞人, 而嗰兩兄妹父親係前總統, 不過俾人暗殺咗, 而暗殺的人就是現在的總統. 所以男女主角的愛情得不到支持(最初). 而且女主角初初以為係自己錯手殺咗男主角父親, 所以好內疚, 唔想再見男主角, 自覺沒面沒資格喜歡男主角, 故事好似羅蜜歐與朱麗葉.

到最後一集係大武士係冇出現過機械人形態, 當時大武士已經打勝咗, 去到宇宙船內(貨櫃車形態), 嗰總統唔認輸, 要全宇宙船所有人和佢一齊死, 開動宇宙船撞入地球, 而要阻止就要經過一條路, 但全條路都係雷射槍, 大武士去到大半就已經開唔到, 因為全部車軚都被打爆晒, 停了下來, 其他沒有辦法再前進, 這時候女主角兄長出來打開條路(佢嗰時已經知道殺父仇人係邊個). 到最係就一定冇事啦, 如果唔係就全船人一齊死啦.

作者: adamying 時間: 20-2-2008 14:31

當年都覺得好正, 因為架貨櫃車終於都威番次.

而且我都覺得係一次突破, 大結局居然冇主角機械人出現.

作者: akaichoi 時間: 11-3-2008 17:08

引用:

原帖由 adamying 於 20-2-2008 13:36 發表男主角喜歡嗰個係對方外星人的入侵地球的司令官細妹, 上面仲有個類似總統的壞人, 而嗰兩兄妹父親係前總統, 不過俾人暗殺咗, 而暗殺的人就是現在的總統. 所以男女主角的愛情得不到支持(最初). 而且女 ...

謝謝詳細報導~

作者: 拾實什習窄炸集 時間: 2-4-2008 07:22

which TV station play this show TVB ?

作者: 巴士佬 時間: 20-4-2008 18:55

唔知幾時會出超合金魂呢

作者: KF17 時間: 4-1-2010 01:03

呢套野愛情片黎架!

集集都情情塔塔!

當年星期一至五4:00pm

無線播,佢做完4點半才播430穿梭機.

作者: 任因玖 時間: 8-1-2010 18:22

引用:

原帖由 KF17 於 4-1-2010 01:03 發表呢套野愛情片黎架! 集集都情情塔塔! 當年星期一至五4:00pm 無線播,佢做完4點半才播430穿梭機.

我都記得

作者: actionkamen 時間: 9-1-2010 22:06

引用:

原帖由 KF17 於 4-1-2010 01:03 發表呢套野愛情片黎架! 集集都情情塔塔! 當年星期一至五4:00pm 無線播,佢做完4點半才播430穿梭機.

乜唔係430穿梭機時段內播嗎

作者: 迷糊桃子 時間: 28-1-2010 18:50

430內是首播，之後是重播。

大武士令我記憶的有３件事：

1)有一集內約兩分鐘片段是沒有中文配音的，是原裝日語，不論播多少次都是。

2)很恨小時候沒有買到那款較細小版本的超合金，很精緻的，偏偏只買了會變型的大版本。希望有版友能提供圖片，因找來找去都是大版本的。小學時每年暑假到兆利隆買玩具時，總是只會看廚窗放著的細小版大武士，從來就沒有買它回來，或者嫌它細吧！

3)我那幅大武士砌圖缺少了３塊，永遠也不能復元。

不是只有紅色３倍力量哥哥才受歡迎，里特拉提督哥哥大人當年也迷到不少少女和小女孩。這種角色的專稱就叫做「美形惡役」。

作者: singingsoul 時間: 29-1-2010 11:09

引用:

原帖由 迷糊桃子 於 28-1-2010 18:50 發表 430內是首播，之後是重播。大武士令我記憶的有３件事： 1)有一集內約兩分鐘片段是沒有中文配音的，是原裝日語，不論播多少次都是。 2)很恨小時候沒有買到那款較細小版本的超合金，很精緻的，偏偏只買了會 ...

後來曾經在週末時段重播過嗎﹖我不知道呢。
大的大武士超合金應該係最醜超合金三甲之選。小時候一定係有大買大有變形買變形了﹐很難怪。
我發覺當年廠商係偏重變形或分體的模樣比例。例如超力舊版大超合金﹐合體後機械人都不見得幾型﹐但是五隻獨立是很漂亮有型的﹐不弱於合金魂版本。因為當年要顧及獨立一隻出售的市場﹐所以總不太理會合體後不好看把五隻都造到差不多大少。想想如果把合金魂Ｖ型或超力一號機獨立賣給你要賣＄２００﹐大家一定炒蝦拆蟹了。但是以前那隻一號﹐一大舊鐵真係好值租咁款。

關於美型惡役﹐有個關於這幾位長濱忠夫作品型男的惡搞漫畫很得意的。轉自機器人墓場 ---- 懷舊經典我的大陸討論區(這論壇一定要登入才看得到﹐稍為不便和很久沒有新post。但內容非常珍貴。)achillean君之掃圖﹕
http://bbs.minnland.com/read.php?tid=1148&fpage=8

src="http://i974.photobucket.com/albums/ae228/tylersinging/anime/handsomebadguy01.jpg" border=0>