Board logo

標題: Ultra Q 《超異象之謎》 [打印本頁]
作者: Delight986    時間: 21-2-2011 01:02     標題: Ultra Q 《超異象之謎》

Ultra Q 《超異象之謎》 

 

《超異象之謎》（原題：ウルトラQ）是圓谷製作的「空想特攝系列」（之後被列入「超人力霸王系列」之內）第一部電視影集，於1966年1月2日至7月3日，及1967年12月14日播映，共28集，為黑白攝製作品。香港曾於1970年播出。

本作品是從美國兩部電視影集《第九空間》（THE OUTER LIMITS）和《奇幻人間》（The Twilight
 Zone）得到靈感，所創作的科學幻想電視影集，描述萬城目淳（飛行員）、戶川一平（助手）與江戶川由利子（新聞攝影師）三人，每次所遭遇到的不可思議事件，而多半均與怪獸有關。當時播出的贊助商是武田藥品。當初本片企畫時是以《不平衡》（UNBALLANCE）為暫定片名，於1964年9月開拍，並在全28集完成之後，才在TBS電視台播映（但第28集在首播時並未播出，而是第一次重映時才首次播出）。日文片名標題則是從當時的流行語「超C」（ULTRA-C，為表示體操動作難度的詞彙）與英文單字「問題」（question）的首字母「Ｑ」合併後命名。並以曾參與《哥吉拉》等東寶特攝電影的特效大師圓谷英二先生監製為賣點，而本片的推出，也成功帶動了1960年代日本兒童的怪獸熱潮。

 

http://cliff072002.mysinablog.co ... p;articleId=1465995

http://www.youtube.com/watch?v=OSnezyF-stg

ウルトラQ.20


海底原人
http://www.youtube.com/watch?v=YqeCpduqP0E


Ultra Q 類似甘國亮,王家衛拍攝既科幻小品式實驗電視影集,得佢明白觀眾未必明白..
有時有怪獸,冇超人..

通常只有讀大專大學研究生,電影工作者至喜歡欣賞...


 

作者: ULTRA2020    時間: 21-2-2011 01:21

地球保衛戰以那個年代來說,  真的好好睇 ~
作者: superoldcake    時間: 22-2-2011 09:23

ultra Q 在當年 ( 1964-5年)以多點式科幻元素為题材, 為圆谷打响名堂, 圓谷英二居功至偉。

試想一下, 60年代中期怪獸都分別有來自外星, 古代傳說, 甚至不知名空間, 繼而有人工生命

變種巨型生物以至植物, 連縮細到1／8 都有  最令人神往既首推人心轉變而成之食錢鬼及海底原人上岸尋親子,

 

我當年睇未完巳估到結局, 唔係我叻, 係細路仔思想單純, 直覺係咁就係咁, 依家年紀大左,

閱歷多左有時諗野反而諗多左, 無左兒時之直腸直肚

由此可見英二先生當年係懷有童心去制作 Ultra Q,以當時科技水平而論, 走得好前喇

 

反觀近年CG技術之成熟, 有乜野两面三界四維五行場景拍唔到 ?

係心態! 成4X年前拍落仲係黑白片到依家在日本都仲有人談論...HK都有,小D人姐, 就係源於整體故事架構

基建於童夢上而非商品市場策略上, 大家都一把年紀,應該都有孫仔女, 問下佢地幾年d科幻片主角叫乜水

分分鐘答 : 唔記得, 你就知近年dSF片有幾爛  

依家dCG片仲係有細路睇, 但到佢地大個D之時巳唔會再捧場

作者: bs00001    時間: 26-2-2011 04:11

引用:
原帖由 superoldcake 於 22-2-2011 09:23 發表

ultra Q 在當年 ( 1964-5年)以多點式科幻元素為题材, 為圆谷打响名堂, 圓谷英二居功至偉。

試想一下, 60年代中期怪獸都分別有來自外星, 古代傳說, 甚至不知名空間, 繼而有人工生命

變種巨型生物以至植物, 連縮細到1／8 都有  最令人神往既首推人心轉變而成之食錢鬼及海底原人上岸尋親子,

 

我當年睇未完巳估到結局, 唔係我叻, 係細路仔思想單純, 直覺係咁就係咁, 依家年紀大左,

閱歷多左有時諗野反而諗多左, 無左兒時之直腸直肚

由此可見英二先生當年係懷有童心去制作 Ultra Q,以當時科技水平而論, 走得好前喇

 

反觀近年CG技術之成熟, 有乜野两面三界四維五行場景拍唔到 ?

