經典日本特撮●動畫●卡通回憶

標題: YMS-15 強人 [打印本頁]

作者: zetagundam 時間: 28-6-2007 14:17 標題: YMS-15 強人

強人是自護公國軍的泛用試作型機動戰士, 主要是對著白兵戰用途而開發的。白兵戰就是指近距離格鬥戰, 而強人的開發, 就是向著「以近距離格鬥戰為主」的概念下進行設計的新型號機動戰士。

強人最吸引人的地方, 是它的外表是以一身中世紀的騎馬武士來粉飾。這特別的外表, 和高達﹑渣古等完全不同, 所以令人印象深刻。強人右手拿著光束佩劍, 左手攜帶圓盾, 圓盾能發發射導彈, 可在白兵戰當中突然由劍的攻擊轉為導彈的攻擊, 令對手防不勝防。

強人在向高達挑戰時，它已充分的發揮出它的機體性能。可惜的是，強人最後都是不敵高達，給高達以雙劍擊敗。

《機械規格》

名稱: Gyan (強人)

型號: YMS-15

所屬軍隊: 自護公國軍

製造商：茲瑪德公司

初次配備： U.C. 0079

全高：19.9米

本體重量：52.7噸

全備重量：68.6噸

裝甲材質: 超高張力鋼（超硬鋼合金）

內部環境：標準式駕駛艙

裝備及設計特徵：傳感器探測有效半徑：5400米

固定武裝：光束佩劍；盾牌內藏式小型機雷爆彈×12；盾牌內藏式針狀導彈×56

選用武裝：專用盾牌

選用手部武器：無

遠程武器：無

推進力：56200KG

發電機出力：1360KW

加速度：82G

[ 本帖最後由 zetagundam 於 28-6-2007 14:19 編輯 ]

作者: 矢作省吾 時間: 28-6-2007 15:16

記得「高達」打低「強人」時, 「馬沙」彈咗句: 「你哋個個都係咁嘅! 得個睇字! 睇得唔打得!」

作者: 亞力 時間: 5-7-2007 15:33

YMS-15響量產選定時輸比MS-14主要係唔夠勇士咁繁用性. 可以講機體本身既potential唔高.

作者: 任因玖 時間: 13-7-2007 13:33

引用:

原帖由亞力於 5-7-2007 15:33 發表 YMS-15響量產選定時輸比MS-14主要係唔夠勇士咁繁用性. 可以講機體本身既potential唔高.

有無關於YMS-15響量產選定時輸比MS-14的文章???

作者: 亞力 時間: 13-7-2007 14:51

無呀. 我都想睇下到底作得有幾好.

作者: 杜劍龍 時間: 14-7-2007 10:25

最衰我掉左個期Gundam Ace! 果篇小說超正呀!

作者: zetagundam 時間: 14-7-2007 13:25

這裡有一點說, 你看看是不是你所指的.......

http://zh.wikipedia.org/wiki/YMS-15%E7%B3%BB%E5%88%97%E6%9C%BA%E5%8A%A8%E6%88%98%E5%A3%AB

作者: 杜劍龍 時間: 18-7-2007 09:18

我講果編係小說黎架, Thanks anyway.

作者: 任因玖 時間: 20-7-2007 11:31

引用:

原帖由 杜劍龍 於 18-7-2007 09:18 發表我講果編係小說黎架, Thanks anyway.

有小說就好啦

作者: 矢作省吾 時間: 20-7-2007 13:36

引用:

原帖由 zetagundam 於 14-7-2007 13:25 發表這裡有一點說, 你看看是不是你所指的....... http://zh.wikipedia.org/wiki/YMS ... 8%E6%88%98%E5%A3%AB

埋編嘢都有嘢學架! 未睇「維基」前, 我就真係唔知「強人」既Design係用黎做「大魔」既支援, 更加估唔到「強人」既停產, 間接係同「大魔」被淘汰有關。

作者: 亞力 時間: 20-7-2007 14:45

引用:

原帖由 矢作省吾 於 20-7-2007 13:36 發表埋編嘢都有嘢學架! 未睇「維基」前, 我就真係唔知「強人」既Design係用黎做「大魔」既支援, 更加估唔到「強人」既停產, 間接係同「大魔」被淘汰有關。

正式黎講強人並未投入過生產, 一切只係響試驗階段. 話"強人係大魔既支援"我真係第一次聽, 一直以黎官方既講法都係因為輸左比勇士. 強人本來既開發原因同勇士一樣, 都係為左針對RX-78及使用光線兵器(老虎, 渣古既發動機既出力唔可能使用光線兵器).

