經典日本特撮●動畫●卡通回憶

標題: 少林奇兵,怪異集,壽星仔,玉神漫畫仲有自由人系列 [打印本頁]

作者: CC715 時間: 10-7-2011 18:52 標題: 少林奇兵,怪異集,壽星仔,玉神漫畫仲有自由人系列

玉神帝國我睇過唔小,少林奇兵最衰得30集,怪異集,壽星仔果時覺得幾好睇,最鍾意睇既係玉郎漫畫狄克既情若無花不結果,至於自由人出版既我都睇過唔小,好似愛殺,刀劍笑,戇男故事,大家又睇過幾多?

作者: billy_silly 時間: 10-7-2011 21:22

你講既係港漫最鼎沸時代,呢度啲old cake 梗係多人睇過啦,嗰時除咗中華英雄、龍虎門、刀劍笑、鬼書皇...仲有怪異集、玉郎漫畫、小强漫畫、鐵將縱橫、迷離世界...都好多捧場客嫁!唯一可惜既係自從冇左金報生報果啲之後,有些不能出單行本例如白金龍果啲都漸被遺忘甚至提早轉行...

作者: 超人兄弟 時間: 10-7-2011 22:42

引用:

原帖由 billy_silly 於 10-7-2011 21:22 發表你講既係港漫最鼎沸時代,呢度啲old cake 梗係多人睇過啦,嗰時除咗中華英雄、龍虎門、刀劍笑、鬼書皇...仲有怪異集、玉郎漫畫、小强漫畫、鐵將縱橫、迷離世界...都好多捧場客嫁!唯一可惜既係 ...

白金龍有段時間我都幾鍾意睇...係咪倚天屠龍記呢...太耐失o左憶!

記憶所及線條幾粗糙o下! 不過有佢味道ge~!

作者: billy_silly 時間: 11-7-2011 00:20

引用:

原帖由 超人兄弟 於 10-7-2011 22:42 發表白金龍有段時間我都幾鍾意睇...係咪倚天屠龍記呢...太耐失o左憶! 記憶所及線條幾粗糙o下! 不過有佢味道ge~!

咪就係!果陣叫做天劍龍刀,另外仲有宝鼎記、劍傲江湖...睇書名都估到係講邊本啦!好後悔當年吾識宝冇儲起啲報紙...人就係咁,當年剩係掛住睇中華英雄...如果文傳同金庸傾掂數依家推出,我估都會有啲老餅市場!

作者: billy_silly 時間: 11-7-2011 01:04

不過話時話文傳都未必齊原稿菲林...

作者: 超人兄弟 時間: 11-7-2011 11:49

引用:

原帖由 billy_silly 於 11-7-2011 00:20 發表咪就係!果陣叫做天劍龍刀,另外仲有宝鼎記、劍傲江湖...睇書名都估到係講邊本啦!好後悔當年吾識宝冇儲起啲報紙...人就係咁,當年剩係掛住睇中華英雄...如果文傳同金庸傾掂數依家推出,我估都會有 ...

hee...hee...我情況同兄台說一樣o拉~!

作者: CC715 時間: 16-7-2011 16:32

引用:

原帖由 billy_silly 於 10-7-2011 21:22 發表你講既係港漫最鼎沸時代,呢度啲old cake 梗係多人睇過啦,嗰時除咗中華英雄、龍虎門、刀劍笑、鬼書皇...仲有怪異集、玉郎漫畫、小强漫畫、鐵將縱橫、迷離世界...都好多捧場客嫁!唯一可惜既係 ...

80-90年代,果時港漫真係光輝年代,玉郎帝國d書好多都幾萬消量,本本都出到幾百期,依家港漫唔掂啦,又有網上dl,賣到一萬消量,出到一百幾十期已經好好,請問你有無睇86年本少林奇兵?

作者: keno 時間: 16-7-2011 16:50

引用:

原帖由 CC715 於 16-7-2011 16:32 發表 80-90年代,果時港漫真係光輝年代,玉郎帝國d書好多都幾萬消量,本本都出到幾百期,依家港漫唔掂啦,又有網上dl,賣到一萬消量,出到一百幾十期已經好好,請問你有無睇86年本少林奇兵?

