經典日本特撮●動畫●卡通回憶

標題: 其實Z-Gundam點解要變形,有無實際用途?!?! [打印本頁]

作者: 任因玖 時間: 20-7-2007 17:22 標題: 其實Z-Gundam點解要變形,有無實際用途?!?!

其實Z-Gundam點解要變形,有無實際用途?!?!

作者: wwl36 時間: 20-7-2007 17:56

一來Zeta變型後可以飛快好多, G-Gen 入面常常用嚟救友機, 可以接受......二來可能大河原兄見Macross VF Fighter好多人喜歡, 就找Zeta玩變型, 引証高達世界都得, 也好成功.....但小弟唔喜歡

作者: 亞力 時間: 20-7-2007 18:07

引用:

原帖由 wwl36 於 20-7-2007 17:56 發表一來Zeta變型後可以飛快好多, G-Gen 入面常常用嚟救友機, 可以接受......二來可能大河原兄見Macross VF Fighter好多人喜歡, 就找Zeta玩變型, 引証高達世界都得, 也好成功.....但小弟唔喜歡

MSZ-006 Zeta Gundam並唔係出自大河原聯邦男既手筆, 而係出自藤田一己既.

作者: wwl36 時間: 20-7-2007 18:30

引用:

原帖由亞力於 20-7-2007 18:07 發表 MSZ-006 Zeta Gundam並唔係出自大河原聯邦男既手筆, 而係出自藤田一己既.

謝謝指教

作者: 任因玖 時間: 21-7-2007 11:11

在作戰上,

變型的作用不大.

不過,就係在gundam的歷史中,

出現了一個突破

作者: AmuroLee 時間: 21-7-2007 15:36

機動戰士Mobile Suit是一種活動及戰鬥範圍非常狹窄的兵器，難以像戰機和坦克般作出距離的飛行或行駛，往往要依靠母艦或其他運載工具運送到作戰現場。雖然有推進器的幫助，在大氣圈內有重力環境底下亦只能作有限度的「跳躍」上升，不能單獨飛行。就算在宇宙的無重力環境底下，MS持續航行能力及速度亦及不上太空艇、穿梭機及戰艦。

當可變形MS未出現之前，曾經出現過好些解決方案：最經典及為人熟識的便是高達所搭配的G戰機 (G Armor)與及老虎所用的當達Y.S.飛行板，亦即後來MS用飛行板的雛型。以上方案均透過在MS自體外另加部件來完成，無論設計、製造、保養及維修成本均比結構複雜的可變形MS低得多，所以就算到可變形MS出現之後，仍然繼續廣泛地使用，例如高達MK-II的G-Defenser、靈格斯爾(Re-GZ)的Back Weapon System與及各種飛行板的發展型號。外加部件的另一好處是可以裝上馬力及體積較大的推進引擎，額外攜帶燃料以作長途航行之用，而且能在MS作戰時與機體脫離，減輕MS本體的負擔。缺點是缺乏靈活性，不能像可變形MS般可以隨時瞬間在不同形態之間變換以適應不同需要，在作戰過程中亦容易被破壞。如要在艦外組裝或結合，對機師本身的技術要求非常之高。

可變形MS的可變形系統令它們集各種兵器的長處於一身，既不失MS的活靈和汎用性，又能夠擴大其作戰範圍，補其續航能力和速度的不足，而且能在瞬間切換以適應不同作戰情況和環境，但複雜的機體構造令設計、製造、維修和保養成本非常高昂。有些可變形MS的結構比較單薄，這大大影響了機體的堅固和穩定程度，有些機體甚至因為要遷就複雜的變形系統而犧性了其運動性能和可靠性。

當MS有須要進行宇宙空降地球的任務時，往往要在機體上裝上隔熱罩或隔熱傘，在進入大氣層期間，MS的活動能力受到極大的限制。飛行裝甲 (Flying Armor)的出現令問題得以解決。Z高達除了引入變形系統外，更把飛行裝甲的技術融入到其飛行形態 (Wave Rider) 之中，令它能夠在不須額外組裝任何部件的情況下能夠獨立地進入地球大氣層！

Z高達可算是Anaheim Electronics集高達MK-II、力奇戴亞斯、百式等先進MS技術於一身，再加入變形系統和獨立進入大氣層能力的得意傑作。

如果說初代機動戰士是第一世代MS，裝上全天周360°駕駛倉及活動骨架的機動戰士是第二世代MS，那麼可變形的機動戰士便是第三世代MS，擁有複雜的合體變形系統的機動戰士便是第四世代MS。

[ 本帖最後由 AmuroLee 於 23-7-2007 01:30 編輯 ]

作者: AmuroLee 時間: 21-7-2007 15:38

引用:

原帖由亞力於 20/07/2007 18:07 發表 MSZ-006 Zeta Gundam並唔係出自大河原聯邦男既手筆, 而係出自藤田一己既.

