經典日本特撮●動畫●卡通回憶

2013年又推出新一輯電視劇...牙狼︰照亮黑暗的人...(牙狼～闇を照らす者～)

栗山航: 今集既三位主角...劇中叫做道外流牙...黃金騎士牙狼...今次係佢既出道作...第一次做戲就做男主角...就係因為呢個原因...我只能夠話...返屋企練下演技先啦

...喊既時候向度笑...笑到又好似喊...認真個樣又唔認真...外加生硬既表情...而且最重要既一樣野...唔靚仔...

最最最有趣既地方係...佢應該係史上最弱既牙狼...

(雖然睇左咁耐都只係得三位牙狼出現過...)不過亦因為咁...先至比較貼近現實...如果太強...主角威能會令到其他演員成為紙板公仔...專門比主角打...仲有喎...由於佢唔係好似小西遼生或渡邊裕之既牙狼咁強猛...所以人性上既弱點比較明顯...應驗左一句話..."喂...牙狼都係人黎架喎..."

青木玄德: 三位主角之一...楠神哀空吏...天弓騎士牙射...呢個係我認為成套劇入面...最靚仔既一個...

係第一個以弓為主武器既魔戒騎士...佢係第一個鎧甲有左右不平衡設計既騎士...

佢已經拍過唔少戲...所以佢既演技已經係正義一方...除左大友康介外最好既一個...

但唔代表係好...劇入面除左第三集同第廿四集外...其他時間都只係一個被打...被打同被打既角色...近身戰唔勁唔緊要...咁起碼都發揮下身為狙擊手既優點...唔係喎...仲要衝埋去同人埋身肉搏...

問題係...自己衝埋去...明明要保持距離...偏要衝埋去...

好在...除左呢個外都已經無乜大問題...而且向最後一集都講到明...知道自己埋身弱...於是決定去訓練...咁就要等第二輯喇...

池田純矢: 而家用池田純呢個名...三位主角之一...戲入面叫蛇崩猛龍

...炎刃騎士漸...戲入面佢最有艷福...

我突然間想送首陳奕迅既"浮誇"比佢...

第七集既表現真係...只會令人覺得佢係一個爸爸媽媽唔肯買玩具比佢既小朋友...

每次一有d激動既場面...總係水花四濺...我講既口水花...

我只係用部4吋大既android睇都見到超多口水花...你話驚唔驚...

不愧為海賊戰隊入面...最浮誇既豪快銀!!!不過...佢既演技已經算係第三順位架喇...起碼佢文戲方面都合格...尤其是佢最後一集...要同消除左記憶既阿類告別時...個個欲哭猶止既樣...真係交足戲...最後...我都係想問下...點解佢個樣...咁似林子善加台灣藝人阿ken既合體既???

南里美希: 女主角...魔戒法師莉杏...牙狼不嬲都係女角唔多...但呢齣就有唔少女角登場...而且戲份佔唔少...而且仲有好多女性既打鬥場面(雖然總體黎講打鬥場面唔多)...佢既演技比栗山航好少少...啦...服裝設計上以佢最多變...睇黎化妝師同服裝師都好忙下喎...

戲中既表現都唔太突出...除左後半段佢比滔星等人捉左...要佢做母體生產種子外...其他時間可以話係對劇情無乜太影響...

戰鬥力上由於唔及騎士們高(雖然騎士們既實力都唔高...

)...所以不時見到佢被人打既場面...哈...都係一個被打既角色...係用槍既時候就好少少啦...

佐藤寬子: 唔知算唔算係女主角呢???

SG1隊長燕邦...到左第廿一集就死左...撇除外貌先...佢既演技向戲入面已經係中上...比起大友康介同倉田保昭等呢d老戲骨...一d都唔輸蝕...戲入面都有賣弄過一下身材...見到都keep得幾好...

但就係個樣老得太快...

差d唔認得...仲以為佢係佐藤康惠(兩個都姓佐藤...莫非係兩姐妹???

