Board logo

標題: 「自護號」之謎 [打印本頁]

作者: 矢作省吾    時間: 19-3-2007 14:21     標題: 「自護號」之謎

「阿.巴亞.空」攻略戰, 「阿寶」明明一槍打中「自護號」心口個駕駛艙架, 點解「馬沙」可以會冇事? 仲唔知乜解可以即刻去個頭倒飛出黎再打過….「自護號」個頭應該係冇駕駛艙喎?! 就算有都冇可能會快得過「阿寶」枝槍架?? 「 紅彗星」真係咁快?
作者: Anison    時間: 19-3-2007 14:56

「自護號」個駕駛艙真係係個頭道
作者: 矢作省吾    時間: 20-3-2007 10:13

話我馬後炮都好, 我都知「自護號」個頭話就話係有個駕駛艙, 但真係越唸越覺得佢唔 Make Sense, 由胸口駕駛艙 Eject到個頭倒, 咁即係胸口同個頭之間會有條 Passage, 但睇設計圖又搵唔倒…就當佢有, 「自護號」個頭咁細, 真係可以又放米加粒子砲、攝影機、動力系統同駕駛艙咁多嘢一齊?
作者: killero    時間: 20-3-2007 12:57

不過自護個頭既see view 係跟隻眼個喎, 而當時駕駛倉又真係幾match 丫 最合理既解釋 馬沙應該係o係胸口入 經過一條通道 去到個頭果度
作者: 任因玖    時間: 22-3-2007 15:34

引用:
原帖由 killero 於 20-3-2007 12:57 發表 不過自護個頭既see view 係跟隻眼個喎, 而當時駕駛倉又真係幾match 丫最合理既解釋 馬沙應該係o係胸口入 經過一條通道 去到個頭果度

 

我估呢個可能大d


作者: 矢作省吾    時間: 23-3-2007 11:53

仲有樣嘢!

 

有冇人記得「馬沙」喺「娜娜」死時, 曾經發誓自此之後都會喺太空著宇宙服?! 但係當「阿.巴亞.空」攻略戰, 「馬沙」上「自護號」時, 佢都仲係

死性不改著通常服喎!…係喺同「阿寶」打到一半, 擺脫咗「高達」時, 先至唔知喺邊度攞套宇宙服出黎換, 仲可以一邊殺"樓羅"一邊換杉…

 

「 紅彗星」...你真係好勁呀!!

 

 

 

[ 本帖最後由 矢作省吾 於 23-3-2007 13:21 編輯 ]
作者: 任因玖    時間: 24-3-2007 00:19

引用:
原帖由 矢作省吾 於 23-3-2007 11:53 發表 仲有樣嘢!   有冇人記得「馬沙」喺「娜娜」死時, 曾經發誓自此之後都會喺太空著宇宙服?! 但係當「阿.巴亞.空」攻略戰, 「馬沙」上「自護號」時, 佢都仲係死性不改著通常服喎!…係 ...

 

仲有,馬沙的eq都好高................

為了報仇,

佢死忍難忍,

到最後終於親手殺死基娜


作者: aiselo    時間: 16-4-2007 00:15

引用:
原帖由 任因玖 於 24-3-2007 00:19 發表   仲有,馬沙的eq都好高................ 為了報仇, 佢死忍難忍, 到最後終於親手殺死基娜

 

所以最後就做咗新自護的統帥......


作者: 矢作省吾    時間: 8-8-2007 09:55

記得初期「完美自護」既設定係有把熱能劍, 唔知E+仲有冇?
作者: adamying    時間: 8-8-2007 10:23

少部份模型上還會見到, 但正式設定上就唔多見有提過.
作者: 矢作省吾    時間: 8-8-2007 11:08

引用:
原帖由 adamying 於 8-8-2007 10:23 發表 少部份模型上還會見到, 但正式設定上就唔多見有提過.
有冇砌過? 知唔知把劍掛响「自護」邊度?
作者: 阿誠    時間: 8-8-2007 11:51

引用:
原帖由 矢作省吾 於 8-8-2007 11:08 發表 有冇砌過? 知唔知把劍掛响「自護」邊度?