Zeta Gundam內登場的MS其實是集體創作。

其實MK-II的其中一個初稿與及Zeta Gundam的變形結構是大河原的設計，後來再經經藤田一己等人執過，變成後來的模樣。

後來小林誠的ZZ Gundam亦被明貴美加執過，先至變成後來o個個樣。

[ 本帖最後由 AmuroLee 於 21-7-2007 15:44 編輯 ]

作者: Ahming 時間: 21-7-2007 21:16

根據官方解釋，好似係話為進入大氣層…片集中它亦是奧干唯一不需要輔助器具，就可以直衝入大氣層。
但實際原因，我覺得都是受超時空要塞的影響多，始終最終設計權唔話話邊個人，而是果間廠！

作者: AmuroLee 時間: 23-7-2007 06:11

引用:

原帖由 wwl36 於 20/07/2007 17:56 發表一來Zeta變型後可以飛快好多, G-Gen 入面常常用嚟救友機, 可以接受......二來可能大河原兄見Macross VF Fighter好多人喜歡, 就找Zeta玩變型, 引証高達世界都得, 也好成功.....但小弟唔喜歡

Zeta被設定成可以變形，並唔係設計者的意思，而係製作層喺作品企畫階段已有嘅共識。

大河原邦男、藤田一己及永野護等人都是按著總監督的要求去設計劇集中登場的MS。

其實八十年代中期係變形機械人動畫之風最盛嘅時候，你可以話呢股風氣係由超時空要塞開始帶動，跟住就衍生咗一大堆以可變形機械人為主角嘅動畫作品，好似機甲創世記，超時空世紀，重戰機(Mk-II)，變形金剛系列重有後來嘅天威勇士，Z高達當年亦係受呢股風氣影響。

[ 本帖最後由 AmuroLee 於 23-7-2007 06:24 編輯 ]

作者: AmuroLee 時間: 23-7-2007 15:53

話時話，雖然八十年代中的變形機械人風潮由超時空要塞所帶起，但要數可變形機械人動畫的始祖，莫過於1975年的勇者雷登，比1977年的太空保衛者還要早：

http://www.youtube.com/watch?v=Cn-ryeDZweQ

而此作頭26話的總監督正是高達之父──富野由慜季

http://zh.wikipedia.org/w/index.php?title=%E5%AF%8C%E9%87%8E%E7%94%B1%E6%82%A0%E5%AD%A3&variant=zh-hk#.E5.8B.87.E8.80.85.E8.90.8A.E4.B8.81.EF.BC.88.E5.8B.87.E8.80.85.E3.83.A9.E3.82.A4.E3.83.87.E3.82.A3.E3.83.BC.E3.83.B3.EF.BC.89.EF.BC.8FTV.E7.89.88_1975-76.E5.B9.B4

作者: wwl36 時間: 23-7-2007 20:10

引用:

原帖由 AmuroLee 於 23-7-2007 06:11 發表 Zeta被設定成可以變形，並唔係設計者的意思，而係製作層喺作品企畫階段已有嘅共識。大河原邦男、藤田一己及永野護等人都是按著總監督的要求去設計劇集中登場的MS。其實八十年代中期係變 ...

但Zeta入面啲MS唔夠0079噤吸引小弟

作者: 任因玖 時間: 24-7-2007 14:51

引用:

原帖由 wwl36 於 23-7-2007 20:10 發表但Zeta入面啲MS唔夠0079噤吸引小弟

我都覺得係,

我比較like RX-78-2

作者: 任因玖 時間: 3-8-2007 11:26

引用:

原帖由 Ahming 於 21-7-2007 21:16 發表根據官方解釋，好似係話為進入大氣層…片集中它亦是奧干唯一不需要輔助器具，就可以直衝入大氣層。但實際原因，我覺得都是受超時空要塞的影響多，始終最終設計權唔話話邊個人，而是果間廠！

但係z-gundam好似無試過直接進入大氣層

作者: 阿誠 時間: 3-8-2007 22:21

引用:

原帖由 任因玖 於 3-8-2007 11:26 發表但係z-gundam好似無試過直接進入大氣層

有
百式還蹲在ZETA的上面(其實是百式被救XD)

作者: 任因玖 時間: 8-8-2007 08:38

但係之後落咗地球?!

