我對生命小百寶的劇集, 只有極少的印象。

這隻超合金, 卻是陪伴著我成長的。

當年這隻超合金, 係我外婆買給我的。

兒時的我, 對玩具一向都玩得 [鏡錫], 冇話玩到甩頭甩骨... 玩完必定放回發泡膠內的。

係我漸漸大啦.. 我的玩具自然轉移俾我的細佬細妹玩... 後果當然係破爛...然後不知所終...

我外婆去年離世了...

近一年, 我一隻一隻咁, 買番當年佢買俾我的玩具 (超合金自然最易搵得番... 其他的玩具例如塑膠或港產的真係唔使旨意了...)。

買番這些玩具, 當係懷念我外婆。

我亦送俾小女, 叫小女第時長大了, 又送俾下一代, 當係延續一代代的香火之情。

######################

個盒, 當然唔係100%新淨, 都有 80-85%

盒的兩側

開盒, 說明書(紙)新淨, 貼紙未貼, 其他超合金宣傳紙亦新速速, 發泡膠當然亦新淨

開蓋後

機體本身有95%以上新淨, 頭頂及兩耳的電鍍件仍閃閃ling.

貼紙冇甩.

手腳關節仍緊.

雙眼的貼紙, 貼得<肆正>.    因為買這隻之前, 都見過五隻以上, 當中有四隻的左眼的貼紙都<貼歪>左少少...
腳的銀色部份有甩色, 可以接受.... (印象中,兒時一開盒玩, 腳都係有甩色的)
唯一, 有一大缺點.... (再往下圖, 會述)

機體背脊

變成車(直昇機)的形態...

唯一的缺點, 係白色直昇機螺旋槳。

三隻, 有一隻的<較位>的其中一邊, 裂開。

因為在買時, 我冇將整個白色螺旋槳, 由橙色的圖柱中抽出來... (因為極危險)...
為拍這張變身照, 抽出來, 就甩了一隻螺旋槳翼, 較位亦裂了..

其實我唔係好肯定, 係我買時已裂左, 定係我自己整裂的...
都冇計...
叫做有少許瑕疵吧.....

師兄以前都有這一隻嗎?

當年我婆婆送過  mego spider-man 同superman比我!  

你阿婆真係好疼惜你！

大鐵人17嘅阿婆都係！