其實故事越編越差都有関...好似龍虎門果D...攪到開山劈石...轉頭RESET 再起標初時咪又話唔會犯同樣問題....最後整走個老祖宗...轉頭又咪將老天尊玩飛昇...再加個刀神同空我....一樣咪開山劈石...

都係以前舊故事好睇D...起碼唔駛變左超人片咁...大炮/飛彈無視~

少林奇兵當年我都有睇...記得初初主角用繩鏢...後期好似學左套叫四季神功...但套書好似出出下草草完...個主角好似還左俗...太耐唔係好記得個故事大綱.

壽星仔最有印像係改編西片飛天紅中俠果編...潛水發財俠, 踲地白板俠...笑爆肚.

其實黃生,倪匡,金庸早期好似係同屋鄰居(板間房果隻)...佢係以前漫畫書專欄有提過...

作者: billy_silly 時間: 17-7-2011 03:09

引用:

原帖由 CC715 於 16-7-2011 16:32 發表 80-90年代,果時港漫真係光輝年代,玉郎帝國d書好多都幾萬消量,本本都出到幾百期,依家港漫唔掂啦,又有網上dl,賣到一萬消量,出到一百幾十期已經好好,請問你有無睇86年本少林奇兵?

少林奇兵應該有睇,但內容已吾記得囉...好彩有keno兄補充...我只記得係馮志明編繪,不過掛名係同黃玉郎合作既...

作者: CC715 時間: 17-7-2011 08:13

引用:

原帖由 keno 於 16-7-2011 16:50 發表其實故事越編越差都有関...好似龍虎門果D...攪到開山劈石...轉頭RESET 再起標初時咪又話唔會犯同樣問題....最後整走個老祖宗...轉頭又咪將老天尊玩飛昇...再加個刀神同空我....一樣咪開山劈石... ...

少林奇兵我都唔係太記得故事,比較深印象係個故事因為粒舍利子而起

其實當年龍虎門,神掌,醉拳,我都無睇,係有睇中華美雄

作者: CC715 時間: 17-7-2011 08:16

引用:

原帖由 billy_silly 於 17-7-2011 03:09 發表少林奇兵應該有睇,但內容已吾記得囉...好彩有keno兄補充...我只記得係馮志明編繪,不過掛名係同黃玉郎合作既...

肥豬郎掛名左幾十年啦,呢樣我最唔鍾意,係老馮畫既,不過唔知乜原因俾肥豬ORDER得30期,其實故事可以去到起碼多幾十期

作者: keno 時間: 17-7-2011 12:57

引用:

原帖由 CC715 於 17-7-2011 08:13 發表少林奇兵我都唔係太記得故事,比較深印象係個故事因為粒舍利子而起其實當年龍虎門,神掌,醉拳,我都無睇,係有睇中華美雄

個故事大約似奪寶奇兵式...不過好似係主角落山追尋失左既寶物 (唔知有無記錯)~

其實黃生(未上市前), 佢神掌/醉拳有段時期故事藍本係倚天/射鵰...

中華英雄我都有睇...不過後期乜鬼天人..整整下好似謎離境界咁...算吧~

馬SIR 前作套風流都唔錯, 我都鐘意哩套~

作者: keno 時間: 17-7-2011 13:02

引用:

原帖由 billy_silly 於 17-7-2011 03:09 發表少林奇兵應該有睇,但內容已吾記得囉...好彩有keno兄補充...我只記得係馮志明編繪,不過掛名係同黃玉郎合作既...

無法...新人單行本...唔掛佢老人家名...驚銷量差...

我記得好似中華英雄...未出單行本前...都係黃生D 漫畫掛單一排...即係本單行本十幾頁係佢既故事.

作者: billy_silly 時間: 17-7-2011 19:46

引用:

原帖由 keno 於 17-7-2011 13:02 發表無法...新人單行本...唔掛佢老人家名...驚銷量差... 我記得好似中華英雄...未出單行本前...都係黃生D 漫畫掛單一排...即係本單行本十幾頁係佢既故事.

係嫁!中華英雄除了在金報連載,後尾又孖住醉拳、如來神掌...總之老黃開新書就預佢,此舉既可探測市場反應,又可以幫助老黃作品銷量,高招數黎嫁!

作者: keno 時間: 17-7-2011 22:46

引用:

原帖由 billy_silly 於 17-7-2011 19:46 發表係嫁!中華英雄除了在金報連載,後尾又孖住醉拳、如來神掌...總之老黃開新書就預佢,此舉既可探測市場反應,又可以幫助老黃作品銷量,高招數黎嫁!