)...戲入面頭幾集都有幾好發揮...但當佢一變成魔導陰我後...加入滔星集團...至到流牙盲之前...完全變成一個路人甲既角色...除左出黎打下幾招外...真係對戲既發展無大影響...浪費左呢個一角色...無將佢向人與陰我之間既掙扎矛盾作出重大描寫...令佢變成一個樣本角色...

前田希美: 比較重要既女角...如果佢既戲份重d...應該都會係女主角...全家被殺既孤女...洲崎類...個人認為係戲中最靚既女角...

笑起上黎比較南田美希真誠得多...

同蛇崩猛龍有感情線...但無疾而終...

演技比較幼嫩...練下先啦...不過劇中出場次數唔多...所以可以講係路人甲角色...佢既存在只係令蛇崩猛龍有做人既目標咁解...莫非猛龍想&^*&^*!$$%^???

就算抽走呢個角色...都無關重要...其實...編劇真係好浪費呢個角色...如果可以讓佢做下人質...又或者佢既記憶突然恢復...記起家人被殺既事...之後又點同猛龍相處等等...咁就好得多...但係乜都無講...咁就完喇...尤其是向大結局個集...好似埋有伏筆咁...但我估計如果再有下一輯...類應該都唔會再出黎...或者對類呢個女仔黎講...忘記過往一切...平淡向viocity...過佢家人一直嚮往既生活...係一個最好既結局...

唔知點解...呢套戲入面除左流牙同莉杏外...無一個人物同騎士既名我係記得...一來太怪...二來...印象真係唔深刻...

大友康平: 魔戒法師符禮...莉杏既師父...佢係劇入面演技真係幾好...前十四五集左右...佢既風格都係一個嚴師...不苟言笑既人...但當佢向十六集後...開始路人化...

無計既...咁既安排應該係造就佢要死既結局...

雖然向第廿三集中佢因為要封印Zedom而犧牲自己...但佢既英姿真係幾man...

倉田保昭: 尊士...前魔戒騎士...魔導陰我之一...演技頭五名之內...超奸...而且佢一個力壓三位魔戒騎士...實力非常勁...第八集可以睇得出佢既功夫有幾咁利害...老左都咁勁...真係好好好好好好~~~~

不過當佢主人滔星決定發難...下令陰我要食哂佢既家族人物後...尤其是滔星要尊士食左滔星阿爸...尊士就失去哂霸氣...完完全全成為左一個奴隸...雖然佢既定位的確係奴隸...但個種霸氣消失得無影無蹤...有d令人惋惜...而且向第廿三集...一人力戰三位騎士...死得唔壯烈...只靠特技堆砌出黎既畫面...倒不如增加尊士同騎士既戰鬥近鏡更好...

津田寬治: viocity的話事人金城憲水既細仔...金城滔星...係魔導陰我既製造人...亦都係成套劇入面既陰謀策劃者...佢既演技向開頭真係呃得人...一面好人樣...

當全世界都以為佢係善良既時候...

原來佢先係幕後黑手...

佢下令手下食哂自己既屋企人(嚴格黎講唔算係屋企人)...眼都唔眨...笑得夠狂...佢既角色向劇入面...一直都好活躍同埋狂傲...有利用他人既計謀...直至zedom醒覺...角色就變得窩囊...雖然係正常轉變...但係佢連利用zedom既勇氣都無...應該係話無左呢段既描寫...就連死...都死得平庸過人...死得咁普通...又唔走...仲要搏騎士們唔記得自己既存在...即係等如將自己放向一個有獅子既籠入面...浪費左可以將佢變成最終大魔王既伏筆...只能夠話...呢個係編劇既功力問題...唉...

好在演員依然有能力支撐起呢個角色...所以都幾滿意津田寬治既表現...

井村空美: 被譽為正義女神既新聞報導員...好有熟女貴婦feel...

