經典日本特撮●動畫●卡通回憶

標題: 蚱蜢島 [打印本頁]

作者: Anison 時間: 1-6-2007 13:59 標題: 蚱蜢島

70年代係TVB做過的西片,

內容有關一個出現係現代既巫師,

和幾個小朋友相遇的故事,

唔知有無人記得

作者: 關間聞 時間: 2-6-2007 18:59

好似響星期六下晝 12:00 之後做，剛好食完飯之後睇，同期重播緊「地球保衛戰」，都係星期六下晝﹝有冇記錯呢？ ﹞。

故事講幾個細路仔流落荒島上，發現一間設備、食物齊全0既屋，但係同屋主﹝巫師？﹞從未有直接接觸機會，集集都係擦身而過。

有冇記錯呢？

作者: 1002way 時間: 2-6-2007 23:17

蚱蜢島片名聽過, 但內容冇乜印像.

作者: kidult 時間: 4-6-2007 21:22

嘩！嘩！嘩！我一睇到呢個標題，就即刻嘩！嘩！嘩！咁叫。兄台你咁都記得。真係佩服。好可惜我只係記得有幾個細路，其餘o既就唔記得晒囉。

作者: ninesons 時間: 19-6-2007 10:43

呢套片好有問題，初初係講述一個成年人，帶著幾個細路仔到一個海島，名叫「蚱蜢島」。點知個成年人話要班細路仔獨立，學識獨自求生，竟然自己偷偷駕著首船離開，掉下班細路在島上謀生。

於是，故事便好有教育意義咁講述班細路如何自力更生，在海島上獨立起來，建立自信。

表面上係好正面，但當時我經已感到好怪，一個成年人怎可以掉下一班細路，但現在諗番轉頭，鬼佬與中國人不同，鬼佬根本沒有什麼家庭觀念，所以佢地需要一年一次既父親節和母親節，鬼佬講究既係國家觀念，尤其係大美國觀念。在美國長大既BB，奶粉錢都係由國家支付，而唔係父母，所以在佢地來說，掉下班細佬自然會有國家養呀。

作者: Anison 時間: 19-6-2007 11:25

引用:

原帖由 ninesons 於 19-6-2007 10:43 發表呢套片好有問題，初初係講述一個成年人，帶著幾個細路仔到一個海島，名叫「蚱蜢島」。點知個成年人話要班細路仔獨立，學識獨自求生，竟然自己偷偷駕著首船離開，掉下班細路在島上謀生。於是，故事便好 ...

真係唔該o西, 卒之有翻o的印象

歡迎光臨經典日本特撮●動畫●卡通回憶 (http://oldcake.net/)