冇記錯是外掛部件來的的

不是掛在身上的


作者: Anison    時間: 8-8-2007 21:58

Yes!

 


作者: 任因玖    時間: 11-8-2007 23:41

把劍好怪
作者: 阿誠    時間: 23-8-2007 14:23

後補:完美自護的巨大軍刀是於漫畫「模型狂四郎」中登場的


作者: 聰洛多薩比    時間: 28-11-2007 17:14

引用:
原帖由 矢作省吾 於 19-3-2007 14:21 發表 「阿.巴亞.空」攻略戰, 「阿寶」明明一槍打中「自護號」心口個駕駛艙架, 點解「馬沙」可以會冇事? 仲唔知乜解可以即刻去個頭倒飛出黎再打過….「自護號」個頭應該係冇駕駛艙喎?! 就算有都冇可能會快得過「阿寶 ...

其實呢個問題...

可以去UWANTS度...

個度有個高達區...

有個神人向個度...

我相信佢會解答到你既問題...

 

你話阿寶支槍應該會好快...

其實佢唔係LASER黎架...

所以唔會好似光速咁...

佢係粒子槍黎之嘛...

我諗有條LINK幾啱你...

http://www4.uwants.com/viewthread.php?tid=2027821&extra=page%3D1

 

(其實個個神人有時幾吹毛求疪...

太過將高達入面既野合理化同理論化...
計我話...有部份根本唔需要作出任何既解釋...

始終係動畫歸動畫...現實歸現實嘛...
太執著就會好似佢咁...唉...)


作者: kkeeleung    時間: 2-7-2008 01:23

要知自護號的駕駛室在那, 不如睇翻吓電視或劇場版. 印像中, 馬沙係喺個頭後尾帎登機的. 如有錯, 請指正.

[ 本帖最後由 kkeeleung 於 2-7-2008 13:13 編輯 ]
作者: 聰洛多薩比    時間: 2-7-2008 11:15

啱啱先睇返...

又出現左高達既設定又有毛病...

十成九係後來改左個設定圖啦又...

 

至於自護把劍向game入面係鐳射劍黎架喎...


作者: 亞力    時間: 2-7-2008 12:49

點解....點解要加把咁既劍?!  大佬, 幾時變左做超級機械人動畫嫁? 好難去幻想馬沙響駕駛倉入面怒吼"天空劍!!Vの字斬り!!"
作者: 亞力    時間: 2-7-2008 13:06

各位請看 Char's Zeong
作者: kkeeleung    時間: 2-7-2008 13:16

引用:
原帖由 亞力 於 2-7-2008 13:06 發表 各位請看
咁咪即係卑幅模型图點咗好多年? 而正確嚟講, 個頭仲係逃生倉添.

 

 


作者: 亞力    時間: 2-7-2008 13:55

可能馬沙特有既新人類能令佢快到可以響亞寶擊中佢果一刻前把上頭部既第二駕駛倉呢...
作者: 矢作省吾    時間: 2-7-2008 14:33

引用:
原帖由 亞力 於 2-7-2008 13:55 發表 可能馬沙特有既新人類能令佢快到可以響亞寶擊中佢果一刻前把上頭部既第二駕駛倉呢...
終於有人正視埋個帖既原案 >>「紅彗星」真係咁快??
作者: 亞力    時間: 2-7-2008 16:20

講開自護號, 想討論一下馬沙響亞巴奧攻防戰登上自護號既動機.

 

馬沙是前自護創立者, 自護戴肯之子. 一直潛服響自護一心想報殺父之仇, 從軍校畢業至於北美追擊木馬時用"借刀殺人"之計除去加曼. 但到最亞巴奧時卻登上自護號出擊原因何在呢?

如果馬沙要產除湯家, 應該同聯邦作"裡應外合". 就算說是不想"假借聯邦之手", 亦不應冒槍林彈雨出擊, 萬一被擊中報仇計劃成泡影而且連性命也會丟掉.