外型ok...但佢都係魔導陰我...呢個角色向劇入面既表現...向井村空美既演技支撐下...都令人印象深刻...只可惜自從佢比符禮個班人擺左上枱...做左殺人犯之後...佢既存在感就大大降低...就連死...都毫無特別...浪費左編劇既用心...為佢鋪排左咁多伏筆...結果只有魔導陰我用得上...

至於井村既演技...雖然比上面既新生代好...要奸就奸...但可惜既係...次次佢擺出個副高高在上...講出對白"我係被人稱為正義女神既XXX"時候...超似個d家姐向家教訓緊細佬...

北見敏之: 金城憲水既扮演者...成套劇只係一個表情就夠...

只係向被人食之前叫做有d表現...實在無法講得出佢有幾好...證明編劇又浪費左一個角色...又或者咁講...佢既角色只係引一班觀眾誤會佢係幕後黑手既榥子啫...

橫山惠: 流牙既母親...魔戒法師波奏...向劇入面我稱佢為神秘人...因為佢只係最後個幾集有出現...之後就為左突顯主角既痛苦而被阿仔一劍插死...

雖然係咁...佢既演技都已經比上面個班所謂主角好得多...起碼唔會過火...又或者生硬...

武器: 第二季牙狼入面出現左號龍呢種自控性兵器...第三季就遜色左...基本上...刀刀劍劍唔少得...最特別既都係出現左第一個以弓為武器既騎士...當然唔計小說版...仲有...苻禮用既魔戒獸...莉杏用魔戒槍...

都好新穎...只係魔戒槍真係好貴...因為佢既子彈係用鑽石黎做...

牙狼劍就向開頭係白色...原因係鎧甲失去光芒而導致...當光芒返黎...劍亦都變成紅色...

SG1既武器都相當特別...好似除左一大堆射唔中人既善良之槍...一拳可以打穿牆但打唔死人既爆炸拳套...仲有電人唔暈既電棍...都係高科技低效能既象徵...

唔知係班SG1既人訓練無素...定係班開發部人員偷懶之故???

又或者係塊牆偷功減料呢???

而呢集就無出現過斬馬刀...莫非佢忘記左???定留返下輯先用???唔知...連魔導馬都無出現...

道具: 今集既魔導具基本上係無發揮過作用...魔導戒薩魯巴只係一個過場"搭咀"專用道具...同埋向波奏變成陰我既時候...提醒主角要劈瓜阿媽...發揮過重要作用...

之後可以話係無出過聲...可能佢既功用只係比影山配下音賺下錢...

魔導火依舊不變...但今季就作用細左...因為無法偵測魔導陰我...因為係特別既存在...所以無作用...

所以就有魔導陰我專用探測器...而最有價值既一幕...就係對燕邦同莉杏二人向酒吧重遇...莉杏懷疑燕邦已經變成魔導陰我時...以探測器作中介...呢幕最精彩...

還有一個道具就不得不提...就係Zedom既種子...呢隻陰我既種子...如果被人體吸收...仲有人手既位置吐出黎...就會變成一支海馬型髮簪...只要將佢一插去普通人身上...一陣間就會變成魔導陰我...呢個設定都幾新穎...而且先用簪頭刺去自己手指再插人...咁呢個人就會聽哂自己話...

呀...漏左...大結局既時候就出現左魔導水呢樣野...可以為騎士們提供少量保...護...但...可惜...都唔知有乜野作用...

我估計係佢拍既開頭根本無諗到呢個設定...係最尾先加上去啫...

鎧甲: 除左有左右不平衡既設計...牙狼亦都設定左因為某些事而失去左金色光芒...真正既原因係乜就只有等第二輯既推出...炎刃騎士既紅色亦好搶眼...不過天弓騎士同炎刃騎士既鎧甲就無上兩季...銀牙騎士同白夜騎士個一種貴氣...有d嘍囉feel...尤其是天弓騎士...水藍色真係唔起眼...而且除左牙狼...佢地既甲好似好單薄...

保護程度好似一張紙咁...

可能係外觀上既錯覺啦...

