<隋唐風雲> 佳視劇集. 好似好少人談論呢套歷史巨作. 唔知呢庶有無人看過?

我都只係看過後半部分. 前半部份走雞左.

如數 佳視 經典, 大家必會想起 <射鵰>, <神鵰>兩部曲.

但其實 <隋唐風雲>+<武則天>兩齣劇集同樣是故事一脈相承的二部曲.

小龍女 李通明 早在<隋唐風雲>中已初露頭角, 飾演 武媚娘 (即日後的 武則天). 不過 李通明 只係<隋唐風雲>後段出左好少戲份. 為日後推出的<武則天>作引子而已.

記得一句歌詞: 楊花落... 李花開....

"楊花落... 李花開....   美好山河竟變苦海.... " (唔知有無人記得其餘歌詞??)

楊花落象徵 隋朝 楊氏皇朝覆亡, 李花開 代表 大唐 李氏天下冒起. 

講左咁耐, 終於有網友記得少少關於<隋唐風雲>既野. 可能當時 佳視 仲係好新既電視台, 唔係咁多人看.

呢個劇集係網上都搵唔到詳盡既資料. 本人都只係看過後半部分.

大唐李氏王朝角色:

鮑漢霖 演 李   淵

馮淬帆 演 李世民 (秦王)

焦   雄 演 李建成 (太子)

石   天 演 李元吉 (齊王)

溫   全 演 裴   寂

隨唐風雲主題曲:

隋煬昏暴, 更遇天災, 美好山河竟變苦海, 庶民逢禍害,
齊心協力, 抗暴驅災, 拚抛鮮紅血與骸, 英雄豪氣在,
楊花落, 李花開, 引出風塵三俠來, 美談留光彩,
文傳佳藝, 武服海外, 展開中華德與才, 光芒傳萬代!

還有一首插曲是<<驪歌帶淚>>，兩首是同一melody ，一剛一柔，都很動聽。

<<隨唐風雲>>張武孝主唱:

http://www.zshare.net/audio/suitong01-mp3.html

<<驪歌帶淚>>周聰，韋秀嫻:

http://www.zshare.net/audio/suitong-mp3.html

資料來自: http://tvpudding.noonhost.com/u-vt216.html?postdays=0&postorder=asc&start=60

oldcake 兄弟們好嘢! 小弟在此寫个服字!

我都要寫個服字. 咁舊又無人談論既歌都比呢位網友樔到.

雖然當時制作技術比較簡單, 但我覺得<隋唐風雲>呢套劇好看過 無線 果齣<大運河>及<決戰玄武門>.

等我再講下D人物先:

大唐李氏王朝角色:                      

鮑漢霖 演 李   淵

馮淬帆 演 李世民 (秦王)

焦   雄 演 李建成 (太子)

石   天 演 李元吉 (齊王)

溫   全 演 裴   寂 (太子建成 軍師)

李世民 手下猛將如雲:

何文匯 演  李  靖  (呢位 何先生 係 文學博士兼教授)

白   彪 演  秦  擎  (李世民手下最好打既將領)

秦   沛 演  尉遲敬德 (本為 太子建成 猛將, 後被 李世民 招攬)

????    演  程咬金   (唔知邊個飾演?? 陳飛龍 定 秦煌??)

有冇馮淬帆近况?佢做戲幾好...

焦姣 = 紅彿女

劉丹 = 隋煬帝

我都好鍾意"驪歌帶淚"，再勾起對這歌的熱愛是源於陳敬創在 radio 2 主持的"智慧公民" ( mon---fri 3:00---5:00)的節目，此節目頭半小時播舊歌，有興趣有時間的朋友可以聽聽。是幾位dj輪流揀歌，我最喜歡陳所揀的歌，他也很愛這歌的。

<<驪歌帶淚>>

燕侶要別去    相對默默滴情淚

呀... ...驪歌帶淚

暗傷悲      依依惜別此去夢難寐

再逢何時何地

一曲相思春逝去

夢裡有望重聚

回首看君別去

會見在何地

情花遍地    強忍傷悲

今宵泣別只怕再難遇

愛人逢異地

春光一朝傷逝去    會見在何地

驪歌一曲別去    淚眼盼重聚

時光逝    盼君歸

幾許苦樂相對重情義

再逢長共聚

悲歌一曲君別去

淚眼盼重聚

陽光飛花落絮

又怕再流淚

人生永聚    有幾許

春花秋月將往事回味

再逢何時何地... ...

上個禮拜上映果套電映<每當變幻時>(楊千嬅 & EASON) 有 馮淬帆 演出. 而家應該未落畫.

佢做 楊千嬅 老豆.

Oh, thank you! I'll see it then! Thx!

好! 我都唔記得有 劉丹 添.

風塵三俠角色:

喬  宏 = 虬炎客;

焦  姣 = 紅拂女;

何文匯博士 =  李  靖

我記得 溫 全 (老牌播音人兼演員) 飾演 果個 裴 寂 好奸. 在玄武門之變一幕被殺果陣死得好搞笑.

所以話佳視D選角古怪，何文匯演李靖，馮淬帆演李世民，十足話劇咁。

我略有一點點記憶，當時佳視可能演員唔夠，引用了商台的播音員來演戲，已故的金貴、周老闆金剛、祥嫂朱雪梅等都有在佳視演出。

<隋唐風雲>中 溫全 叔 演既 裴寂 係 專門向 太子建成(焦雄) 同 齊王元吉(石天) 獻奸計既師爺, 搞風搞雨既大壞蛋. 佢D演出好有話劇味道. 比人一劍刺死仲要震幾下先至死, 好搞笑.

我記得 周老闆金剛 有在 佳視 演出, 如<碧血劍>中扮演 溫氏五老 其中一老.

祥嫂朱雪梅 是指 洪金梅 嗎?? 無印象 LU.

估唔到焦雄係佳視人

仲係要角添

當年 佳視 銳意搞好劇集, 招攬左部分 無線 藝員過檔. 如: 鮑漢霖, 馮淬帆 等人.

焦雄 後生果陣多數扮演惡霸. 由記得佢係<網中人>扮演一個監躉(叫 大爛才), 係監獄中經常蝦蝦霸霸,  劇情講述 發哥 坐監, 在監獄中成日被 焦雄 打. 情節有如電視版<監獄風雲>.

焦雄 唯一較為人熟悉既角色係<香港8X>同 韋以茵 飾演既 牛生/牛太. 其他既都係做閑角居多.

祥嫂朱雪梅 是指 洪金梅 嗎??

這個祥嫂是商台廣播劇18樓c座的角色名。

劉丹做隋煬帝洗咗我個腦!

到今時今日一講起隋煬帝,

腦海中自然就浮出佢個樣!

好似呢套穿崩，有個女主角無除手錶……fficeffice" />

不過點都衰唔過土農工商

TVB版, 大運河

劉兆銘  演 李   淵

劉青雲  演 李世民 (秦王)[兩父子演員同姓]

吳岱融 演 李建成 (太子)

郭政鴻 演 李元霸

關灼元   演 李元吉 (齊王)

歐瑞偉 演  李  靖 

黃日華 演  李密

秦煌     演  程咬金  

黃綺琴 演 紅佛女

土農工商??