內地拍3D版鹹蛋超人 《再見奧特曼》被日方指侵權
由樂視影業與藍弧動畫合作�H3D電影《鋼鐵飛龍之再見奧特曼》，將於10月喺內地�H國慶黃金檔期上映，電影日前仲舉行咗一場大型記者會。
奧特曼即係鹹蛋超人，今次奧特曼造型有肌肉線條好細緻，同日本版好唔同，而呢日�H記者會上，為隆重其事奧特曼都有現身，呢個真人版奧特曼身上畫咗人體彩畫就上台，真係連戰衣都慳番。日本網民見到即時質疑內地有冇買版權，仲話抄都抄得質素太差。
《鋼鐵飛龍之再見奧特曼》方面話自己係攞正牌拍攝，佢哋指自己係從UM Corporation Co. Ltd.取得版權，UM係從一名泰國人辛波特桑登猜手中獲得奧特曼海外永久版權。但係翻查資料，當時辛波特桑登猜指自己係圓谷創始人圓谷英二密友，因而獲得版權，不過後來文件已經被裁定為偽造，佢多年前亦已被判監。
日本方面亦有傳媒向擁有鹹蛋超人版權�H圓谷製作公司求證，負責人話佢哋冇授權拍攝《鋼鐵飛龍之再見奧特曼》，呢部戲關於鹹蛋超人�H肖像運用，佢哋一切並唔知情，佢哋指暫時仍要查詢法律意見，現時仍未能作詳細回應。