作者: 阿誠 時間: 8-8-2007 10:12

引用:

原帖由 任因玖 於 8-8-2007 08:38 發表但係之後落咗地球?!

係

如果冇記錯既話仲落埋卡拉巴同泰坦坦斯既戰線當中

仲再見番阿寶,跟住就係開始重高達既劇情

作者: wwl36 時間: 8-8-2007 11:24

點解亞寶係Zeta無高達用

作者: adamying 時間: 8-8-2007 12:24

冇辦法, 卡拉巴比較弱, 冇什麼技術/生產支援, 一般都係用返奧干機體, 後期用部DeJe都係用部Rick Dias改出來.

作者: adamying 時間: 8-8-2007 12:25

不過Zeta故事之後, 有部Zeta三號機用.

作者: 阿誠 時間: 8-8-2007 12:35

引用:

原帖由 adamying 於 8-8-2007 12:25 發表不過Zeta故事之後, 有部Zeta三號機用.

補充:ZETA 3號機是白色作主調另加紫色襯托

作者: AmuroLee 時間: 8-8-2007 15:43

引用:

原帖由阿誠於 03/08/2007 22:21 發表有百式還蹲在ZETA的上面(其實是百式被救XD)

重有一次係ZZ裏面捷度用Wave Rider載住波蕾隻卡碧尼落地球。

作者: 任因玖 時間: 17-8-2007 23:15

引用:

原帖由 AmuroLee 於 8-8-2007 15:43 發表重有一次係ZZ裏面捷度用Wave Rider載住波蕾隻卡碧尼落地球。

呢次我記得

作者: singingsoul 時間: 6-11-2008 17:24

引用:

原帖由 AmuroLee 於 23-7-2007 15:53 發表話時話，雖然八十年代中的變形機械人風潮由超時空要塞所帶起，但要數可變形機械人動畫的始祖，莫過於1975年的勇者雷登，比1977年的太空保衛者還要早： http://www.youtube.com/watch?v=Cn-ryeDZweQ 而 ...

ＡＭＵＲＯＬＥＥ兄解釋戲裡戲外的種種非常清楚。
總結所謂集體創作ＺＥＴＡ　ＭＳＺ－００６﹐簡單流程應為﹕永野護出了數個大同小異的初稿﹐之後有些拿去做了百式﹐有些盾給了雷姆。現在這樣子的Ｚ主要由藤田一己設計﹐變形結構的確由大河原邦男負責。

為何ＵＣ要加入那麼多變形機械人﹖絕對是跟超時空要塞帶起的潮流﹐即是寫實戰爭片都變餐死﹗回復玩具ＧＩＭＭＩＣＫ一切以玩具銷路為前提﹗

作者: 亞力 時間: 5-12-2008 16:21

引用:

原帖由 Tyler2 於 6-11-2008 17:24 發表ＡＭＵＲＯＬＥＥ兄解釋戲裡戲外的種種非常清楚。總結所謂集體創作ＺＥＴＡ　ＭＳＺ－００６﹐簡單流程應為﹕永野護出了數個大同小異的初稿﹐之後有些拿去做了百式﹐有些盾給了雷姆。現在這樣子的Ｚ主要由藤田一 ...

我記得好耐之前有本雜誌叫"模型王", 其中一期有講過Z Gundam雖然係"集體創作", 但大部份既MS都係永野護作原案既. 而ZGUNDAM既"決定稿"的而且確係藤田一己既設定. 而ZGUNDAM既機械設計"伸童社"就包括大河原邦男, 永野護, 藤田一己, 出淵裕, 明貴美加, 小林誠, 安彥良和(唔好以為安彥老師剩係識畫人物). 呢個卡士都可以稱得上係前無古人, 後無來者.