不過官方既設定似乎都有漏洞; 設定一直強調MS-14係自護最先配備Beam兵器, 但係黑色三連星用既大魔胸部裝有擴散光線砲. 呢樣野唔知官方會點去兜.

[ 本帖最後由亞力於 20-7-2007 14:51 編輯 ]

作者: 矢作省吾 時間: 20-7-2007 15:53

引用:

原帖由亞力於 20-7-2007 14:45 發表正式黎講強人並未投入過生產, 一切只係響試驗階段. 話"強人係大魔既支援"我真係第一次聽, 一直以黎官方既講法都係因為輸左比勇士. 強人本來既開發原因同勇士一樣, 都係為左針對RX-78及使用光線兵器( ...

果隻「擴散光線砲」究竟有冇殺傷力? 我成日都認為佢只可以當射燈用!

作者: 亞力 時間: 20-7-2007 16:19

引用:

原帖由 矢作省吾 於 20-7-2007 15:53 發表果隻「擴散光線砲」究竟有冇殺傷力? 我成日都認為佢只可以當射燈用!

你岩, 設定資料寫係"擴散光線砲". 但係響0079時既"噴射攻擊"同08MS小隊"打坦克"都係當射燈用.

作者: 任因玖 時間: 20-7-2007 17:18

引用:

原帖由亞力於 20-7-2007 14:45 發表正式黎講強人並未投入過生產, 一切只係響試驗階段. 話"強人係大魔既支援"我真係第一次聽, 一直以黎官方既講法都係因為輸左比勇士. 強人本來既開發原因同勇士一樣, 都係為左針對RX-78及使用光線兵器( ...

"強人係大魔既支援",我不太應同.

其實在查布洛一役之前,

自護已經明白到大魔在白兵戰的能力比不上聯邦軍,

所以之後先再開發新的機體.

可見,無理由再開發一些新機體去支援唔受重用的大魔.

本人意見

作者: 亞力 時間: 20-7-2007 17:56

引用:

原帖由 任因玖 於 20-7-2007 17:18 發表 "強人係大魔既支援",我不太應同. 其實在查布洛一役之前, 自護已經明白到大魔在白兵戰的能力比不上聯邦軍, 所以之後先再開發新的機體. 可見,無理由再開發一些新機體去支援唔受重用的大魔. 本人 ...

同意, 所以Wiki所講既"強人係大魔既支援"我都係第一次聽到.

至於大魔唔受重用呢點我本人就有第2種睇法;

MS-09系有好多分枝: 到左大戰後期仲去到全面改修既MS-09II(0080中登場). 0083中登場由Katoki Hajime設計既MS-09F係自護MS中我既至愛. 到左MSV時代就有MS-09G大魔改(ZZ中登場), 陸戰能力比MS-07老虎仲要高好多倍(大魔改係一年戰爭後期既產物, 但居然可以使用至ZZ年代). 而且隆美爾少佐既專用MS-09H仲配備有光線砲. 新自護亞古捷斯方面有MS-09系既最終型, 達拉辛AMX-009. "大魔"呢個型號能夠橫跨左咁多個世代,所以MS-09係絕對有好重要既戰略價值.

至於YMS-15, 本人認為佢只係一個自護方面設計概念上既一個error.

[ 本帖最後由亞力於 20-7-2007 18:03 編輯 ]

作者: 任因玖 時間: 21-7-2007 11:02

在機能和作戰上, 大魔其實唔錯, 如果唔係, 馬沙都唔會偷了大魔的設計圖去奧干, 開發"力其蒂亞斯" 只不過,在白兵戰上, 大魔正正反映出自護的不足.

作者: 矢作省吾 時間: 25-7-2007 16:00

引用:

原帖由 任因玖 於 21-7-2007 11:02 發表在機能和作戰上, 大魔其實唔錯, 如果唔係, 馬沙都唔會偷了大魔的設計圖去奧干, 開發"力其蒂亞斯" 只不過,在白兵戰上, 大魔正正反映出自護的不足.

反映「自護」邊方面不足?