重有係咁掛單...老黃圈一期稿變兩期書...

作者: billy_silly 時間: 17-7-2011 23:53

引用:

原帖由 keno 於 17-7-2011 22:46 發表重有係咁掛單...老黃圈一期稿變兩期書...

不過果時老黃已吾使點落手啦~醉拳係萬有草稿,如來神掌係牛佬負責,老黃只負責勾主角頭...

作者: billy_silly 時間: 17-7-2011 23:58

引用:

原帖由 CC715 於 17-7-2011 08:13 發表少林奇兵我都唔係太記得故事,比較深印象係個故事因為粒舍利子而起其實當年龍虎門,神掌,醉拳,我都無睇,係有睇中華美雄

經你所講勾起記憶...果時睇舊龍専欄老黃提過預備開本新書名叫舍利子,但後來冇件事...應該就係呢本少林奇兵了...

作者: billy_silly 時間: 18-7-2011 00:11

引用:

原帖由 keno 於 17-7-2011 12:57 發表個故事大約似奪寶奇兵式...不過好似係主角落山追尋失左既寶物 (唔知有無記錯)~ 其實黃生(未上市前), 佢神掌/醉拳有段時期故事藍本係倚天/射鵰... 中華英雄我都有睇...不過後期乜鬼天人..整整下好似 ...

醉拳一開始就係射雕啦~後尾又轉左天龍八部...神掌一開始就係天佛掌,後尾出左几期書玉郎喺専欄透露本原著寫得好凌亂,後來神掌出到十零期第一代江湖完結,開始步入龍仁(即係張翠山)倚天故事,再到後來抄絕代雙驕...可見當年老黃開書其實好草率...甚至未睇晒原著就嚟...至於阿sir以現在事後眼光看來,佢畫得最好既可能係風流第一輯少女同埋魔鬼實驗...五兄弟都好有心机但係畫功仲未得...而風流第二輯掌門人後段馬sir似乎已摸索到商業漫畫的竅門而開始變得流水作業...

作者: billy_silly 時間: 18-7-2011 00:35

引用:

原帖由 CC715 於 17-7-2011 08:16 發表肥豬郎掛名左幾十年啦,呢樣我最唔鍾意,係老馮畫既,不過唔知乜原因俾肥豬ORDER得30期,其實故事可以去到起碼多幾十期

應該係銷路問題,同埋聽聞祁經理吾多中意老馮,一句冇讀者緣就搞死左老馮(其實係續約問題),致有後來既刀劍笑出現...

作者: keno 時間: 18-7-2011 14:14

引用:

原帖由 billy_silly 於 18-7-2011 00:35 發表應該係銷路問題,同埋聽聞祁經理吾多中意老馮,一句冇讀者緣就搞死左老馮(其實係續約問題),致有後來既刀劍笑出現...

其實祁生都經典啦...我以前睇漫畫時...又唔覺佢D畫掂...但係三大弟子(祁生, 萬有, 無名威(<<家下做緊中古玩具生意))中...佢就係哩個畫壇打滾最耐, 又身居要識...XD

作者: CC715 時間: 20-7-2011 03:10

引用:

原帖由 keno 於 17-7-2011 12:57 發表個故事大約似奪寶奇兵式...不過好似係主角落山追尋失左既寶物 (唔知有無記錯)~ 其實黃生(未上市前), 佢神掌/醉拳有段時期故事藍本係倚天/射鵰... 中華英雄我都有睇...不過後期乜鬼天人..整整下好似 ...

原來中華英雄後期你都有睇,我睇到馬榮成出天下第1集就無睇中華英雄,可否講下大約既故事(即150期後既故事)

講開天下,頭果4期既兩極唔好睇,攪到我到左第5期(即風雲第1期),我就無買,錯過左最正既早期風雲,好在後尾都有補番黎睇,講真,風雲雄霸果時真係覺得幾好睇,又有無名

講問無名,我又想問佢係咪升左天啦

作者: CC715 時間: 20-7-2011 03:18

引用:

原帖由 billy_silly 於 18-7-2011 00:35 發表應該係銷路問題,同埋聽聞祁經理吾多中意老馮,一句冇讀者緣就搞死左老馮(其實係續約問題),致有後來既刀劍笑出現...