仲有...佢地劃魔法陣既方式...除左牙狼之外...另外兩個都好特別...但僅僅如此...想當初小西版既牙狼...魔法陣想點劃都得...(當然係特殊情況啦...)炎刃騎士無論任何情況都係一定要轉圈黎劃...轉唔到圈咁點算???

世界觀: 一個架空城市...睇唔出同上兩季牙狼有乜野關係...除左一樣有陰我...魔戒騎士...魔戒法師之外...其他設定都無乜關聯...

所以大家睇呢齣牙狼就真係應該要當佢係平行世界咁睇...呢個城市...如果係現實中有個咁既城市...我都願意住入去...學費醫藥費用全免...工作政府幫你搵埋...又唔使交稅...住屋又有安排...最重要係呢個城市既人竟然係善良既正常人...見唔到市民既人性醜惡...呢個可以歸於編劇既編排...其實劇集可以利用呢點黎發揮...例如佢只係一個假烏托邦...好似電影人造人電腦黑魔咁...又或者只係一個大既飼養場...可惜編劇無利用呢點...不過都好既...起碼唔使將個城市變得太複雜...所以先至引到洲崎一家想搬入去住...引發到後面既劇情...(但對整體故事都無乜大影響

)...除左上述之外...故事都係發生向viocity入面...但成個城就有金城憲水掌握住...唔知係唔係咁既原因...成套劇除左SG1外就無見過其他政府人員...似乎變成企業式城市...亦因為咁...佢既行政效率低下...而且佢既公信力十分兒戲...有人被殺死...只係需要向新聞度播出黎...就人人都信...而唔係由政府...警方或SG1發佈...又無人懷疑呢件事既真偽...所以從世界觀黎講...真係一個美好既天堂...但可惜現實係真係真係唔存在...

服裝: 前兩季既牙狼...騎士們同法師們既服裝千篇一律...騎士們就一年四季都係個套長褸加緊身既衫褲...組成魔導衣...女法師們就長褸熱褲長靴加低胸緊身衫或馬甲...

今季騎士們都唔例外...都係得一件...但就有時因應任務而穿著唔同服飾既場面...就連莉杏都成日變裝...為佢地平淡枯燥既服飾...加上小小色彩???

但我要問既係...點解佢地可以一轉身就換左件衫???唔通佢地都識得咒語...一轉身就換到件衫???

其他: 每一季既牙狼...都會邀請AV女優客串幾集...當中包括小部份既露點鏡頭...但今季就唔同喇...比以前多好多...好似猛龍既女"性"朋友(?

)友田彩也香(第二集)同星野明(第七集)咁...完完全全咁睇得清清楚楚...用黎交待猛龍係一個唯女至上既人(但外型只係似一個咸濕仔而多過似花花公子...

)...仲有周防雪子既裸體打鬥戲...足足有幾分鐘都係無著衫咁向度打...最搞笑既係...猛龍之所以會同周防雪子打起上黎...因為周防雪子以佢既胴體黎引誘男性...然之後就食左佢地...最最重要既係猛龍都中計...

所以以呢一點黎講...呢季既牙狼比之前既更兒童不宜...應該咁講...相對起以前牙狼出現女體...係基於特別存在或者野性既表現...但今季既牙狼就有點賣弄肉體既感覺...

呢套劇...服飾就夠哂華麗喇...但係打鬥場面唔多...而且係非常之唔紮實...個個都姐手姐腳...係得倉田保昭拳拳到肉...身手靈活...成個故事既發展可以話循住一個容易比人估到既方向進發...無乜特別大既轉折或驚喜...估到邊個要死既就真係死左...估到邊個係陰我既就真係陰我...只係有一個位估唔到...就係滔星先至係成件事既幕後黑手...而唔係阿爸...但...除此之外就無乜特別...

另一個角度黎講...呢個係可幸既地方...因為顯淺易明嘛...