作者: 任因玖 時間: 26-7-2007 08:50

引用:

原帖由 矢作省吾 於 25-7-2007 16:00 發表反映「自護」邊方面不足?

自護機體在白兵戰的能力

作者: 矢作省吾 時間: 26-7-2007 10:45

「自護」中期生產機體最大既問題係機體系列唔得全面性, 好多MS既設計都淨係針對局地性用途。其他既MS我都費事追問, 但「MS-09」就真係離譜咗D, 洗唔洗真係要分開「大魔」同「加大魔」呀?! 照咁講「MS-09」既機體繁用潛在力咪仲衰過「MS-06」??

作者: 亞力 時間: 26-7-2007 15:10

引用:

原帖由 矢作省吾 於 26-7-2007 10:45 發表「自護」中期生產機體最大既問題係機體系列唔得全面性, 好多MS既設計都淨係針對局地性用途。其他既MS我都費事追問, 但「MS-09」就真係離譜咗D, 洗唔洗真係要分開「大魔」同「加大魔」呀?! 照咁講「MS-09 ...

"大魔"原來設計概念係陸戰用, 取代機動力不足既"老虎". "加大魔"只係"大魔"既宇宙用裝備.

作者: 矢作省吾 時間: 27-7-2007 10:10

引用:

原帖由亞力於 26-7-2007 15:10 發表 "大魔"原來設計概念係陸戰用, 取代機動力不足既"老虎". "加大魔"只係"大魔"既宇宙用裝備.

所以我意思咪話點解「自護」當初設計「MS-09」時, 唔一早張「大魔」設定為一架可以係响宇宙同陸戰共用既機體, 而要等去到後期至左加右加? 雖然講話响「大魔」開發時, 「自護」既主要戰場係「地球」, 但當時「自護」仲未曾攻陷「月神二號」, 設計人員冇理由唔張宇宙戰考慮响「MS-09」既設定提案度? 宇宙區域係「自護」既老本, 就算當時佢哋已經完全控制宇宙戰場既主道, 都唔應該咁樣Project「大魔」。

作者: 阿誠 時間: 27-7-2007 10:21

引用:

原帖由 矢作省吾 於 27-7-2007 10:10 發表所以我意思咪話點解「自護」當初設計「MS-09」時, 唔一早張「大魔」設定為一架可以係响宇宙同陸戰共用既機體, 而要等去到後期至左加右加? 雖然講話响「大魔」開發時, 「自護」既主要戰場係「地球」 ...

這個就會考慮到汎用性的問題了

一部專門在大氣圈內戰鬥用的機體自然會比一部汎用性高的機體好

汎用陸上用宇宙用

宇宙中低(無) 高

地球中高低(無)

混合(假設) 高低低

正如矢作兄所言

當時主要戰場為地球,因此發展出一部局部戰用機器也非錯事

(外加汎用性的設計因素)

作者: 矢作省吾 時間: 27-7-2007 10:59

話時話, 「大魔」既設定係可以水上滑行, 但有冇人記得電視响「UC-0079」裡面有冇做過埋一幕?

作者: 任因玖 時間: 27-7-2007 11:42

引用:

原帖由 矢作省吾 於 27-7-2007 10:59 發表話時話, 「大魔」既設定係可以水上滑行, 但有冇人記得電視响「UC-0079」裡面有冇做過埋一幕?

好似無.

在地上滑行就有

作者: adamying 時間: 27-7-2007 11:46

應該冇, 因為大魔出現地方係森林.

作者: 矢作省吾 時間: 27-7-2007 12:20

其實「大魔」既「水上滑行」設定都好唔明確, 究竟佢所講既「水上」, 係指「海」定係只話「沼澤」同「湖面」之類?

作者: 亞力 時間: 27-7-2007 13:32

引用:

原帖由 矢作省吾 於 27-7-2007 12:20 發表其實「大魔」既「水上滑行」設定都好唔明確, 究竟佢所講既「水上」, 係指「海」定係只話「沼澤」同「湖面」之類?

理論上黎講大魔係可以響淺水行走. 因為大魔能夠滑行既原因係同現今氣墊船一樣, 設定話係腳底裝有熱核噴射引擎. 如果氣墊船能夠水陸兩用, 咁大魔都應該可以.