係心態! 成4X年前拍落仲係黑白片到依家在日本都仲有人談論...HK都有,小D人姐, 就係源於整體故事架構

基建於童夢上而非商品市場策略上, 大家都一把年紀,應該都有孫仔女, 問下佢地幾年d科幻片主角叫乜水

分分鐘答 : 唔記得, 你就知近年dSF片有幾爛  

依家dCG片仲係有細路睇, 但到佢地大個D之時巳唔會再捧場

 

完全同意.你好厲害,觀察力好強!

 

圓谷英二真係神人! (雖然我完全唔喜歡蘿蔔頭...只愛小日本美女! )

 

 

現在好多電視/電影,畫面美觀咗,但創意差咗,甚至比唔上阿爺個一代!只係高科技搭夠!

 

認真回想現在好多電視/電影的故事本身,實際不太吸引,甚至過目即忘....

 

ultra Q其實仍然好看!! 大陸有一些視頻網內,仍可看到ultra Q!

 

反而最新一代嘅懵面超人........看得我一頭霧水...唔知佢地搞乜鬼

作者: superoldcake    時間: 26-2-2011 13:30

BS0001餅友見笑,

人年長後心態受各式各樣環境因素所影响, 為生活/下一代之未來作打算本就情理所在, 仲邊有童心在呢 

 

我偶然有緣在youtube睇翻 UltraQ 至驚覺當日小子巳白頭...5張喇 , 亦感慨良多地細想圓谷英二係抱乜野心態去拍呢套當年都算係走得好前之科幻片?

我估計係一種兒時生活有某種缺失 の反射式心理補償.....英ニ之生母生左佢細佬之後不久病逝, 年方19歲

作者: superoldcake    時間: 26-2-2011 13:56

仲有佢原名係 : 円谷 英一, 年少時係個超级飛機模型狂熱者, 到15歳左右在家族大力反對下報讀日本羽田飛行學校第一期成為學員, 當年600円學費....1916年, 但翌年因其中一名教官玉井在作飛行示範時失事死亡,

在各方壓力下間飛行學校game-over, 英一先生始終做唔成機師

 

估計為此促成 UltraQ 的誕生, 而由佐原 健二 所飾演之萬城目 淳----( 無線譯 : 馬炳忠 由 丁羽音演 )

就係英一自身之倒影, 一完未成之童年夢

作者: bs00001    時間: 27-2-2011 23:27

引用:
原帖由 superoldcake 於 26-2-2011 13:30 發表

BS0001餅友見笑,

人年長後心態受各式各樣環境因素所影响, 為生活/下一代之未來作打算本就情理所在, 仲邊有童心在呢 

 

我偶然有緣在youtube睇翻 UltraQ 至驚覺當日小子巳白頭...5張喇 , 亦感慨良多地細想圓谷英二係抱乜野心態去拍呢套當年都算係走得好前之科幻片?

我估計係一種兒時生活有某種缺失 の反射式心理補償.....英ニ之生母生左佢細佬之後不久病逝, 年方19歲

 

我看ultra Q 時是大約小學二年級,而家都40幾啦.....哈哈

 

所以我好佩服圓谷英二當時已經是中年以上的人(看到他與其他人合照便知其大約年紀...已經不少了....當時他是否50幾歲?),仍然可以構想出咁多古往今來古靈精怪橋段,去創造一套科幻劇集出來,而當時其實是否可成功都仍是未知數....

 

你提出嘅理由都好合理.......而且人活到了一把年紀,萬般帶不走,總想為下一代做一些好事.......

 

不過原來圓谷英二嘅生母病逝時才年方19歲!!!!!! 唉,正值青春好年華.........相信圓谷英二年青時只能感受好少母愛....同聲一哭...  感謝兄台嘅資料!!

 

唔怪得之圓谷要做一啲前人少做之事:要令當時嘅小孩有更多好戲可看,更影響咗小日本好多下一代,投身特攝行業和漫畫動畫行業....其實間接我地都受益不少...如果唔係,老實講我地d童年會少好多樂趣!!!

 

 

另外,可以講沒有ultra Q就未必有ultraman!!Ultra Q 對後代影響力之大,相信圓谷本人也未必預計到....(佢是否好早便去世?) 

