好多區都有提過. 在此... ...

有冇昔日街坊餅友, 一起分享 ?

我小時經常在砰石出沒。算半個街坊。

以前砰石邨口廟仔有得飲早茶。有一年大雨水浸幾乎到廟仔屋頂。

啟德大廈有單車租。

軍營經常響槍聲。藍石樓可以清楚看到軍營裡的演習。好似睇巷戰咁。

照相鋪有賣過李小龍劇照,普通相片大小。

當然不可不提三間賣玩具的。兩間文具舖,一間掛滿玩具的玩具鋪。

係呀,軍營裡有泳池。有街坊入過去游水。

還有另一次水浸,浸過(好像是)彩虹的隊道,水退後發現屍体。

詠藜園就是位於現時星河明居的大空地. 塊地空置十幾年, 據聞業權下清, 未能發展.

大概在九七年, 最後一幫襯詠藜園.

彩坪間的墜道常水浸. 水來得好快. 坪石/彩虹/啟業的一條墜道的確因水浸死了人.

大磡村被放火三次,始能成功收地,可恥!

多謝你呀

我入會入得太遲，所以可能miss左好多同大家交流嘅機會....

近排我執屋執返一堆“古代文物”出黎，所以上黎同大家分享下傾下計啦

送張貼紙比你啦

我都好耐冇返去喇，我記得幾年前重有，喺牛池灣邨入面。

順便講多句

除左牛池灣消防局之外，牛池灣鄉公所都冇拆到，都應該算歷史建築喇。

想當年牛池灣鄉公所有米賣，重有生油呀、罐頭呀之類。好多師奶去買。我屋企就久唔久去買生油，因為平D。要自己帶玻璃樽去買嘅（當年唔興膠樽），斷斤買，一勺一斤

kkeeleung兄你好﹗多謝你發表呢個題目 ，勾起好多回憶﹗

牛池灣真係有D似一個世外桃園，依家重有鉄皮屋，好可能會係九龍區最後一個寮屋區。我重記得過農歴新年嘅時候果度特別有氣氛，一路掃過去嘅上元嶺、下元嶺、大磡村都係。重有以前雙十節時，掛滿青天白日滿地紅旗，旗海一片去到新蒲岡黃大仙。

 係呀﹗威豪花園路囗的車房及士多仍然有當年風貌

好多時係嗰邊做嘢,都會幫襯佢.

記得記得，文具店有良友同啟文，新金菊燒臘，聯盛士多，金華餐室，文華理髮，富華粥店.......

籃石樓公園一到星期曰一定人頭湧湧，中秋節更加多人﹗煲蠟啦、玩燈籠啦、擺蠟燭陣啦、乜都燒一餐....

“井形天井的欄杆點蠟燭”呢個場景係重中之重﹗

以前無乜錢買蠟燭玩，所以通常都係喺“迎月”果晚攞D出黎“就住就住”咁玩，熱下身。到“賞月”果晚就個個去到盡，一個三十層高天井四面點滿蠟燭，加上一大班拿住燈籠嘅細路三五成群走黎走去，有D人重會用繩穿起一串串紙燈籠橫過天井中間....有時又有人玩龍吐珠煙花.....交織成一片火光﹗ 天上人間﹗

再夜D就個個掛住去剷蠟，留返“追月”果晚玩煲蠟。

係呀，以前未起地鉄之前，坪石邨口有一大行小販，好多野食嘅﹗我有個小學同學屋企喺果度開檔，賣沙糖蛋餅 。

重有一兩檔街邊飛髮檔（榕書頭，即係依家地鐵坪石邨出口過少少果個位，牛池灣對面），有公仔書睇㗎﹗我就幫襯老D果個阿伯，五毫子飛個髮。以前一張椅加一個皮喼架生箱，上面棟一塊鏡，就可以揾食﹗阿伯成曰著灰布衫，頭髮短而灰白，手指尾指甲留長左。剪之前阿伯會先用爽身粉幫我地沈下條頸同埋耳邊“的水位”。D粉好香...... 依家聞唔返果種味。我最後一次見到阿伯係九二至九三年左右，我果陣時出左黎做野冇耐。阿伯喺兩個地鉄口之間果個位開檔，重係果個皮箱同果塊鏡果套灰色衫。阿伯唔興開囗拉客，佢會用眼望你，等你行過去。果次我趕住去搭巴士，避開左阿伯嘅眼神。

阿伯係專業嘅﹗你可以話因為佢窮，佢冇得揀。我覺得唔係，以前要學一門手藝揾食係要跟師傅嘅，係一件認真嘅事﹗阿伯靠呢門手藝自立，對呢門佢用以立足社會嘅手藝有一份不可以用金錢衡量嘅專重，點會輕易丟低？ 『我係老左，不過我重未退休，我手功夫重喺度﹗』我回憶之中永存住阿伯嘅背影，提住一個皮箱，獨行於石屎森林之間。

我有時都好後悔，我對阿伯太冷漠，—點不念感情，對佢唔住。傷感.....

啟文書局、百年照相和金華餐廳

見你地一講,D唔見左嘅記憶立即番晒黎!

中秋節在屋邨是大節日,井形天井的欄杆點蠟燭,絕對經典!

中秋節還會上天台同三唔識七小朋友玩。(我不是街坊)

幾年前在金華餐廳食過幾次飯,都〇K的。

砰石酒樓還在嗎?上次去已是七、八年前了。

有一年和諧/協調機來香港泊在藍石樓對出的停機坪,晚上有射燈照著,好型!

揾返套“花燈”郵票出黎應下景先 呢類燈籠好似唔多見喇

kidult 兄，原來你都係坪石街坊

我記得富華當年係由一班老人家主持嘅，由樓面到收銀都係。