如果說馬沙因亞寶誤中娜娜而要與其決鬥也說不通. 馬沙與亞寶的私人恩怨不會比報殺父之仇更重要吧? 再說, 0079的時娜娜, 0087的時妮歌, 0093時的姬斯, 馬沙都認為她們是可捨棄的犧牲品. 而且馬沙為人攻於心計, 所以這樣顧此矢彼不顧大局的機會也不大.

 

那馬沙為什麼要登上自護號呢?

[ 本帖最後由 亞力 於 2-7-2008 16:22 編輯 ]
作者: 矢作省吾    時間: 3-7-2008 14:15

引用:
原帖由 亞力 於 2-7-2008 16:20 發表 講開自護號, 想討論一下馬沙響亞巴奧攻防戰登上自護號既動機.   馬沙是前自護創立者, 自護戴肯之子. 一直潛服響自護一心想報殺父之仇, 從軍校畢業至於北美追擊木馬時用"借刀殺人"之計除去加曼. 但到 ...
你埋個問題其實都好多面體。 「馬沙」冇錯一直都係想產除「湯家」, 但產除「湯家」並唔代表要「自護」亡。 「馬沙」當時既敵人可分為兩類, 政治上「聯邦」, 私仇「湯家」。 試諗吓~若然「自護軍」戰敗, 「馬沙」一定會被「聯邦」列為一級戰犯, 再加上當時「阿.巴亞.空」既戰局仲仍然未算係一面倒, 「馬沙」選擇以軍人既身份上「自護號」係應該嘅! 出到宇宙有最強既「自護號」, 到時要打要逃任佢, 總好過留响「阿.巴亞.空」等死。
作者: 任因玖    時間: 6-7-2008 11:51

引用:
原帖由 矢作省吾 於 3-7-2008 14:15 發表 你埋個問題其實都好多面體。 「馬沙」冇錯一直都係想產除「湯家」, 但產除「湯家」並唔代表要「自護」亡。 「馬沙」當時既敵人可分為兩類, 政治上「聯邦」, 私仇「湯家」。 試諗吓~若然「自護軍」戰敗, ...

 

同埋佢都有小小見步行步,

佢最終目標都係「湯家」。


作者: 亞力    時間: 7-7-2008 08:02

唔....我同意矢作兄同玖叔既論點. 不過話又講返轉頭, 自所羅門失守之後基上聯邦軍已經佔上鋒. 到自護到左聯邦軍響亞巴奧士兵臨城下既時候差唔好多大勢已去, 連響月球坐陣既姬絲利亞都去埋幫拖都頂唔住. 唔好唔記得, 聯邦軍去到亞巴奧之前比基連用殖民星大砲攻擊已經折損左一d兵力, 但都照去攻打. 所以聯邦軍響數量同戰力方面有壓倒性既優勢, 馬沙無理由唔知. 如果馬沙真係"見步行步"既話又無咩理由會同亞寶用最"原始"既方式隻抽嫁喎, 仲差d破埋相添.
作者: Mazinkaiser    時間: 2-8-2008 09:09

引用:
原帖由 矢作省吾 於 19-3-2007 14:21 發表 「阿.巴亞.空」攻略戰, 「阿寶」明明一槍打中「自護號」心口個駕駛艙架, 點解「馬沙」可以會冇事? 仲唔知乜解可以即刻去個頭倒飛出黎再打過….「自護號」個頭應該係冇駕駛艙喎?! 就算有都冇可能會快得過「阿寶 ...

可能馬沙用了金手指............


作者: yu123    時間: 21-8-2008 20:03

可能你有部lift
作者: singingsoul    時間: 13-11-2008 16:56

引用:
原帖由 亞力 於 2-7-2008 16:20 發表 講開自護號, 想討論一下馬沙響亞巴奧攻防戰登上自護號既動機.   馬沙是前自護創立者, 自護戴肯之子. 一直潛服響自護一心想報殺父之仇, 從軍校畢業至於北美追擊木馬時用"借刀殺人"之計除去加曼. 但到 ...