作者: singingsoul 時間: 6-12-2008 13:22

引用:

原帖由亞力於 5-12-2008 16:21 發表我記得好耐之前有本雜誌叫"模型王", 其中一期有講過Z Gundam雖然係"集體創作", 但大部份既MS都係永野護作原案既. 而ZGUNDAM既"決定稿"的而且確係藤田一己既設定. 而ZGUNDAM既機械設計"伸童社"就包括 ...

重戰機之後, 富野係想交晒GUNDAM續篇----Z的機械給永野包辦,不過永野個人風格太濃,要保持0079發展出來的感覺, 又要有番大河原, 藤田等人一齊努力合作. 最明顯是非常多決定稿是藤田一己弄出來, 可是這麼多年都不見藤田一己有自己的新設計, 可見哪些人長於創作, 哪些人只能幫手修改潤飾.

永野護ZETA初稿 x 2, 大部分都係用來做了百式:

作者: 亞力 時間: 6-12-2008 17:15

引用:

原帖由 Tyler2 於 6-12-2008 13:22 發表重戰機之後, 富野係想交晒GUNDAM續篇----Z的機械給永野包辦,不過永野個人風格太濃,要保持0079發展出來的感覺, 又要有番大河原, 藤田等人一齊努力合作. 最明顯是非常多決定稿是藤田一己弄出來, 可是這麼多年都不 ...

非常珍貴既圖. 第二張既上半身就係日後高邦迪Beta既初稿, 支砲就比左Palace Athena.

[ 本帖最後由亞力於 6-12-2008 17:24 編輯 ]

作者: singingsoul 時間: 7-12-2008 00:25

引用:

原帖由亞力於 6-12-2008 17:15 發表非常珍貴既圖. 第二張既上半身就係日後高邦迪Beta既初稿, 支砲就比左Palace Athena.

胸口我就覺得似番百式, 或者用樣是永野設計的RICK DIAZ.
不過其實我沒有高邦迪的初稿, 亞力你有冇?

作者: singingsoul 時間: 7-12-2008 19:21

貼幅回複純種永野風的哥邦迪Beta, 還要是鮮紅色塗裝. 不過圖片上寫哥邦迪, 但是以前自護哥邦迪(純哥邦迪,非Beta)的型號應該是MS-17而非MS-23, 而哥邦迪Beta型號則是聯邦軍RMS-117, 我也不知究竟所以然, 總之這圖比較接近Z裡面那隻哥邦迪Beta啦:

作者: 亞力 時間: 8-12-2008 05:38

高邦迪(MS-17A)最初登場係響0079既MSV, 話係MS-15強人既後繼機.

而Z中登場既係比連邦徵收左既MS-17A並張其繁用化, 就成為高邦迪Beta(RMS117).

前者係大河原邦男既設計.

作者: 亞力 時間: 8-12-2008 05:45

不過睇返Tyler兄果幅高邦迪既編號係MS-23同原本MSV設定時使用既MS-17A有D出入, 唔知係咪又係之後既修定版呢? 但係Z入面既BETA就係英數前加"R"同字數前加"1", RMS-117變成連邦軍統一計劃化後既制式編號(就好似高渣古由MS-06變成RMS-106). 而上面果幅圖係SCAN自MS大全集98, 即係話如果真係修定既話都應該係98年以後既事. [ 本帖最後由亞力於 8-12-2008 05:46 編輯 ]

作者: singingsoul 時間: 8-12-2008 09:39

引用:

原帖由亞力於 8-12-2008 05:45 發表不過睇返Tyler兄果幅高邦迪既編號係MS-23同原本MSV設定時使用既MS-17A有D出入, 唔知係咪又係之後既修定版呢? 但係Z入面既BETA就係英數前加"R"同字數前加"1", RMS-117變成連邦軍統一計劃化後既制式編號(就好 ...

最搞野是哥邦迪在MSV就話係強人後繼機﹐裝甲身形都比類似系列勇士大個圈。
到哥邦迪Beta的定位就相反﹐裝甲比高渣古還要薄以取得較高機動性。

作者: 亞力 時間: 8-12-2008 09:56

引用:

原帖由 Tyler2 於 8-12-2008 09:39 發表最搞野是哥邦迪在MSV就話係強人後繼機﹐裝甲身形都比類似系列勇士大個圈。到哥邦迪Beta的定位就相反﹐裝甲比高渣古還要薄以取得較高機動性。

的確, 話高邦迪係強人既後繼機既呢種講法說服力好低. 睇返個設定, MS-17A所用既盾, 駕駛室入口, 面部, 口吻,至頭頂既冠都有勇士既特徵. 而高邦迪Beta既光槍甚至同0079時代勇士量產型所用既同型. 除此之外, 亦見唔到RMS-117同MS-17A有咩格鬥向既特別裝備.