劇入面...主角們斬殺陰我就不在話下啦...奇就奇在...呢個牙狼唔多用腦...點解咁講???因為第一集就已經出現當眾殺人既一幕...喂...唔好以為佢係陰我就可以為所欲為啦...你係騎士都唔好咁輕易就背負住殺人犯呢個名號...或者佢地唔介意比人標籤或誤解...但係為左要方便行事...當然盡可以唔好多事...同埋唔好搞事...

好喇...主角搞左場咁大既大龍鳳出黎...向同一集既新聞報導...竟然無報出黎...仲夠膽死話..."今日無罪案發生!!!"

嘩...真係當d市民係傻架???算...呢個都唔係乜野大問題...當係SG1打算隱瞞事件啦...

故事向開頭...的確有好多華麗既CG...劇情亦都真係有用過心...將流牙既野性...猛龍既不羈...同埋哀空吏既嚴謹認真表現到出黎...而哀空吏最有表現既一集...唔係向懷疑自己實力...繼而比人痛K既一集...而係向第三集...佢同莉杏一齊佈陷阱...一步一步咁迫陰我去死角...再一箭搞掂佢...個種冷靜既樣...的確表現出編劇同導演既用心...但...僅以至此...

再黎...故事發展就係一行人發現魔導陰我同平時既陰我有唔同...就諗辦法點去對付佢地...期間...流牙不斷回憶到佢失蹤左既媽媽...為佢媽媽日後登場提供伏筆...向頭幾集都仲做得唔錯...只係到左第廿集阿媽回歸...當下既解釋就有d突兀...呢個都係小問題...可以包容...

就係呢個時候...劇情向第十二集前...出現左三個值得睇既情節...第一個...SG1既隊長燕邦為左調查滔星...結果比滔星變成魔導陰我...重點係佢如夢似真咁去食人...直到佢親口食左佢男朋友落肚為止...期間既假假真真既表現方式...真係值得一讚...仲有係佢發現自己變成左一隻怪物...開始無法接受既表情...令人非常震撼...

第二個...就係出現左一個女朋友比怪物食左既前記者...呢個記者亦都係引發往後劇情發展既關鍵人物...佢表現出對女朋友既傷痛...急於報仇...不擇手段...誓要搵到兇手...直至佢遇上流牙...以為希望來臨...但又一次既失望...不過佢無放棄...卒之錯信朋友...最後都葬身於朋友口中...

個呢段期間...我地可以睇到...騎士們要孤獨面對陰我既命運...向選擇相信與不相信普通人之間...面臨既矛盾...苻禮講明...普通人知得越多越危險...但孤身作戰既騎士們...又好憧憬有其他人可以同佢地一齊作戰...雖然可惜最後都無人可以做到...而且流牙選擇相信其他人係錯誤...但起碼表現出...騎士們既寂寞既內心...悲苦既命運...以及必然既使命...

第三個...就係洲崎一家既命運...雖然只係得一集...但係佢表現出現實社會中...人性對烏托邦既嚮往...政府對人民作出既謊言...華麗既背後其實就係黑暗既來臨...仲有就係命運弄人既可悲...洲崎夫人滿以為一家大細住入viocity度...可以安枕無休...洲崎小弟同阿嫲都係咁諗...不過洲崎類就有點疑惑...有點迷惘...可能係前路未知而造成迷惘...不過好快...一家人既迷惘被一掃而空...因為政府已經批准佢地入住既申請...仲免費提供大屋...就係好多人恨都恨唔到...你話幾理想呢...不過呢個竟然係陰我既陷阱...將佢一家人捉哂...仲打算抽出佢地既靈魂...造成營養劑...呢個比喻黑心商人...將好多人當成商品...而且仲要不斷壓榨...直到無利用價值為止...睇到呢度...好在主角們趕到...猛龍仲黎招英雄救美...當救左佢地之後...觀眾以為佢地安全...被消除記憶後...離開城市...但被倉田保昭用計將佢地引返轉頭...結局除左洲崎類外...全家都逃離唔到魔爪...道出左...命運弄人既慘況...

