標題: 住唐樓的日子 [打印本頁]
作者: 百變小櫻 時間: 25-10-2011 18:33 標題: 住唐樓的日子
小學時，住在一棟六層高，戰前冇電梯唐樓，我住三樓，中間有條長走廊，兩邊唔同板間房住戶共四伙人，向街有個大騎樓，大到可以打羽毛球，跳橡筋繩。
鄰居由地下到天台都認識，大家見到面會點頭打招呼，打風停電制水時，會互相照應。
作者: Potato 時間: 29-12-2011 00:15
我出世後有幾年都住在這類唐樓，有幾戶人住，個騎樓都好大。到我三歲時，那唐樓要拆，與這些「同屋住」各散東西。由於年紀太小，對於那裡的生活沒有甚麼記憶。不過，從家人口中所知，各戶的關係應該不錯。我家姐結婚時，還特登搵番其中一戶的女兒做伴娘。
作者: 超人兄弟 時間: 29-12-2011 18:38
好細個住過唐樓...係1 至 2歲，所以無乜記憶...
我小學時有個同學仔屋企人o向唐樓租o左個房仔，成間房真係得一張雙層look 架床 & 書檯仔,櫃仔係o甘多！
我成日去玩都係坐床咋。
作者: 百變小櫻 時間: 29-12-2011 20:12
引用:
原帖由 Potato 於 29-12-2011 02:15 發表 
我出世後有幾年都住在這類唐樓，有幾戶人住，個騎樓都好大。到我三歲時，那唐樓要拆，與這些「同屋住」各散東西。由於年紀太小，對於那裡的生活沒有甚麼記憶。不過，從家人口中所知，各戶的關係應該不錯。我家姐結婚 ...
作者: 百變小櫻 時間: 29-12-2011 20:22
引用:
原帖由 超人兄弟 於 29-12-2011 20:38 發表 好細個住過唐樓...係1 至 2歲，所以無乜記憶... 我小學時有個同學仔屋企人o向唐樓租o左個房仔，成間房真係得一張雙層look 架床 & 書檯仔,櫃仔係o甘多！我成日去玩都係坐床咋。
作者: Potato 時間: 29-12-2011 21:49
引用:
原帖由 abc 於 29-12-2011 20:22 發表 好多唐樓，樓底高，間房可以搭多個閣仔，小朋友靜雞雞上閣仔玩探險，好有秘密基地感覺。
係呀！我地嗰度都有個閣仔，因為人多，否則唔夠住。
作者: 百變小櫻 時間: 30-12-2011 05:14
引用:
原帖由 Potato 於 29-12-2011 23:49 發表
係呀！我地鰟度都有個閣仔，因為人多，否則唔夠住。
作者: 紫龍 時間: 21-2-2017 10:43
最記得係部升降機
作者: africanmonks 時間: 12-10-2020 21:15
我好細時住過,印象極深刻。果幢樓六層高，無電梯，我住五樓，上落極辛苦（大概三四歲，行樓梯好吃力）。六樓係山寨工廠，做鞋模的，一開工就成幢樓瀰漫木屑灰塵。
夏天夜晚好多大人（男人）到天台瞓，包括好多唔係呢幢大廈的住客。
屋內又係一條冷巷直通，左邊幾張兩層碌加床，右邊板間房。
水，電費全屋分擔，但多少出入總會有紛爭。所以同樓上大大所講的感情好完全唔同。除咗一兩個打埋算盤係親戚之外，其他的都疏遠，甚至試過嗌交拎菜刀叫警察。
全屋最高紀錄住咗２１人，間屋大概一千平方呎，厠所一個，廚房一個，好多時爭執由此起。
可能最初有騎樓，但我住的時候騎樓已安晒窗成為室內。
最最最神奇係.......幢樓仲未拆,今日（２０２０年）仍然有人住,不過唔再係板間房+碌加床,而係一個單一單位。
| 歡迎光臨 經典日本特撮●動畫●卡通回憶 (http://oldcake.net/) |
Powered by Discuz! 6.0.0 |