Board logo

標題: 足球小將漫畫曾三次於香港推出 [打印本頁]
作者: 杜劍龍    時間: 9-3-2013 22:59     標題: 足球小將漫畫曾三次於香港推出

1985-1986 TVB播小學編動畫，掀起熱潮. 但播完小學編就再冇播
1986 漫周緊貼TVB, 連載中學編
1986 不知名出版社推出足球小將漫畫, 我作為fans當然有買. 但同期漫周連載緊中學編， 除左我呢d 超級fans， 邊有人會小學編呀? 結果只出左三期, 就bye bye. 
1987-1988 TVB播中學編
1987 漫周連載完中學編， 好似話集英社出信比漫周， 漫周再冇連載歐洲編, 我地fans只好租台灣老翻, 睇埋個尾佢.
1990 另一間不知名出版社推出足球小將漫畫, 今次仲衰過第一次， 只出左二期就bye bye. 當時我心諗， 足球小將應該永遠唔會可以再係香港推出.
1994  文傳出足球小將漫畫， 用左破天方嘅出書法. 先出第26期(即歐洲編), 原來除左我地呢d漫畫迷， 好多細路只係睇過TVB, 聽都未聽
過有歐洲編, 呢d細路大過啦， 有經濟能力， 第26期即時掀起熱潮. 只出歐洲編味好快完???文傳好醒， 每兩星期出一本， 但間住間咁出, 即係
26,1,27,2, 28, 3, 29, 4, .....如此類推.
結果令足球小將1-37成為香港史上其中一套最賣得嘅日本漫畫. 我地呢d fans....最終都可以擁有一套1-37香港版嘅足球小將漫畫，真係感慨
萬分. 


作者: singingsoul    時間: 11-3-2013 17:59

引用:
原帖由 杜劍龍 於 9-3-2013 22:59 發表 1985-1986 TVB播小學編動畫，掀起熱潮. 但播完小學編就再冇播1986 漫周緊貼TVB, 連載中學編1986 不知名出版社推出足球小將漫畫, 我作為fans當然有買. 但同期漫周連載緊中學編， 除左我呢d 超級fans， 邊有人會小 ...

唔係杜劍龍兄講都唔知文傳當日咁聰明方式出.

我個人經歷係:
1)430播小學篇, 著迷.
2)中學學校書展唔知點解竟然會有足球小將日本漫畫賣的, 買了第一本我的日本漫畫單行本, 是中學篇第16卷, 打緊大阪東一高中, 即係早田誠. 稍後就係漫周連載中學篇時期, 即係我其實已經日本版先看了, 不過仍期期買漫周重溫中文版.
3)間唔中就買本日本單行本, 決定儲番晒一套. 同時430又終於播中學篇動畫了.

因為我在買日本版, 漫周又有得睇, 所以完全沒有其他出版社出老番的記憶~

到差不多87年或稍後時間, 歐洲篇打得如火如荼, 有時心急, 甚至買JUMP看歐洲篇最新劇情,

不過去加國升學時, 竟然賣了當時整套足小, 唔記得係咪都係為了籌錢買遊戲機例如SEGA MEGADRIVE.

後來文傳出正版中文版, 全部買回, 小學篇係有個盒特別包裝添.
事隔唔知幾多年, 高橋陽一畫世青篇, 滿心期待, 而事實上頭幾卷亦非常好看. 誰不知過度拖二三線敵人球隊賽事, 泰國都講到點強勁, 沙地又要用極長篇幅, 中國又更加詳述, 以為這樣可以拖長條命長畫長有, 點知結構失曬衡, 拖到人人放棄, 人氣暴跌, 落得後面本來要更加大書特書的荷蘭, 瑞典反而草草了事. 我係失望到後面已經放棄了這個我曾經最愛漫畫. 可說自此完全放棄足小. 所以後面的乜篇物篇我係完全唔知或當唔知的.

作者: 杜劍龍    時間: 12-3-2013 21:37

你識日文就好啦， 我地睇台灣老翻 ，育翔, 日晃......

作為足球小將頂級fans, 完全莫視1-37之後嘅故事先係皇道呀!
作者: singingsoul    時間: 13-3-2013 14:50

引用:
原帖由 杜劍龍 於 12-3-2013 21:37 發表 你識日文就好啦， 我地睇台灣老翻 ，育翔, 日晃......作為足球小將頂級fans, 完全莫視1-37之後嘅故事先係皇道呀!

現在算識一半半, 當年則頂盡識一成, 睇圖睇漢字估估吓渣.
方育翔!!!! 我都有翻開過吓呢.

對, 37卷打完歐洲少年大賽當完最好. 繼續下來的, 與大堆其他後來的, 同年代的足球漫畫比較, 足小無論劇情, 畫功都屬於下下之列, 沒有了"開創潮流者"這免死金牌, 如同垃圾.

我看過我們的足球場, 劇情極好又完整性高. 哨聲響起whistle都好看的, 不過尾段形同腰斬非常草草了事很可惜. 到近年有還在連載的逆轉監督Giant Killer, 非常不俗, 推薦.




歡迎光臨 經典日本特撮●動畫●卡通回憶 (http://oldcake.net/) Powered by Discuz! 6.0.0