我看馬沙一路都係想因利成便﹐一邊接近自護權力核心以便報仇﹐一邊讓自護強大。報仇就一定的了﹐而繼承父志來說﹐自護就需要獨立﹐始終聯邦係敵人。所以他會打聯邦﹐打高達﹐覺得聯邦有這麼強的駕駛員就更需要他來收拾。尤其娜娜事件之後。
唉﹐無論如何﹐高達動畫表達角色的心理狀態﹐行事動機都非常模糊不清。到近年安彥良和主理的補完重畫漫畫版GUNDAM ORIGIN則細膩而生動得多。馬沙嘛﹐為了取得這馬沙身份混進軍校﹐讓友善無辜的真馬沙犧牲﹐真係幾冷血的。

作者: 亞力    時間: 28-11-2008 12:49

引用:
原帖由 Tyler2 於 13-11-2008 16:56 發表 我看馬沙一路都係想因利成便﹐一邊接近自護權力核心以便報仇﹐一邊讓自護強大。報仇就一定的了﹐而繼承父志來說﹐自護就需要獨立﹐始終聯邦係敵人。所以他會打聯邦﹐打高達﹐覺得聯邦有這麼強的駕駛員就更需要他 ...

 

就係唔明白點解富野響0087時要將馬沙既呢種"冷血"收起, 反而只係特出佢果種自我, 令觀眾覺得佢係正派角色. 其實佢同斯洛哥只可以講係一丘之狢.


作者: singingsoul    時間: 28-11-2008 15:18

引用:
原帖由 亞力 於 28-11-2008 12:49 發表 就係唔明白點解富野響0087時要將馬沙既呢種"冷血"收起, 反而只係特出佢果種自我, 令觀眾覺得佢係正派角色. 其實佢同斯洛哥只可以講係一丘之狢.

所以我一路都難以真心講句我喜愛富野﹐要說看得人糊裡糊塗﹐可能富野作品比後來的EVA更甚。EVA整件事都建立在一D神秘主義﹐近代心理劇種上所以由頭到尾真係可以覺得超迷離﹔而GUNDAM則實實在在告訴你有幾邊勢力的”人類“打緊仗有D轉移了視線好像易明D現實D吧了。其實人物性格的表達不算很深﹐初代好在有安彥的人物外型上幫助了性格的表述。很客觀性的人物表達是因為要保持冷眼的全知角度嗎﹖總之不太喜歡。

富野在Z是否就是想表達馬沙為之前的罪行感到內疚﹐甘心做個大時代小齒輪﹐做事多回一點人道良心呢﹖但說故事要說到太過隱晦要我們這樣估﹐又係果句﹐不見得是高。

富野始終對自己一手創造出來的美男子角色有偏愛﹐多了寬恕﹐馬沙的行為總給創造了富麗堂皇的動機。馬沙是富野心目中做大事的理想人物﹖但之後又要用回阿寶去表達馬沙始終係錯(eg. CCA 0093)﹖看了三十年都係覺得好亂。

作者: 亞力    時間: 29-11-2008 18:41

馬沙響0087是否良心發現真係好難講, 始終當時既佢係以古華多羅既身份登場. 或者富野想話比觀眾知馬沙善於隱藏自己. 但佢最後響傑普斯發射前同斯洛哥, 哈曼對峙, 竟然向嘉美由曉以大義實在令我哭笑不得.


作者: Delight986    時間: 16-10-2009 16:51     標題: MSN-02 ZEONG Design Idea

引用:
原帖由 亞力 於 2-7-2008 13:06 發表  各位請看


 

MSN-02 ZEONG Design Idea
應該好像GRENDIZER UFO,內藏升降機Elevator來往兩個Control cabin~!