其實銷路係80年代既港漫唔係問題,我估可能係祁經理唔鍾意老馮比較真

你講開刀劍笑,呢本野早期真係正,今日睇番個故事都唔out,公仔就差d(果時叫靚),由其係3個人都係主角,3個既性格都鮮明,好似橫刀夠霸氣,名劍風流,三少熱愛生命,真係正,不過到左刀決過後我覺得唔太好睇,

作者: CC715 時間: 20-7-2011 03:22

引用:

原帖由 billy_silly 於 17-7-2011 19:46 發表係嫁!中華英雄除了在金報連載,後尾又孖住醉拳、如來神掌...總之老黃開新書就預佢,此舉既可探測市場反應,又可以幫助老黃作品銷量,高招數黎嫁!

凡我都記得舊著醉拳第1期係孖係中華英雄前傳部份內容既第1期,神掌就唔太記得孖住乜

作者: CC715 時間: 20-7-2011 03:23

其實你地依家有無dl番d舊漫畫黎睇

作者: CC715 時間: 20-7-2011 03:24

引用:

原帖由 keno 於 18-7-2011 14:14 發表其實祁生都經典啦...我以前睇漫畫時...又唔覺佢D畫掂...但係三大弟子(祁生, 萬有, 無名威(<<家下做緊中古玩具生意))中...佢就係哩個畫壇打滾最耐, 又身居要識...XD

不過可惜祁生到左9幾年比肥豬郎放棄左

作者: keno 時間: 20-7-2011 10:02

引用:

原帖由 CC715 於 20-7-2011 03:10 發表原來中華英雄後期你都有睇,我睇到馬榮成出天下第1集就無睇中華英雄,可否講下大約既故事(即150期後既故事) 講開天下,頭果4期既兩極唔好睇,攪到我到左第5期(即風雲第1期),我就無買,錯過左最正既早期風雲,好在後尾都 ...

後期我都係睇左一兩期即閃, D FRD 買開揭下, 故事detail 都講唔到你聽...
我記得有期天人越講越神化...出到有翼生物...乜魔鬼散旦...就咁揭以為迷離境界...

無名無死...失左憶被安置係條小村生活~

作者: keno 時間: 20-7-2011 10:08

引用:

原帖由 CC715 於 20-7-2011 03:18 發表其實銷路係80年代既港漫唔係問題,我估可能係祁經理唔鍾意老馮比較真你講開刀劍笑,呢本野早期真係正,今日睇番個故事都唔out,公仔就差d(果時叫靚),由其係3個人都係主角,3個既性格都鮮明,好似橫刀夠霸氣,名劍風流, ...

刀劍笑我都有睇...講真我覺得老馮哩套之後作品...有D走火入魔...係咪都作下詩詞做招式/招意...好濫~

作者: keno 時間: 20-7-2011 10:11

引用:

原帖由 CC715 於 20-7-2011 03:23 發表其實你地依家有無dl番d舊漫畫黎睇

好難搵...有D 問FRD 借黎睇...好似文傳再版過小琉民~

引用:

原帖由 CC715 於 20-7-2011 03:24 發表不過可惜祁生到左9幾年比肥豬郎放棄左

不過佢都搵夠收山啦...前年TBB 有個節目訪問佢係九龍塘間大屋...show 下古董字畫咁...

作者: CC715 時間: 21-7-2011 16:31

引用:

原帖由 keno 於 20-7-2011 10:02 發表後期我都係睇左一兩期即閃, D FRD 買開揭下, 故事detail 都講唔到你聽...我記得有期天人越講越神化...出到有翼生物...乜魔鬼散旦...就咁揭以為迷離境界...無名無死...失左憶被安置係條小村生活~

(出到有翼生物...乜魔鬼散旦...就咁揭以為迷離境界)--------呢度我睇你咁講,覺得好

原來無名無死到,都好D,不過我覺得馬榮成遲早都會拎番佢老人家出黎講

作者: CC715 時間: 21-7-2011 16:34

引用:

原帖由 keno 於 20-7-2011 10:11 發表好難搵...有D 問FRD 借黎睇...好似文傳再版過小琉民~ 不過佢都搵夠收山啦...前年TBB 有個節目訪問佢係九龍塘間大屋...show 下古董字畫咁...