成套劇基本上可以分成上半同下半...上半段同下半段既質素好明顯有分別...上半段既伏筆好多...而且編排尚算合理...仲有好多精彩既劇情...但一到下半...就變成齋打無劇情(其實都唔算齋打既...文戲過多係致命傷...)...仲有好多伏筆都浪費哂...只係為左完結而完結...下半段係點???遲下再講...

上半段既劇情依然有幾個地方...都可以留意下...當然唔及上面所講既幾個重點啦...

第一個...有個街頭歌手用陰我遺下既鱗片彈結他...呢個既伏筆係...陰我一聽到音樂就會增加力量...呢點向下半段...流牙阿媽波奏有解釋到...仲包括埋點解要唱歌...但係呢度...其實編劇可以加強歌手對於呢塊鱗片既取捨...雖然向下一集就發現歌手唔靠鱗片都彈到好曲...不過太平鋪直敘...

第二個...就係流牙被人誤會係殺人犯既時候...有個學生被老師追殺...流牙一直跟蹤...直到最後...學生明白到流牙原來只係一個獵殺陰我既人而唔係殺人犯...呢集仲有另一個伏筆...就係佢阿爸係SG1既人...如果編劇有利用呢一點...應該會有更多精彩既內容出黎...

第三個...就係滔星設立工場...比一班魔導陰我同陰我...向度利用人既靈魂去製造營養劑...當然係比陰我們食用啦...呢度可以好明顯睇到...陰我們既幕後黑手既勢力有幾咁財雄勢大...連工場都可以大搖大擺咁設置...呢集仲有一幕...就係洲崎一家既靈魂同樣被利用...好在流牙等人將佢地釋放...片尾既時候...用魔導火將一眾靈魂釋放...功得圓滿...

到左全套劇既下半段...可以講係無乜驚喜...可以完全估到劇情既發展...只有流牙被整盲同埋猛龍斷手呢兩幕估唔到啫...但已經有網友估到猛龍隻手會變成武器類...果然不出大家所料...向後期...符禮的確造左隻手比猛龍...

成個後半段既劇情真係無乜亮點...要真係搵幾個值得睇既地方...就得返金城憲水原來係一直被佢個仔監視住...幕後黑手係滔星...

但我最估唔到既係...明知符禮一個人係打唔贏尊士...都仲要留返一個半傷不死既符禮向度睇住憲水...一班騎士同莉杏就分頭咁衝去滔星既舖頭同埋金城家族既各人屋企...

結果尊士竟然有時間去搵滔星...仲可以比滔星成功咁避開正趕緊過黎既騎士們...仲仲可以去到阿爸屋企...再打低符禮...食埋佢阿爸...問題就係...點解佢地既觀察力咁低???明知符禮已經重傷...留返佢一個...有無諗過萬一尊士返黎...後果會點???自己一個都打唔贏尊士...佢地認為重傷既符禮就可以打贏佢???事實證明...係唔得既...

故事發展...離唔開一班騎士去搵滔星等人...結果一如所料地開片...

今次有進步喇...流牙竟然可以打到尊士幾拳...應該有練過...之但係...最唔明白既...點解班騎士真係弱爆...好似猛龍...無論向變身前同變身後...都係比敵人強勢咁壓制...

呀...我漏左一樣野...成套劇有一個特點...就係騎士們既戰力...向變身前同變身後真係有好大差別...好似流牙咁...變身前連燕邦都打唔贏(我真係諗唔明佢有乜辦法會打得贏尊士...

)...但變身後...燕邦明顯弱化...呢一點其實向牙狼:魔戒閃騎都係有類似情況...唯一可以解釋...就係鎧甲係有神奇既力量...增加騎士既力量...

講到黎呢度...相信大家都知猛龍有幾弱喇啩???無論變唔變身...對手都可以向未變身既情況下將佢打低...

仲有...故事講到滔星捉莉杏黎做母體...繼續生產種子...再迫佢飲一隻可以自己唱歌既藥(

???)...呢度有一個疑問...就係我好想知個一種係乜野藥...