[ 本帖最後由亞力於 27-7-2007 13:35 編輯 ]

作者: 亞力 時間: 27-7-2007 13:53

引用:

原帖由 矢作省吾 於 27-7-2007 10:10 發表所以我意思咪話點解「自護」當初設計「MS-09」時, 唔一早張「大魔」設定為一架可以係响宇宙同陸戰共用既機體, 而要等去到後期至左加右加? 雖然講話响「大魔」開發時, 「自護」既主要戰場係「地球」 ...

其實大魔同加大魔既外型係一樣, 只係大魔裝備既係噴氣式引擎, 而加大魔裝備既係宇宙用噴射引擎. 所以其實自護一早就張大魔設定為一架可以係响宇宙同陸戰共用既機體, 並非要等去到後期至左加右加.

作者: 亞力 時間: 27-7-2007 14:20

引用:

原帖由 任因玖 於 21-7-2007 11:02 發表在機能和作戰上, 大魔其實唔錯, 如果唔係, 馬沙都唔會偷了大魔的設計圖去奧干, 開發"力其蒂亞斯" 只不過,在白兵戰上, 大魔正正反映出自護的不足.

RMS-099力奇戴亞斯既開發原因同響我手頭上既資料有出入. 力奇戴亞斯之所以同大魔相似係因為一年戰爭之後Zeonic社解體, 自護方面既MS工程師都只有兩個出路; 加入聯邦軍或者加入民事MS企業如"亞拉哈姆電子工業"等. 而力奇戴亞斯就係亞拉哈姆為奧干開發既第一號機身體. 由於有自諼方面既設計人員加入, 所以力奇戴亞斯有大魔既影子. 而RMS-106高渣古更係一個兩軍MS結合既好例子.

至於力奇戴亞斯既開發背景係咁既: 馬沙於0079逃離亞巴奧戰場之後加入奧干, 從事反泰坦斯活動. "古華多羅"原本係一個於一年戰爭時期陣亡既聯邦軍軍官, 馬沙為左掩人耳目就冒充成為古華多羅(但呢個秘密到最都要比人踢爆, 慘!). 由於奧干係由聯邦軍人組成, 組織擁有既MS就只有仲停留響0079性能既GMII(為左唔confuse雙方, 奧干專登張吉姆II油成綠色, 而聯邦軍就保留紅色). 馬沙因左增強奧干既戰鬥力就同月球既亞拉哈姆電子工業做左一項交易: 就係用響自護偷渡返黎既"鋼達林合金y"既合成方程式作為"力奇戴亞斯"既開發條件. 後來可能發覺力奇戴亞斯都係未夠, 就索性去搶MKII.

[ 本帖最後由亞力於 27-7-2007 14:25 編輯 ]

作者: 矢作省吾 時間: 27-7-2007 15:04

引用:

原帖由亞力於 27-7-2007 13:53 發表其實大魔同加大魔既外型係一樣, 只係大魔裝備既係噴氣式引擎, 而加大魔裝備既係宇宙用噴射引擎. 所以其實自護一早就張大魔設定為一架可以係响宇宙同陸戰共用既機體, 並非要等去到後期至左加右加.

可能我唔識機械, 我始終覺得咁改引擎法會幾大工程吓! 但無可否認「大魔」既Design同個Look睇咗咁多年都係咁正!

作者: 亞力 時間: 27-7-2007 15:11

引用:

原帖由 矢作省吾 於 27-7-2007 15:04 發表可能我唔識機械, 我始終覺得咁改引擎法會幾大工程吓! 但無可否認「大魔」既Design同個Look睇咗咁多年都係咁正!

其實我都係依書直說. 0079製作時富野都諗唔到高達會有今日既成就. 咦家睇返有好多野佢果陣好似未諗清楚, 有好多漏洞, 都係日後再補完番. 自護果種開發工序現實黎講真係唔合理.

作者: 任因玖 時間: 29-7-2007 08:23

引用:

原帖由亞力於 27-7-2007 14:20 發表 RMS-099力奇戴亞斯既開發原因同響我手頭上既資料有出入. 力奇戴亞斯之所以同大魔相似係因為一年戰爭之後Zeonic社解體, 自護方面既MS工程師都只有兩個出路; 加入聯邦軍或者加入民事MS企業如"亞拉哈姆 ...

你的文章好詳盡,

好正,

但力奇戴亞斯既開發原因,

好似有小小牽強,(本人意見,不喜見諒)

Zeonic社解體,

聯邦軍無理由比MS工程師加入民事MS企業,

因為這方面的科技會對聯邦軍有好大的威脅.