作者: bs00001    時間: 27-2-2011 23:39

引用:
原帖由 superoldcake 於 26-2-2011 13:56 發表

仲有佢原名係 : 円谷 英一, 年少時係個超级飛機模型狂熱者, 到15歳左右在家族大力反對下報讀日本羽田飛行學校第一期成為學員, 當年600円學費....1916年, 但翌年因其中一名教官玉井在作飛行示範時失事死亡,

在各方壓力下間飛行學校game-over, 英一先生始終做唔成機師

 

估計為此促成 UltraQ 的誕生, 而由佐原 健二 所飾演之萬城目 淳----( 無線譯 : 馬炳忠 由 丁羽音演 )

 

 

當年600円學費, 必定好貴!

 

嘩!! 好彩佢做唔成機師!如果唔係,全世界少咗一個科幻戲劇人才,我地d童年會悶蛋好多..... 真係一額汗啦...哈哈!

 

嘩嘩!!兄台你厲害! 你是否懂小日本d蘿蔔文?若是,請多提供小日本方面d好資料..............實在令大家受益不少呀!!!好感謝!

作者: bs00001    時間: 27-2-2011 23:41

引用:
原帖由 ULTRA2020 於 21-2-2011 01:21 發表 地球保衛戰以那個年代來說,  真的好好睇 ~

 

現在睇番,我仍然覺得好好睇!! 哈哈!

作者: superoldcake    時間: 28-2-2011 06:30

円谷英二生於 7-7-1901 日本東北部福島縣須賀川市, 所以籌拍UltraQ 之時巳63歲, 若然無某種堅持信念

相信佢無需要咁辛苦吧

 

円谷全家族都係虔誠天主教徒, 而英二就拍d科幻之餘又帶點童夢の特攝劇, 仲大仔阿一擔導演要職

 

 

而円谷 一個第3仔円谷 浩 ( 本名円谷 寛 )仲粉墨登場, 在宇宙刑事シャイダー出演沢村 大一角

但套劇係由兢争對手東映拍既, 仲要大收特收, 問你 未, 可惜於2001年7月因肝病逝世, 死時37歲

 

 

** 有小小補充 : 圓谷制作早期原來係由東寶映畫出資支援, 到60年代初英二認為圆谷巳有條件獨立運作,

所以脫離東寶, 於66年由武田葯品sponsor, TBS於週日19:00--19:30播放的UltraQ一砲功成, 除故事內容外,

仲有另一個至勝因素, 係英ニ堅持要以拍電影用之35mm菲林攝制, 而非當時一般使用之16mm.....成本高X3

所以在畫面質素方面亦較其它B&W有深度感, 亦因為咁以DR 技術出版之DVD畫面較同期之片種, 視覺感優勝得多

作者: superoldcake    時間: 28-2-2011 06:38

引用:
原帖由 bs00001 於 27-2-2011 23:39 發表     當年600円學費, 必定好貴!   嘩!! 好彩佢做唔成機師!如果唔係,全世界少咗一個科幻戲劇人才,我地d童年會悶蛋好多..... 真係一額汗啦...哈哈!   嘩嘩!!兄台你厲害! 你 ...

 

bs0001餅友 ,

我邊識日文, 係八卦下其他web-site留意d個人偏好資料, 見咁岩有同路人咪扮下專家,志在分享而巳

如果有錯誤, 其他餅友以至版主尊駕請務必指出, 以正視聽

作者: superoldcake    時間: 28-2-2011 06:59

引用:
原帖由 bs00001 於 27-2-2011 23:27 發表   我看ultra Q 時是大約小學二年級,而家都40幾啦.....哈哈   所以我好佩服圓谷英二當時已經是中年以上的人(看到他與其他人合照便知其大約年紀...已經不少了....當時他是否50幾歲?),仍然可以構想出咁 ...

 

所以我個人主觀估計佢係有心要拍d大人細路都有共嗚の科幻劇, 可惜當ウル卜ラマン ( 1966 ),

Seven ( 1968 )大有成績, 正要再下一城, 計劃開拍新ウル卜ラマン, 英二健康出現問題,

連新超人設定 ( 3個最後期版本 )及命名都未作定案, 便於25-1-1970離世, 死時68歲

由圓谷 一接棒第2任社長

作者: superoldcake    時間: 28-2-2011 08:56

UltraQ , 超人 & Seven 既成功仲有位仁兄要記一功, 就係寫劇本の金城 哲夫, 但貪杯累事, 在居所停車場由

2樓碌落樓梯, 撞傷頭部引致腦積血, 3日後埋單, 死時37歲

作者: bs00001    時間: 8-3-2011 03:49

引用:
原帖由 superoldcake 於 28-2-2011 06:30 發表

円谷英二生於 7-7-1901 日本東北部福島縣須賀川市, 所以籌拍UltraQ 之時巳63歲, 若然無某種堅持信念

相信佢無需要咁辛苦吧

 

