標題: 學神學砌1/35 連邦對自護 Penalty Kick 景品 [打印本頁]
作者: ultraleo 時間: 3-9-2013 18:23 標題: 學神學砌1/35 連邦對自護 Penalty Kick 景品
參加今年科幻模型比賽作品, 當然結果係輸, 高級組全場二十三件作品, 冠亞季之外, 只有六件作品有評判留低評語, 小弟係其中一個, 呢六件其實都有機會爭獎, 只係輸啲啲
戰爭題材比較多, 黎個唔打打殺殺
景品內容可以話乜元素都有啲, 其中自己最想表現係舊化手法方面, 最滿意係去水管銹蝕效果, 建築物方面係miniart廠嘅吸塑模, 真係砌到喊攞苦黎辛, 不過係得佢出呢類點都要焗住上
人仔方面有1/35 U.C.Graph嘅同埋MB廠兵人, 跪晌地度嗰個就係用連邦軍司機個上身加埋MB兵頭雙手同下身改成; 計分板係用模型框架駁埋, 再用銅線, 膠片改裝
屋頂用飛機木板同木條自製, 原件尺寸錯哂同埋外形唔得; 軍車係Hobby Japan特集鋼鐵之軍馬嘅附錄, 亦都因為怕砌到中途出錯, 叫朋友同我複咗樹脂件, 改造方面只係將車頭燈個護箍剪走, 以大頭針用尖咀鉗加工, 另外加一啲軍事裝備好似背包, 食物盒之類
作者: ultraleo 時間: 3-9-2013 21:06
計分牌係廢物利用, 先前都提過下, 製作初期同完成
戰車就少少改裝, 將車頭燈個護箍剪走, 磨返平個燈身之後用大頭針改成, 同埋加鐵絲網
套件本身裝備得支槍同槍架, 晌第二啲裝備套件另加上去
舊化之後:
作者: ultraleo 時間: 3-9-2013 21:12
屋頂就克全自製, 因為原件本身個比例錯同埋外形唔係太接受到, 算係自己砌嘢咁耐最大嘅自製改動, 首先度尺寸之後再搵飛機木, 木條砌個骨架出黎, 最後再做屋頁面, 再黐瓦片, 如果之前訂返黎嘅趕得切, 效果會更加好, 賽果都有可能改寫
再做返相對破爛程度, 完成之後同原件對比:
作者: Yvonne 時間: 6-7-2014 00:42
引用:
原帖由 ultraleo 於 3-9-2013 21:12 發表 
屋頂就克全自製, 因為原件本身個比例錯同埋外形唔係太接受到, 算係自己砌嘢咁耐最大嘅自製改動, 首先度尺寸之後再搵飛機木, 木條砌個骨架出黎, 最後再做屋頁面, 再黐瓦片, 如果之前訂返黎嘅趕得切 ...
師兄，個破爛程度整得好似！∼讚！
作者: ultraleo 時間: 9-7-2014 12:38
噢! 先多謝Yvonne留言, 仲以為冇朋友會入黎呢區~
對於我黎講成個屋頂重新做過算係自己第一次咁大工程, 絕對係因為參賽緣故, 之前嘅最多都係用其他零件去替換又或者係一啲小改造
作者: 超人兄弟 時間: 9-7-2014 13:10
引用:
原帖由 ultraleo 於 3-9-2013 21:12 發表
屋頂就克全自製, 因為原件本身個比例錯同埋外形唔係太接受到, 算係自己砌嘢咁耐最大嘅自製改動, 首先度尺寸之後再搵飛機木, 木條砌個骨架出黎, 最後再做屋頁面, 再黐瓦片, 如果之前訂返黎嘅趕得切 ...