作者: 亞力 時間: 31-7-2007 13:45

引用:

原帖由 任因玖 於 29-7-2007 08:23 發表你的文章好詳盡, 好正, 但力奇戴亞斯既開發原因, 好似有小小牽強,(本人意見,不喜見諒) Zeonic社解體, 聯邦軍無理由比MS工程師加入民事MS企業, 因為這方面的科技會對聯邦軍有好大的威脅.

又唔可以咁講既. 雖然一年戰爭之後, 聯邦軍對於MS既發展極之睇重, 但由於要重新建設同平衡各個殖民星. 所以始終唔可能同時花費大量資源去機動戰士既開發, 而係轉為委託民事企業去做. 的確, 呢種科技會對聯邦軍有好大的威脅, 所以聯邦軍都要一方面討好亞拉哈姆, 一方面亦要緊密監察. 0083既GP系列, 泰坦斯時代既高渣古, 姆力沙等都比亞拉哈姆既訂單. 只不過"商字八個口", 同時亦為奧干開發MS從而大發戰爭財.

雖然係咁, 聯邦軍亦有自己開發MS好似重高達同MKII.

作者: 矢作省吾 時間: 16-8-2007 15:55

講開「聯邦」既MS, 「阿寶」响「衛星6號」時咪發過皮四, 丟咗佢老豆話跟據「自護」MS研究, 可以令「高達」有五倍爆炸力既回路~

「阿寶」就話佢係件舊嘢! 你哋話佢係堅定係流?

作者: adamying 時間: 17-8-2007 16:17

引用:

原帖由 矢作省吾 於 16-8-2007 15:55 發表講, 「聯邦」既MS, 「阿寶」响「衛星6號」時咪發過皮四, 丟咗佢老豆話跟據「自護」MS研究, 可以令「高達」有五倍爆炸力既回路~ 「阿寶」就話佢係件舊嘢! 你哋話佢係堅定係流?

應該係流..... 因為當時阿寶找到佢老豆時, 佢已經因為"缺氧症"(因第一集渣古打穿咗衛星外壁, 佢老豆飛咗出宇宙, 俾人救起時, 長時間缺氧) 變得 short short 地, 但又 short 吾晒, 住係垃圾場, 而阿寶找到佢時已經知道佢有問題, 而且又問佢其他野又冇反應, 只知道問阿寶 Gundam 事情, 所以阿寶火起, 因為佢老豆什麼也不關心(阿寶本身/阿寶媽), 只知關心 Gundam, 所以一離開就掉咗佢, 不過一個已經 short short 的人(佢已不是軍人, 又要好心人收留佢係垃圾場, 如果佢仲正常的話, 都返聯邦軍繼續做開發啦) , 都做唔出什麼啦.

最後佢睇住 Gundam 大戰加大魔(自護軍3分鐘損失12部加大魔嗰場), Gundam 大勝之後, 意為自己的發明成功, 由二樓樓梯轆咗落地下, 唔知佢死唔死得, 不過應該就死得.

[ 本帖最後由 adamying 於 17-8-2007 16:19 編輯 ]

作者: 矢作省吾 時間: 17-8-2007 16:26

引用:

原帖由 adamying 於 17-8-2007 16:17 發表應該係流..... 因為當時阿寶找到佢老豆時, 佢已經因為"缺氧症"(因第一集渣古打穿咗衛星外壁, 佢老豆飛咗出宇宙, 俾人救起時, 長時間缺氧) 變得 short short 地, 但又 short 吾晒, 住係垃圾場, 而阿寶 ...

「缺氧症」會影響個腦?

作者: adamying 時間: 17-8-2007 16:58

引用:

原帖由 矢作省吾 於 17-8-2007 16:26 發表「缺氧症」會影響個腦?

Gundam 裏面係咁講, 我初初聽到都有唔明白 , 但只好算係 Gundam 世界裏面的病.

作者: yusumnn2000 時間: 19-8-2007 04:49

引用:

原帖由 矢作省吾 於 17-8-2007 16:26 發表「缺氧症」會影響個腦?