自護軍於大戰末期開發的 Newtype 專用型 MS。由於自護 (Zeon) 極期待以這台究極武器去扭轉數量上的劣勢,固此以「自護(ZEONG)」命名。

兩手腕裝有有線 Psychomu 誘導式5聯裝米加粒子砲,能作全領域攻擊。除此以外,還有兩門裝置於腹部及一門於頭部。頭部駕駛艙能脫離用作單獨行動。在「亞巴奧阿.巴瓦.空攻防戰」時,在要塞內的 MS 工廠裝配。在機體未適當調整、腳部未完成及部份裝甲未安裝的情況下,馬沙上校便駕著出擊,與 GUNDAM (RX-78-2) 展開一場死鬥。

MSN-02 ZEONG頭部駕駛艙脫離功能,可以躲藏於殞石獨立攻擊敵人。

 

 

 

 


 


作者: 矢作省吾    時間: 22-11-2011 14:39

我由細到大既問題終於受到官方既正視!

 

據「GUNDAM ORIGIN 22」裡面所解釋既係:~「自護號」既駕駛艙得一個, 响心口同頸之間, 當需要時個頭係會連頭帶駕駛艙咁飛出黎!

 

OMG~ 又改設定!!

 

 

 


作者: East    時間: 22-11-2011 17:11

引用:
原帖由 矢作省吾 於 22-11-2011 14:39 發表 我由細到大既問題終於受到官方既正視!   據「GUNDAM ORIGIN 22」裡面所解釋既係:~「自護號」既駕駛艙得一個, 响心口同頸之間, 當需要時個頭係會連頭帶駕駛艙咁飛出黎!   OMG~ 又改設定!! & ...

 

其實,這設計並不合理,因為自護號的口部裝有類似粒子炮的東西。

因為內部空間不夠, 要由胸or頸部把咁大個駕駛艙移至頭部是不太可能。

就算有梯要爬上去, 避開粒子炮的機件都好有困難。

除非一開始在頭部駕駛, 否則中途位的可行性不高


作者: 矢作省吾    時間: 23-11-2011 07:37

引用:
原帖由 East 於 22-11-2011 17:11 發表   其實,這設計並不合理,因為自護號的口部裝有類似粒子炮的東西。因為內部空間不夠, 要由胸or頸部把咁大個駕駛艙移至頭部是不太可能。就算有梯要爬上去, 避開粒子炮的機件都好有困難。除非一開始在頭部 ...

 

我對佢今次新設定既理解同「東兄」有D唔同, 「自護號」個頭今次既作用應該係純粹以浮遊粒子炮為主, 「馬沙」由頭到尾都係坐响頸底個駕駛艙到!

 

 


作者: East    時間: 23-11-2011 11:49

引用:
原帖由 矢作省吾 於 23-11-2011 07:37 發表   我對佢今次新設定既理解同「東兄」有D唔同, 「自護號」個頭今次既作用應該係純粹以有線粒子炮為主, 「馬沙」由頭到尾都係坐响頸底個駕駛艙到!    

 

那麼個頭飛走後, 「馬沙」咪留了响頸底個駕駛艙度?

若果連那駕駛艙都彈了出來.......即是個頭是由駕駛艙用搖控來攻擊高達?

咁都得?


作者: 矢作省吾    時間: 23-11-2011 14:28

引用:
原帖由 East 於 23-11-2011 11:49 發表   那麼個頭飛走後, 「馬沙」咪留了响頸底個駕駛艙度? 若果連那駕駛艙都彈了出來.......即是個頭是由駕駛艙用搖控來攻擊高達? 咁都得?

 

我應該冇估錯。

 

今次「ORIGIN」劃到「馬沙」控制個頭飛出黎同攻擊「高達」既時候都係用「高達」經常用黎表達「新類形人」既黑色背景連同方向性既白光手法一樣。

 

 


作者: East    時間: 23-11-2011 15:10

引用:
原帖由 矢作省吾 於 23-11-2011 14:28 發表   我應該冇估錯。   今次「ORIGIN」劃到「馬沙」控制個頭飛出黎同攻擊「高達」既時候都係用「高達」經常用黎表達「新類形人」既黑色背景連同方向性既閃電手法一樣。    

 

如果個控制室彈咗出呢......咁會彈咗去邊?

彈上天花板 !!


作者: Delight986    時間: 26-11-2011 11:20

引用:
原帖由 East 於 23-11-2011 11:49 發表   那麼個頭飛走後, 「馬沙」咪留了鈶V底個駕駛艙度? 若果連那駕駛艙都彈了出來.......即是個頭是由駕駛艙用搖控來攻擊高達? 咁都得?
 