！
作者: Yvonne 時間: 10-7-2014 01:18
引用:
原帖由 ultraleo 於 9-7-2014 12:38 發表
噢! 先多謝Yvonne留言, 仲以為冇朋友會入黎呢區~對於我黎講成個屋頂重新做過算係自己第一次咁大工程, 絕對係因為參賽緣故, 之前嘅最多都係用其他零件去替換又或者係一啲小改造
Hi ultraleo 師兄，你整得真喺好靚好靚嘛！ 點會冇朋友欣賞你的傑作喎！
你整得咁精細同咁有心機！好欣賞你做啲細節，屋外的生鏽水管同個燈可以亂真！唔明點解無得攞冠軍？
連超人兄弟都話像真度高啦， 我哋比個冠軍你！ 你要繼續加油！
作者: ultraleo 時間: 13-7-2014 00:30
引用:
原帖由 超人兄弟 於 9-7-2014 13:10 發表
ultraleo兄，像真度很高！
何止像真度高, 我直頭係真人黎~
多謝多謝, 自己比較鍾意舊化題材, 最重要係識控制個舊化程度唔好過火, 有好多朋友覺得污糟就係舊化
作者: ultraleo 時間: 13-7-2014 00:40
引用:
原帖由 Yvonne 於 10-7-2014 01:18 發表
Hi ultraleo 師兄，你整得真喺好靚好靚嘛！ 點會冇朋友欣賞你的傑作喎！
你整得咁精細同咁有心機！好欣賞你做啲細節，屋外的生鏽水管同個燈可以亂真！唔明點解無得攞冠軍？
連超人兄弟都話 ...
Yvonne, 成件嘢自己都係最滿意個水管效果, 其次係坐晌一角嘅老人家, 計分牌如果夠時間嘅可以晌舊化方面做多少少
比賽好多時成敗原因只係好輕微嘅, 賽後其中一位評判同我講主要係啲人處理上如果再好啲就絕對有機會, 所以幾位評判都有比留言晌呢件嘢, 我自己就覺得最差係主角處理, 唔係件白衫晌光暗上表達出錯就可能成績會更加理想, 我諗呢點就係自己衰咗嘅原因
比賽有贏就會有輸, 將來有機會再有比賽自己就到時間咪再黎過, 今次參加都係想圓夢, 讀書時期參加得過亞軍, 想出黎做嘢都贏返次咁解
一定會再晌呢度繼續出帖, 等大家比比意見, 多謝Yvonne
作者: Yvonne 時間: 13-7-2014 08:33
引用:
原帖由 ultraleo 於 13-7-2014 00:40 發表
Yvonne, 成件嘢自己都係最滿意個水管效果, 其次係坐晌一角嘅老人家, 計分牌如果夠時間嘅可以晌舊化方面做多少少比賽好多時成敗原因只係好輕微嘅, 賽後其中一位評判同我講主要係啲人處 ...
ultraleo 師兄，個計分牌我覺得已經很足夠喎，你是否還要舊化個分牌環？我仲好欣賞你磚牆部份，好真實！∼超讚！
喺呀！比賽很多時會要求埋很微細部份，甚至一般人不容易察覺得到的細節地方。
雖然冠軍的作品住住是評判最為認同，但又未必喺最多人欣賞的！
原來你由讀書時期就參賽，你咁有毅力同天份，一定要再參賽啦，好希望睇到你攞冠軍！∼支持！
都喺果句！我自己比你100分！
謝謝ultraleo師兄給我們分享你的作品！
作者: 超人兄弟 時間: 13-7-2014 13:03
引用:
原帖由 ultraleo 於 13-7-2014 00:30 發表
何止像真度高, 我直頭係真人黎~多謝多謝, 自己比較鍾意舊化題材, 最重要係識控制個舊化程度唔好過火, 有好多朋友覺得污糟就係舊化
哈~Ultraleo兄真幽默
！當然唔係污糟就係舊化啦。舊化...是時間的磨蝕証明，有知識可尋。
看你造的斷木...看得出是下過心機的，很讚呀！
作者: ultraleo 時間: 15-7-2014 21:20
因為比賽, 係要落啲心機, 同平時玩玩下個心態唔同
作者: 超人兄弟 時間: 16-7-2014 13:08
引用:
原帖由 ultraleo 於 15-7-2014 21:20 發表
因為比賽, 係要落啲心機, 同平時玩玩下個心態唔同
| 歡迎光臨 經典日本特撮●動畫●卡通回憶 (http://oldcake.net/) |
Powered by Discuz! 6.0.0 |
