這東西現在還有得買, 不過是改良版.

屈臣氏重有....

細個見到覺得好靚想食,因為唔知係咩,以為只係糖果咁簡單

其實好唔好味架?

你地連花塔餅都講, 幾時肥仔水都講...

肥仔水好好用, d細路哭唔想"訓"one tea spoon..... 好好"訓"

****花塔餅是藥用品唔係經典or懷舊食品.

想唔想知肥仔水裡面有d乜!

肥仔水...作用只係'安睡'? 真係唔知...聽個名以為係俾d唔長肉既小朋友飲.

****花塔餅是藥用品唔係經典or懷舊食品. ...... 對我來說係懷舊呢...小時無生虫都會'小'食一兩粒...五顏六色既'火'頭甜甜地 , 最後食埋粒餅... 

有無聽過d小朋友食飯唔肯吞含在咀裡點解呢...飯到咁上下會有d甜味架...所以唔肯吞囉 )

改良版? 賣相如何?

如果真係有蟲,食完去厠所時,我勸你都係唔好回頭望...

永別吧....啲蟲 !

改良版個樣好像比較高身, 和顏色好像是白色加其他色扭紋. 而不是淨色.

味道就不得而知........

橫掂講開花塔餅, 肥仔水, 唔爭在講開樣.

你們有冇食過一些由健康院 or 醫生給的開胃藥片.

好像叫"依史餅", 樣子像藥片, 灰灰啡啡色.

用口咬, D味都幾奇怪. 但我和個妹都鐘意食

去親睇醫生都叫他給一樽仔我.

無試過...食咗開胃藥片就有胃口食飯?

唔知喎, 食開幾過引, 阿媽又覺得我們食多咗飯(其實都係咁上下),

所以便繼續食........其實可能上了引.......

蟲生過不過無食花塔餅....中藥.

食反由無問題....一向都好食得. 有名你叫.

花塔餅都算懷舊食品吧, 父母唔講清楚, 小朋友又點會知原來係杜蟲藥呢.

而且我都無食過好耐了. 

"五顏六色既'火'頭甜甜地", 型容得好貼切, 咬落去就好似粉末咁啦, 其實就無乜藥味,

成舊花塔餅放入口, 咪道都ok, 唔難食.

請問肥仔水裡面有d乜呢?

好小量酒. 不過無肥仔.

小量酒? 都係酒喎, 可以俾小朋友飲咩?...

肥仔水有無正式既名呢? 多多指教.

如果無記錯個英文名係叫Gripwater.

中文名叫腸痛水

資料題供我加姐(有牌保母)....多謝

THANKS!

在網上又找到些補充:

「花塔餅」與「肥仔水」，對於新生代的孩子，恐怕是陌生的名詞。

　昔日年代，公共醫療及藥物設施尚未完善，普羅家庭為防病魔偷襲小孩，無一不備多種「鎮居之寶」，看護著孩子成長。舊時之「家居必備良藥」，不少到了今天，已成為甜絲絲的童年記趣。

　「花塔餅」，可算是其中「代表作」。透明塑料罐，放滿色彩繽紛的「塔狀」圓錐粒，吃到口中，有種怪異的甜。佯裝成糖果的模樣，花塔餅曾是「兒科聖藥」，功能主要消積、開胃及杜蟲。七、八十年代，人們以「肥肥白白」象徵健康，小朋友皮黃肌瘦，就斷言是「肚有蛔蟲」。蟲子吃掉了營養，孩子當然不長胖！吞下「花塔餅」，將蛔蟲瀉出，一勞永逸。

　近十年，聽到「杜蟲」兩字，多只針對家中的寵物貓，寵物犬；似乎再未有家長替孩子們「杜蟲」。究竟是現代人類之「身體進化」，再無懼於肚內蛔蟲？還是老一輩的人，一知半解，矯枉過正？無論如何，「花塔餅」漸絕於市面，卻是不爭的事實。

　看見新界雜貨店仍有銷售的零食——「花占餅」，小小的一粒，圓圓有如飛碟，上面有一小「篤」如「塔」形之甜糖，口感味道與花塔餅相似，卻就少了那份帶有藥味，古怪弔詭的甜。沒有消積杜蟲的藥效，「花占餅」與那藥用的「花塔餅」，倒是一雙快要被人遺忘的難兄難弟。

　另一「兒科聖藥」，是專治肚痛的「吳德物次肥仔水」。在孩子普遍痴肥的當代，肥仔水在香港已不多見，反而在內地時興起來。香港小朋友，若跟他講起「吳德物次」，他大概會以為是「麥嘜」動畫中，春田花花幼稚園的「校訓」——「吾德物賜」。「慘遭」動畫創作人玩弄諧音的「吳德物次」，卻曾是香港著名品牌。

　能夠紓緩嬰孩腸痛的藥水，俗稱作「肥仔水」，味道甜甜的，內含少量胃藥成份，亦有一點兒鎮靜劑，頗容易哄嬰孩下嚥。稱之為「肥仔水」，「吳德物次」卻沒有養份，長服更不會增肥，其名稱原由，大概是因為治好了肚痛，腸胃消化正常，小朋友就會長肉吧。其次的原因，則是「吳德物次」的商標貼紙，有個可愛的「肥仔」。

　在公共醫療系統成熟的今天，這些如糖果、如甜湯的成藥，完成了他們的「歷史使命」。花塔餅，化成為零食的形象存於人們心中，「吳德物次」則成了校訓，真正配得上「肥仔水」之名的，也許只剩下母親的心血——營養豐富的老火湯水了！

可唔可以治便秘架?
肥仔水主要係去肚風同埋緩和出牙時不適, 佢既包裝冇提過可以治便秘喎... 不過每個bb反應都唔同, 我個女飲左會好多屁屁, 我朋友個仔飲左, 下餐奶之後就有得大大.

重趁細果果陣生虫,你阿媽有無買屈臣氏花塔餅你食呀我就有阿媽唔係度偷食添

使君子煲豬橫脷...重勁....飲完一個鐘就立即屙蟲....