唔難搵既,去YAHOO SEARCH會有,而且依家十個討論區,起碼有8個都有漫畫DL

乜原來CVB訪問過佢架,你唔講我真係唔知

作者: CC715 時間: 21-7-2011 16:41

引用:

原帖由 keno 於 20-7-2011 10:08 發表刀劍笑我都有睇...講真我覺得老馮哩套之後作品...有D走火入魔...係咪都作下詩詞做招式/招意...好濫~

作下詩詞做招式/招意,呢樣我反而都接受到,反而係故事方面,霸刀早期都OK,後尾都覺得唔太好睇,但我又講唔出佢後期有乜唔好睇,可能本書太長(成7百幾期,依家仲有出=.="),追到有D染令我覺得唔好睇,反而佢完左本新作神州大俠同後傳．大俠傳奇成套書都好睇,可能本書唔太長既關係

作者: keno 時間: 21-7-2011 17:28

引用:

原帖由 CC715 於 21-7-2011 16:31 發表 (出到有翼生物...乜魔鬼散旦...就咁揭以為迷離境界)--------呢度我睇你咁講,覺得好原來無名無死到,都好D,不過我覺得馬榮成遲早都會拎番佢老人家出黎講

算啦...馬SIR都無乜心機留意自己作品...炒下樓投資緊要D~

你睇劍晨初初又話斷六感...得把交剪溝通到....整整下後期又講到野/聽到野...人人都溝通到...馬SIR 邊有閒情記細節....

所以話唔定下次無名再出場會多翻隻手...XD

作者: aeug 時間: 21-7-2011 22:28

引用:

原帖由 CC715 於 21-7-2011 16:31 發表 (出到有翼生物...乜魔鬼散旦...就咁揭以為迷離境界)--------呢度我睇你咁講,覺得好原來無名無死到,都好D,不過我覺得馬榮成遲早都會拎番佢老人家出黎講

小弟都有上網睇返. 150期後果D, 不過都無睇到最後. 張萬有接手果段係"走火入魔" , 華英雄樣衰到爆, 個個角色都惡形惡相, 仲整盲劍雄隻眼. 又猛加D咸濕野. 華英雄都要學王小虎咁爆衫. 真係睇到眼火爆.

之後袁家寶接手, 故仔同情節其實唔錯, 收瓊天皮, 講下無名島, 無量神掌十二式咁. 但佢當時D功力未夠, 畫其他角色都勉強合格, 畫華英雄就好明顯力不從心顯現唔到英雄果種氣質. 袁家寶之後都唔記得幾多個接手, 又去美國打"天人", 又返中原打風雲後人, 時代背景跳返去抗戰前有李香蘭, 又女蝸...總之就好似衛斯理咁滯.... 我記得有期個封面華英雄仲著埋乾濕褸....

作者: CC715 時間: 22-7-2011 06:29

引用:

原帖由 keno 於 21-7-2011 17:28 發表算啦...馬SIR都無乜心機留意自己作品...炒下樓投資緊要D~你睇劍晨初初又話斷六感...得把交剪溝通到....整整下後期又講到野/聽到野...人人都溝通到...馬SIR 邊有閒情記細節....所以話唔定下次無名再出場會多翻隻手... ...

茶實你既記性好過佢,不如去天下做,話唔定馬榮成佢會請你,請你提番過去既故意情節,以免出錯

馬榮成我估都係唔上心架啦,做老細,又有穩定既天下fans,又有日本中文版漫畫收入,,仲有黃水斌幫佢畫風雲,佢使乜理呀,最多咪係故事到比多小意見,邊似得果時係玉郎帝國度打工咁博殺呀

作者: CC715 時間: 22-7-2011 06:32

引用:

原帖由 aeug 於 21-7-2011 22:28 發表小弟都有上網睇返. 150期後果D, 不過都無睇到最後. 張萬有接手果段係"走火入魔" , 華英雄樣衰到爆, 個個角色都惡形惡相, 仲整盲劍雄隻眼. 又猛加D咸濕野. 華英雄都要學王小 ...

故事好混亂呀,好在我當年無買,依家就算上網唔使$有得睇,我都唔睇

作者: CC715 時間: 22-7-2011 06:32

講下另外一樣,你地有無睇日漫?