円谷全家族都係虔誠天主教徒, 而英二就拍d科幻之餘又帶點童夢の特攝劇, 仲大仔阿一擔導演要職

 

 

而円谷 一個第3仔円谷 浩 ( 本名円谷 寛 )仲粉墨登場, 在宇宙刑事シャイダー出演沢村 大一角

但套劇係由兢争對手東映拍既, 仲要大收特收, 問你 未, 可惜於2001年7月因肝病逝世, 死時37歲

 

 

** 有小小補充 : 圓谷制作早期原來係由東寶映畫出資支援, 到60年代初英二認為圆谷巳有條件獨立運作,

所以脫離東寶, 於66年由武田葯品sponsor, TBS於週日19:00--19:30播放的UltraQ一砲功成, 除故事內容外,

仲有另一個至勝因素, 係英ニ堅持要以拍電影用之35mm菲林攝制, 而非當時一般使用之16mm.....成本高X3

所以在畫面質素方面亦較其它B&W有深度感, 亦因為咁以DR 技術出版之DVD畫面較同期之片種, 視覺感優勝得多

 

巳63歲?!嘩!呢個阿伯..... 真係好佩服佢嘅魄力!

 

原來大仔阿一擔任導演要職!相信兩仔爺工作時溝通會更好! 第3仔又係對台撈埋主角? 哈哈, 老豆帶歇埋兩個仔係特攝行業搵食,重要食埋對台d薪水! 圈內邊個夠佢幾仔爺威!!!可惜呀.... 3仔早死....阿円谷老伯D親情緣份似乎較弱.......

 

 

好彩円谷老伯當時夠牙力!堅持要以電影35mm菲林攝制Ultra Q!! 拜服呀!!! 後人真係受益不少!!!!

作者: bs00001    時間: 8-3-2011 03:53

引用:
原帖由 superoldcake 於 28-2-2011 06:38 發表   bs0001餅友 , 我邊識日文, 係八卦下其他web-site留意d個人偏好資料, 見咁岩有同路人咪扮下專家,志在分享而巳如果有錯誤, 其他餅友以至版主尊駕請務必指出, 以正視聽

 

兄台客氣客氣啦! 如果無你,我地就知少好多....你要多D出嚟, 扮吓專家啦...哈哈!

作者: bs00001    時間: 8-3-2011 04:07

引用:
原帖由 superoldcake 於 28-2-2011 06:59 發表   

所以我個人主觀估計佢係有心要拍d大人細路都有共嗚の科幻劇, 可惜當ウル卜ラマン ( 1966 ),

Seven ( 1968 )大有成績, 正要再下一城, 計劃開拍新ウル卜ラマン, 英二健康出現問題,

連新超人設定 ( 3個最後期版本 )及命名都未作定案, 便於25-1-1970離世, 死時68歲

由圓谷 一接棒第2任社長

 

相信你嘅估計無錯:始終人死留名,雁去留聲啦...

 

雖然円谷老伯睇唔到新超人設定就過世係非常可惜,但佢確係為後代播下無數科幻嘅好種子;而且後來Ultraman 系列D成績整體嚟講一直唔差,更成為國民偶像之一!做人做到咁.....円谷老伯應該算含笑而逝啦....

 

(講開又講......至少我覺得,我仍然明白後期D超人故事係講D乜:簡簡單單啦.....

 

懵面超人呢....D故事成日錯綜複雜,扮有深度....我就睇到一舊雲 ...而且有D懵面超人越來越醜樣,主角外形三尖八角古靈精怪,重醜陋過D怪獸/對手,反而D怪獸/對手重更加型!!成日想繼續捧吓場,始終都捧唔到落手,最後都要熄電視.......真係你老味... )

作者: bs00001    時間: 8-3-2011 04:29

引用:
原帖由 superoldcake 於 28-2-2011 08:56 發表 UltraQ , 超人 & Seven 既成功仲有位仁兄要記一功, 就係寫劇本の金城 哲夫, 但貪杯累事, 在居所停車場由 2樓碌落樓梯, 撞傷頭部引致腦積血, 3日後埋單, 死時37歲

 

好早就死...可惜.....呢幾個系列都係其中最好睇嘅之一,簡直經典啦  .........呢個真實故事教訓大家:幾叻嘅天才,都要注意言行,小心身體!!!

