經典日本特撮●動畫●卡通回憶

標題: 第一代幪面超人藤岡弘　69歲再變身賀45周年 [打印本頁]

作者: 陸川翔 時間: 29-1-2016 23:15 標題: 第一代幪面超人藤岡弘　69歲再變身賀45周年

　　日本著名超人片集《幪面超人》，原來已經有45年歷史，由第一代幪面超人1號到o依家都出到第N個型號，但最經典當然係第一代，而為咗慶祝《幪面超人》推出45周年，當年扮演呢個角色嘅藤岡弘，今年已經69歲，但佢竟然再次變身拍攝45周年電影《幪面超人1號》。

　　藤岡弘扮演嘅第一個幪面超人當年名叫本鄉猛，今次為咗拍呢套新片，製作單位為幪面超人1號設計咗一個新形象，不過，好多粉絲都話鍾意舊嗰個1號多啲。另外，當然唔少得佢架旋風號電單車，今次都係一個進化版。而藤岡弘今次仲參與製作劇本，同製作團隊花咗近半年去創作，69歲嘅佢仲會有動作場面㖭，真係好厲害！

藤岡弘今年已經69歲，真係老而彌堅。

呢個係新幪面超人1號。

架旋風號電單車當然都有改良過。

當年藤岡弘騎住旋風號幾有型，好多細路視佢為偶像。

http://hk.apple.nextmedia.com/enews/realtime/20160129/54700633

作者: bs00001 時間: 4-2-2016 03:48

雖然係發咗福嘅幪面超人，不過重係好正！

好期待．．

阿叔我重係寶刀未老！！

題外話：呢度有Ｄ佢嘅Ｓｔｉｃｋｅｒ公仔，可以俾大家玩吓．．

https://store.line.me/stickershop/product/1167422/ja

https://store.line.me/stickershop/product/665/ja

作者: 陸川翔 時間: 6-7-2016 22:59

幪面超人45周年　發福堅好揪

　　《幪面超人》不經不覺已踏入45周年，為紀念這個大日子，飾演「元祖」幪面超人的藤岡弘，竟然重登大銀幕拍攝電影版《幪面超人1號》，雖他年屆70，身材比壯年時發福不少，但變身成肥版1號後依然身手了得。趁住電影於7月7日上映，小記訪問了香港拉打粉絲和配音員，齊齊投入這股拉打熱潮！

肥版1號依然神勇

　　1971年只有25歲的藤岡弘，首度演出《幪面超人》的主角本鄉猛，描述他被邪惡的撒旦幫改造，從此成為守護人類的幪面超人1號。事隔45年，藤岡弘以70歲之齡接拍電影版《幪面超人1號》，粉絲除了期待他的演出之外，新設計的肥版1號亦是賣點。拉打粉絲獨角諸認為：「反正1號變身後是由替身演出，電影公司實在毋須考慮藤岡弘發福問題，反而透過新造型可吸引新舊粉絲和提高玩具銷量。幸好藤岡弘演出時身手仍靈活有勁，沒有令人失望。」

拉打迷Cosplay上身

　　拉打即日文 Rider 的發音，獨角諸自70年代已是拉打迷。「由70年代的 V3、80年代的 Black 至新一代的 Ghost 等幪面超人我都追看，並且搜尋漫畫和玩具珍藏。有次在日本發現一個幪面超人2號頭盔，心癢癢又買埋腰帶，買吓買吓把心一橫，製作出全套 Cosplay 服飾，手套和胸甲甚至要搵師傅訂造，花了超過$8,000，但這份滿足感不是用錢可以買得到。」為結合一班志同道合的香港拉打迷，獨角諸特別成立組織大點擊（Daicos），日前出席《幪面超人1號》首映。「本鄉猛為救恩師的孫女再次變身出戰，又遇上地獄大使和新一代幪面超人，我覺得劇情鋪排創新。而藤岡弘的演出亦很出色，內心戲到肉，如幪面超人都要兼職打工賺錢，描寫得相當真實。」

懷舊配音冧粉絲

　　特攝片當然唔少得配音，今次為幪面超人1號配音的黃志成，可以說是拉打配音專家。「我70年代喺麗的電視已為幪面超人 V3 配音，至80年代的 Black 及 Black RX 都是由我來配。由於藤岡弘的聲線較為低沉厚實，所以今次配音時我刻意壓低聲線，同時採用較懷舊的配音風格，高低音變化比較明顯，去到一些緊張位故意拖慢發音，令觀眾睇得更肉緊，尤其是使出絕招『風雷電』一幕，相信會勾起粉絲不少回憶。」

藤岡弘為紀念《幪面超人》45周年，以70歲之齡再次飾演本鄉猛。