作者: singingsoul 時間: 8-12-2008 10:06

引用:

原帖由亞力於 8-12-2008 09:56 發表的確, 話高邦迪係強人既後繼機既呢種講法說服力好低. 睇返個設定, MS-17A所用既盾, 駕駛室入口, 面部, 口吻,至頭頂既冠都有勇士既特徵. 而高邦迪Beta既光槍甚至同0079時代勇士量產型所用既同型. 除此 ...

當年一翻第一本買的Ｚ特集“１０倍樂”﹐濃烈感覺高渣直承渣﹐ＭＫ２就係高達後繼﹐力奇戴亞斯承繼大魔﹐哥邦迪承繼勇士﹐吉姆ＩＩ其實差不多冇ＵＰＧＲＡＤＥ唔好意思（笑）。佢設定話哥邦迪b係繼承哥邦迪a﹐我們吹他不漲了。

作者: 亞力 時間: 8-12-2008 10:23

引用:

原帖由 Tyler2 於 8-12-2008 10:06 發表當年一翻第一本買的Ｚ特集“１０倍樂”﹐濃烈感覺高渣直承渣﹐ＭＫ２就係高達後繼﹐力奇戴亞斯承繼大魔﹐哥邦迪承繼勇士﹐吉姆ＩＩ其實差不多冇ＵＰＧＲＡＤＥ唔好意思（笑）。佢設定話哥邦迪b係繼承哥邦迪a﹐我 ...

咦, 你果本Z特集係咪好簿, 個封面好黃下嫁果本?

吉姆II事實上真係無UPGRADE過, 連設定都係咁講. 至於大魔, 其實新亞古捷斯都有自己既09系, 達拉辛.

作者: singingsoul 時間: 8-12-2008 11:07

引用:

原帖由亞力於 8-12-2008 10:23 發表咦, 你果本Z特集係咪好簿, 個封面好黃下嫁果本? 吉姆II事實上真係無UPGRADE過, 連設定都係咁講. 至於大魔, 其實新亞古捷斯都有自己既09系, 達拉辛.

亞力你指好薄那本是香港出的﹖那時香港報攤有本非漫周班底出的Ｚ特集﹐我都有買﹐可惜在搬家時連同極多漫周特集﹐模型王一堆本地雜誌遺失了﹐痛苦至今。

如果你係講日本出的﹐我唯一可以叫好薄的一本是模型情報ＭＪ出的一本﹐封面好黑是黑色ＭＫＩＩ﹐裡面都幾多初稿。另外有一本就有送隻ＯＰ細碟﹐那碟不是硬膠而是軟膠片狀的﹐那時的我不懂原來這樣都可以播。

但我真正講的是一本講談社那些細路仔厚綜合漫畫的別冊來的﹐我們當年有漢字就讀漢字﹐那本書封面寫著１０倍樂﹐我們就一路叫它１０倍樂了。見圖﹕

正式系譜達拉辛係ＤＯＭ後繼﹐以前打超任機戰﹐好容易一個不留神給他們拋出來那些像鐵”疾黎“（唔識打正字）的東西打死。不過外形配色﹐ＲＩＣＫ　ＤＩＡＺ真係好似ＤＯＭ。

[ 本帖最後由 Tyler2 於 8-12-2008 11:12 編輯 ]

作者: 亞力 時間: 8-12-2008 12:49

我有個時期都係MJ既捧場客, 佢玩具資訊快同新, 又唔係貴, 所以個個月都有買. 果陣仲有買B-CLUB, 因為有連載小林誠同近藤和久既高達漫畫.

作者: singingsoul 時間: 9-12-2008 00:05

其實永野護最初的ZETA, 真係好似他重戰機的迪煞圖:

作者: 杜劍龍 時間: 9-12-2008 23:12

由第一眼到今日, Zeta既感覺比我都係好直接既永野護風.

亦係小弟至今最愛既Gundam.

歡迎光臨經典日本特撮●動畫●卡通回憶 (http://oldcake.net/)