作者: frankie 時間: 22-7-2011 11:16

港漫我真係少睇冇錢個個星期買一本書一拖廿幾卅年...
老竇死左揾個仔做主角個仔死埋就到個孫做...
易角又易角

直至無人買書...

另外就係時空大児亂...武俠片(本質就係誇張) 搬到近代/民初/唐人街
重要係有槍炮嘅時代你用槍定內功 ?

坐飛机定晒氣力輕功跳來跳去

laser 有咁勁重有冇人花十幾廿年學降龍十八掌

引用:

原帖由 超人兄弟 於 10-7-2011 22:42 發表白金龍有段時間我都幾鍾意睇...係咪倚天屠龍記呢...太耐失o左憶! 記憶所及線條幾粗糙o下! 不過有佢味道ge~!

白金龍d畫真係好粗下 , 不過本書就厚d 我
我中意漢民嘅怪談我果區兩本都賣得

作者: keno 時間: 22-7-2011 11:36

引用:

原帖由 frankie 於 22-7-2011 11:16 發表港漫我真係少睇冇錢個個星期買一本書一拖廿幾卅年... 老竇死左揾個仔做主角個仔死埋就到個孫做... 易角又易角直至無人買書... 另外就係時空大児亂...武俠片(本質就係誇張) 搬到近代/民初/唐人街 ...

唔止...後期飛昇誇到飛出大空層, 見到人造衛星...

作者: frankie 時間: 22-7-2011 12:57

引用:

原帖由 keno 於 22-7-2011 11:36 發表唔止...後期飛昇誇到飛出大空層, 見到人造衛星...

唔知係咪要讃下佢地...

一個故事即使你唔(唔想)同讀者講明時代背境 , 亦唔可以偏離設定太遠
因為你嘅作品或多或少可以反映出黎.....
唔可能(但又成日發生) 講古時卻又梳個現代髪型着科幻嘅衫 ....以為好型
亦唔係你諗倒乜就可以放晒落去 ,

以前(依家唔知)港漫好受當時流行影响.....
果期興乜佢地就會加落去
果排興忍者片就加忍者 , 果排有套鬼片叫"腦魔"上映 , 咁...

作者: keno 時間: 22-7-2011 16:37

引用:

原帖由 frankie 於 22-7-2011 12:57 發表唔知係咪要讃下佢地...一個故事即使你唔(唔想)同讀者講明時代背境 , 亦唔可以偏離設定太遠因為你嘅作品或多或少可以反映出黎.....唔可能(但又成日發生) 講古時卻又梳個現代髪型着科幻Ü ...

其實時裝加功夫, 我唔MIND...好似以前咁...拔槍咩!? 你話金鐘罩中彈唔係要害, 入肉唔深都流DD蚊飯, 當有個幻想空間....家下一拳一掌...成航空母艦都分屍...噴射機唔夠輕功快....飛彈射埋爆炸範圍咁大, 避開兩步企隔離一D事都無...編故仔條友真係上晒腦了...拍特攝D超人乎? 得啖笑~

重有自從D刀刀劍劍商品興起...家下變左刀劍先係主腳...為出刀劍...造把野出黎先度故事....最慘出完個刀劍大HEADING...寫兩野就無以為繼...再出多把又黎過....

黃生/馬蛇咪最愛監粗黎...得閒加一把作故仔, 方便商品化麻...

作者: frankie 時間: 22-7-2011 20:18

引用:

原帖由 keno 於 22-7-2011 16:37 發表其實時裝加功夫, 我唔MIND...好似以前咁...拔槍咩!? 你話金鐘罩中彈唔係要害, 入肉唔深都流DD蚊飯, 當有個幻想空間....家下一拳一掌...成航空母艦都分屍...噴射機唔夠輕功快....飛彈射埋爆炸範圍咁大, 避開兩步企隔離 ...

Keno兄唔講我重以為係刀劍跟故事出..... 即係尺剣塗聾刀說任狂刀咁...
講講下又係 , 一蝸蜂咁出武器興得一排邊有得黎咁多出名刀劍出 ?
所以咪故事跟刀劍寫
本書变左刀劍商品附屬品lor..依家咪又死Q晒

坦白講讀者有要求故事唔得唔買唔睇係正常
我最怕係d人掛住甚麼支持港產、情意結......
又話唔好睇又話人抄野但又期期科水....

歡迎光臨經典日本特撮●動畫●卡通回憶 (http://oldcake.net/)