作者: superoldcake    時間: 8-3-2011 10:30

引用:
原帖由 bs00001 於 8-3-2011 04:07 發表   相信你嘅估計無錯:始終人死留名,雁去留聲啦...   雖然円谷老伯睇唔到新超人設定就過世係非常可惜,但佢確係為後代播下無數科幻嘅好種子;而且後來Ultraman 系列D成績整體嚟 ...

 

Bs00001餅友您好 :

 

誠如你所提及, 依家既特攝片係為商品市場主導而存在, 以後有無人提唔重要, 最緊要依一刻d貨有去路,

 

好唔好睇? 我相信 out of their topic喇

 

總之現時要我比$買, 我一定No !!!  睇下youtube 就會

作者: superoldcake    時間: 8-3-2011 10:39

引用:
原帖由 bs00001 於 8-3-2011 03:49 發表   巳63歲?!嘩!呢個阿伯..... 真係好佩服佢嘅魄力!   原來大仔阿一擔任導演要職!相信兩仔爺工作時溝通會更好! 第3仔又係對台撈埋主角? 哈哈, 老豆帶歇埋兩個仔係特攝行業搵食,重要食埋對台d薪 ...

 

話時話, 円谷 浩曾在超人Tiga 49集初會超人中, 飾演他父親円谷 一, 當時佢32歲, 但幾年後肝功能衰竭走左

作者: bs00001    時間: 8-3-2011 18:16

引用:
原帖由 superoldcake 於 8-3-2011 10:30 發表   

Bs00001餅友您好 :

 

誠如你所提及, 依家既特攝片係為商品市場主導而存在, 以後有無人提唔重要, 最緊要依一刻d貨有去路,

 

好唔好睇? 我相信 out of their topic喇

 

總之現時要我比$買, 我一定No !!!  睇下youtube 就會

 

同意,而家蘿蔔頭個一邊,一整條產業鏈環環相扣,玩具周邊產品不斷輸出國外,決定有乜差錯,模型玩具廠可以立即摺埋....以致近年來商業味行先....真係無計...

 

即使out of their topic,我都要趁機發一發火,話一吓曾經係至愛嘅懵面超人兄弟啦...哈哈!

 

其實我都好少買....除非真係好喜歡好喜歡,外形又好精美個D先會買 .....以致十年來都無三四件 .....所以嚴格嚟講,我唔係蘿蔔頭D目標好水魚......(大家千萬唔好學我,否則小日本個一邊D超人同特攝人才玩具人才真係會餓Q死哂 ,到時大家又睇少好多特攝片啦.....有閒錢時,應買則買!!哈哈!  )

作者: bs00001    時間: 8-3-2011 18:34

引用:
原帖由 superoldcake 於 8-3-2011 10:39 發表   話時話, 圓谷 浩曾在超人Tiga 49集初會超人中, 飾演佢阿爺圓谷 英二, 當時佢應該32歲,   但你留意下, 佢係唔正常咁瘦法, 個樣幾殘下, 幾年後仲掛理

 

可能係肝Cancer? 肝一有事,真係好快收工...

 

真人真事:我曾有一舊同事,星期五因急性肝病入院,星期一立即魂歸天國!! 平時行山,運動....行得走得好地地..

 

(奉勸大家有閒錢時,真係要買D補品食吓:例如平平地嘅杞菊地黃丸....年紀大啦, 趁無事時要好好保養!!總好過身體出事後,要被迫使一大筆醫藥費!!重大鑊!!!!更加唔知有無得回復強健體魄......)

 

 

唔....下次真係要落足眼力!!!!!!!!多謝兄台提醒!!! 

作者: superoldcake    時間: 9-3-2011 10:26

引用:
原帖由 bs00001 於 8-3-2011 18:34 發表   可能係肝Cancer? 肝一有事,真係好快收工...   真人真事:我曾有一舊同事,星期五因急性肝病入院,星期一立即魂歸天國!! 平時行山,運動....行得走得好地地..   (奉勸大家有閒錢時,真係要買D補 ...

 

bs00001餅友 , 您亦太客氣了, 人健康比任何都重要，希望大家都可以富貴安康, 享受人生

作者: bs00001    時間: 9-3-2011 13:57

引用:
原帖由 superoldcake 於 9-3-2011 10:26 發表   bs00001餅友 , 您亦太客氣了, 人健康比任何都重要，希望大家都可以富貴安康, 享受人生

 

客氣客氣! 無健康,乜都唔駛玩!!為自己,為家人,運動加平平地嘅適量補品不可少!!共勉之!!





歡迎光臨 經典日本特撮●動畫●卡通回憶 (http://oldcake.net/) Powered by Discuz! 6.0.0