【轉貼】「Gundam世界的巨艦大炮主義」自護
0079 MA簡介(下) ─《機動戰士 Gundam》趣談

所屬:自護
編號:MSN-02

名稱:「自護號」(吉昂/ Жレ⑦ヲ/ ZEONG)

全高:約23M
全備重量:約240噸
登場話數:42話「宇宙要塞ヤ・дレヤ・ヱみ」、43話「脱出」

明明進去時是在胸部,為什麼脫出時駕駛倉會去了頭部?又不是戰隊或者巨大合體機機人。

嚴格來說,自護號是一台「實驗用新類型人專用MS」,但因為其巨大機身(預計完成後將39M),內藏重火力武器等等特點,個人還是比較傾向於當它是一台MA。被冠以「自護號」之名,當然是被寄予厚望的機體。雖然只比一般MS高一點,卻配有可以作多方向攻擊的線控式五連裝手腕炮,腰部還有強力的米加粒力炮,火力強大。最大特點,在於頭部駕駛艙能脫離用作單獨行動,亦作為駕駛員逃生之用。  

 

1/100 MG Zeong

 

 


http://shadowzo.mysinablog.com/i ... p;articleId=2164954


http://www.geocities.jp/lifezoids/MG-MSN-02.htm

Жレ⑦ヲ胸部ヵЧヱзЧЬ及ヂ頭部ヵЧヱзЧЬ、頭部ヵЧヱзЧЬ内部ソ作ベゾやベネオモ。


http://sugumievolution.main.jp/review/msn-02/msn-02.html

http://plaza.rakuten.co.jp/catsmaru/

Жレ⑦ヲ 脱出最終話

MG 1/100 MSN-02 Жレ⑦ヲ

MSN-02_Ёцヤ専用Жレ⑦ヲ
_еみиラヱЬ

 

 

 

 

 

 

 

 


作者: kkeeleung    時間: 26-11-2011 12:33

印象中有一幕. 阿寶用雷射槍打中"自護號"胸部, 阿寶以為打中了駕駛倉, 但阿寶知道有詐, 說: 幣! 打錯咗! 突然, 自護號頭號彈射而出, 再次攻擊高達.  既然咁, 個駕駛倉喺邊呢? 剛睇片. 上機時, 自負的馬沙沒穿戰鬭服, 在胸前駕駛室登機作戰, 之後. 已被阿寶擊毁隻手及左胸肩位, 逃後穿上紅色作戰衣. 稍躲在山洞中, 走進頭部駕駛倉, 這畫面無交代. 之後, 阿寶發現自護號, 阿寶擊沉自護號, 馬沙在頭部駕駛室再攻擊.
作者: wwon001    時間: 27-11-2011 18:27

http://youtu.be/9vYGjCfxJfY

 

呢段對白好似惡攪 ? 我印象中係唔同對白


作者: kkeeleung    時間: 27-11-2011 20:35

引用:
原帖由 wwon001 於 27-11-2011 18:27 發表 http://youtu.be/9vYGjCfxJfY 呢段對白好似惡攪 ? 我印象中係唔同對白
可能係劇場版.
作者: wwon001    時間: 27-11-2011 23:11

引用:
原帖由 kkeeleung 於 27-11-2011 20:35 發表 可能係劇場版.

 

 

我記得係因為宇宙不需用腳行走


作者: Delight986    時間: 30-11-2011 02:35

引用:
原帖由 wwon001 於 27-11-2011 18:27 發表 http://youtu.be/9vYGjCfxJfY 呢段對白好似惡攪 ? 我印象中係唔同對白

此乃當年安樂影片劇場版.VHS/VCD-配音Version...

非翡翠台太空戰士TV--配音Version...

所以最好都係睇日語聲頻

日版VHS/DVD/Blue-ray...

腳部只有80%

 






歡迎光臨 經典日本特撮●動畫●卡通回憶 (http://oldcake.net/) Powered by Discuz! 6.0.0