「缺氧症」令腦細胞得不到氧而死亡，普通知識呀。

作者: Athena 時間: 19-8-2007 14:36

缺氧5分鐘，人腦細胞死亡，救返都變植物人，所以阿寶老豆只係SHORT SHORT地好似柏金遜病，己經係極之好彩。

作者: 矢作省吾 時間: 20-8-2007 09:18

引用:

原帖由 yusumnn2000 於 19-8-2007 04:49 發表「缺氧症」令腦細胞得不到氧而死亡，普通知識呀。

Thanks! 小弟既弱點係成日忽略普通常識!!

作者: 聰洛多薩比 時間: 28-11-2007 17:45

引用:

原帖由亞力於 20-7-2007 14:45 發表正式黎講強人並未投入過生產, 一切只係響試驗階段. 話"強人係大魔既支援"我真係第一次聽, 一直以黎官方既講法都係因為輸左比勇士. 強人本來既開發原因同勇士一樣, 都係為左針對RX-78及使用光線兵器( ...

其實呢度都有少部份既問題...

渣古同老虎既出力唔足以用光束武器...

其實不然...

呢個係好視乎槍既出力去衡量...

大家有見過高達支槍...

好明顯佢係無接住機身...

而係用獨立既能量槽...

咁其實渣古個D都可以咁做...

弊就弊在...

個時自護軍未能成功將光束小型化...

呢個先係主要原因...

當然光束劍就接左機身...

利用機身去充電...充好就攞黎用...

所以渣古同老虎就真係做唔到喇...

因為出力唔夠...

所以話渣古同老虎用唔到光束武器係有少許不合理...

用能量槽就可以解決啦...

另外...強人同格魯古古都係同期產品...

點解強人會輸???

好主要既原因係太過集中白兵戰...

汛用性不足...

不過話時話...

強人把劍係點樣充能量架???

充好先出去丫...定又係接住機身去充架???

呢個先係重點...

作者: 亞力 時間: 30-11-2007 13:25

引用:

原帖由 聰洛多薩比 於 28-11-2007 17:45 發表其實呢度都有少部份既問題... 渣古同老虎既出力唔足以用光束武器... 其實不然... 呢個係好視乎槍既出力去衡量... 大家有見過高達支槍... 好明顯佢係無接住機身... 而係用獨立既能量槽... 咁其 ...

根據日昇官方既設定, 渣古同老虎既出力的確係好低(其實自護初期既MS全部都有呢個問題). 高達支槍係有接住機身既, 就係渣住枝槍果陣同手腕接觸. 記得響08MS小隊中其中一幕講陸戰型高達換武器時仲比左個大特寫去表達MS係點樣用手腕去連接武器既.

至於勇士同強人, 嚴格黎講唔算係同期產品, 只可以講係同期試作. 勇士既篇號YMS-15係而唔係MS-15仲未正式被選定量產. 個概念就好似當年美國國防部要次世代戰鬥機, 於是Lockheed Martin同McDonnell Douglasr呢兩間飛機製造商就分別試作左YF-22同YF-23出黎去爭奪呢份矩額定單. 結果由Lockheed既YF-22勝出並開始量產, 同時亦正式除去有暫時稱號既"Y"字成為"F-22".

P.S. 由日昇付負責監修既MS大全集98都係寫強人係"MS-15", 直到2001年開始修定為"YMS-15". 所以嚴格黎講, 響0079入面"德克薩斯之攻防"一集, 馬沙既紅勇士同馬古比既強人都仲係試作機, 應該篇號為YMS-14先岩.

作者: 聰洛多薩比 時間: 30-11-2007 16:31

引用:

原帖由亞力於 30-11-2007 13:25 發表根據日昇官方既設定, 渣古同老虎既出力的確係好低(其實自護初期既MS全部都有呢個問題). 高達支槍係有接住機身既, 就係渣住枝槍果陣同手腕接觸. 記得響08MS小隊中其中一幕講陸戰型高達換武器時仲比左 ...

渣古既出力係943Kw, 高達係1340Kw...

嗯嗯...

不過呢...08小隊入面武器接住手腕...

我都唔知添...

因為我都無睇過高達既...

產品同試作只係字眼問題啫...

呢下就唔使太執著...

又唔係打官司呀...

歡迎光臨經典日本特撮●動畫●卡通回憶 (http://oldcake.net/)

	汎用	陸上用	宇宙用
宇宙	中	低(無)	高
地球	中	高	低(無)
混合(假設)	高	低	低