點解食左會唱歌???

好...講到呢度...其實只不過係短時間內發生既事情...節奏推進得好快...而且文戲亦好多...所以悶場不少...仲有d為結束而結束既感覺...劇既前半段...努力營造既陰謀同伏筆...基本上已經浪費哂...仲有d設定都唔記得左添...好似係燕邦死個集...流牙一劍將燕邦殺死...呢度有個設定唔同左...就係魔導陰我被斬殺後會消失...但點解佢...rivera同尊士都無消失到???跟住...成班SG1目睹假燕邦(莉杏用咒語變身而成)(假)死向rivera手下...馬上向rivera開槍...之前騎士們被誤會係殺人犯一事就水落石出...好...就當呢個消息馬上傳到成個SG1都知...但當時又無攝錄機...點解d市民都會知道有怪物???所以我先話市民真係一班善良既人...

而且最奇既地方係...洲崎類點解又會知猛龍係獵殺陰我既騎士...而主動向SG1提出想見猛龍???以佢既認知就只係知道猛龍係殺人犯咋喎...可想而知...呢個城市既新聞有幾咁重要呢...

故事到左尾聲...Zedom終於登場...符禮決定犧牲自己去封印Zedom...尊士就同流牙等人打起上黎...滔星就梗係較腳啦...尊士等人互打...竟然出現飛車場面...呀...之可惜...場面太普通...只係普普通通既撞下撞下...又無乜特別驚險既鏡頭...而且仲有d穿崩位...有d失色...最慘既係...尊士比人一刀搞掂...太普通喇...

仲諗住佢死得轟烈d嘛...

好喇...講返Zedom...佢既設計都幾特別...係用一塊塊方塊組成...睇黎佢比陰我始祖勁得多...

佢既武器亦都好新穎...又飛刃...又大砲...又魔方咁...打到騎士們疲於奔命...不過佢比我既感覺係就係...一個坐向office既老闆...

果然呢d先係有錢人...

騎士們打到咁上下...終於集氣咁成功將Zedom打低...之後就各人離開城市...走前將全城市既人既記憶消除...猛龍見到向街頭賣花既洲崎類...暗示緊洲崎類向下一輯係有機會記起猛龍...

總括黎講...劇既下半段真係太簡短...簡短得黎又幾鬼悶...如果唔係趕收工...我諗呢齣劇應該會更好...

除左牙狼之外我都鐘意青木炎刃同燕邦我覺得佢地係武打演員

一連六集既牙狼外傳將會由第一季銀牙Zero擔任男主角 (Zero係我既至愛

)

引用:

原帖由 kitty6682002 於 24-9-2013 18:10 發表個人覺得第三季比第二季d打鬥好雖然後面有d悶除左牙狼之外我都鐘意青木炎刃同燕邦我覺得佢地係武打演員希望牙狼會出第四季第五季啦順便賣賣廣告一連六集既牙狼外傳將 ...

呢齣戲...唯一我個人認為最正既係倉田保昭第一次大戰三位騎士...

引用:

原帖由 聰洛多薩比 於 25-9-2013 18:17 發表後期的確有d悶... 好明顯咁分得出前半段同後半段既分別... 呢個可能係佢只得24集既限制導致... 如果佢有三十集... 應該都唔會咁簡單就結束... 另外...打鬥黎講...牙狼同牙狼:魔戒閃騎比較紮實... 睇出池田同 ...

當然藤田玲係好功夫打得最好就連動作指導同導演都點名讚過佢 (我是偏心的

)

不過我總係覺得第二季牙狼打鬥有問題唔流暢同好鬼慢係動作指導係問題

引用:

原帖由 kitty6682002 於 28-9-2013 22:13 發表當然藤田玲係好功夫打得最好就連動作指導同導演都點名讚過佢 (我是偏心的)不過我總係覺得第二季牙狼打鬥有問題唔流暢同好鬼慢係動作指導係問題