經典日本特撮●動畫●卡通回憶

其實呢套片拍得好好,只可惜揀到張英做主角真差勁,文戲無問題,但係揸起把劍時,白燕仲好過佢,但也造了一個獨一無二 o既金毛獅王 -- 石堅.

呵呵! 又多一個武俠長片迷!

liew_freddy 兄下次可以去下面個頁面交流吓!

呢套戲奇實有三集, 可惜尾兩集近年已没有重播或出碟, 母帶可能已隨當年亞視大火被銷毁!

呢集只系個故事開頭, 我同意money兄咁講, 白燕同石堅做得好好! 張瑛的張翠山書卷味是夠了, 可惜大柔弱了一點. 最尾六大派逼死張翠山一幕夠逼力及戲味, 張無忌指住六大派話會記住佢地個樣一幕, 當年睇到我有d心酸!

1963年5月先後上映了上．下（即第一及第二）兩集：導演是張瑛

主要演員：石堅（謝遜），白燕（殷素素），張瑛（張翠山），楊茜（即彈劍江湖中的無為仙子，飾演張翠山小師妹），梁家寶（長無忌）

第一集主要講殷素素傷人奪刀，以蚊鬚針讓成龍門鏢局血案，揚刀大會金毛獅王中途殺出，終帶走張殷二人，撮成好事，數年後二人回山，俞岱岩認出殷素素為當年兇手，幾經波折，素誕下無忌，與張翠山重口孤島與謝遜一齊避世．

第二集，無忌漸長，各派限令武當交出張殷二人，張小師妺四出訪尋，終尋得三人回山，途中無忌給元兵擄去，張殷二人先回武當，卻遭逼殺，其時由小師妺救回的無忌指着六派起誓，他日定報此仇．

考考大家，呢套戲是徵得金庸同意才開拍的，而且當中對部份情節作了改動！明顯處有兩個，是那兩處呢？

各位長片迷，武俠迷又知唔知呢？

其中一處上文已經有貼士！

主要演員：李鵬飛（圓真），容玉意（滅絶師太），林家聲（張無忌），陳好逑（趙明），陳寶珠（周芷若）

目前電視有重播的只得第一及第二集，第三及第四集就連影都無！

呢個都系

, 但系唔算最明顯, 最明顯系......你留意吓謝遜啦!

遲下開估!

第三集林家聲演張無忌的在麗的睇過一次,等極都無播過第四集,真失望

,聽講電影資料館有第三集, o吾知有冇第四集.

第三集主角係林家聲,當然比張英強 o拉,即係 = 你睇武林聖火令一樣,順眼好多,至於改動原著多少,記不清了.

但系陳好逑做趙明就........

佢唔系唔好, 系個角色唔啱佢做啫!

林家聲o既武林聖火令系好睇, 但系我覺得聖火雄風重好睇D wor!

六三年,林家聲 (原男主角) 拍了一套武俠電影《奪魂旗》,劇本送來時與原著差不多,但電影拍竣後,就發覺共拍了上下集的菲林,被刪剪成二小時不夠。

原來導演 (馮志剛) 借林家聲之名,希望捧紅另一演員(書呆註:疑是石堅?),臨時修改了劇本,加插了其他戲場,於是主角(林家聲)遂成配角,辛辛苦苦拍成的拷貝,不見天日,不單欺騙演員,還欺騙了觀眾。本來戲份多少並不重要,但受騙的感覺絕不好受,為免再重蹈覆轍,此後他(林家聲)就婉拒接拍由馮志剛執導的電影。…

武林聖火令，一出鬼神驚！能平天下亂，能使世不寧！

武林聖火令的電影系列共有五集：

原著為東南亞電台聯播武俠小說；作者為金鋒．各集故事內容另帖介紹．

7.1.1965 武林聖火令上集 (已出DVD)
13.1.1965 武林聖火令下集大結局 (已出DVD)
15.1.1966 聖火雄風上集 (我有錄影！）
22.6.1966 聖火雄風下集大結局(我有錄影！）
14.2.1967 聖火雄風大破火蓮陣 (已出DVD)

各集主要演員及幕後工作人員

武林聖火令上集．武林聖火令下集大結局

導演：簫笙；武指：關正良

主要演員：

尹天仇：林家聲

杜鵑兒：陳好逑

段雲秀：陳寶珠

尹丹鳳：李紅

幽冥鬼叟：鄭君綿

江南半怪：檸檬

靜音師太：唐若青

峨嵋三鳯大師姐：李香琴

金蛇童子：柳青

毒蛇聖君：周吉

聖火雄風上集．聖火雄風下集大結局．聖火雄風大破火蓮陣

導演：簫笙；武指：唐佳及劉家良；特技設計：盧寄萍

主要演員：

尹天仇：陳寶珠

杜鵑兒：蕭芳芳

段雲秀：吳千楓

尹丹鳳：李紅

幽冥鬼叟：鄭君綿

江南一怪：檸檬

丐邦邦主：石堅

靜音師太：容玉意

火蓮聖母：羅蘭

波斯聖火五使（金令使者）：丁鳳

金蛇童子：柳青

毒蛇聖君：周吉

武林聖火令第一．二集

聖火令中的武功：

幽冥鬼傁：鬼影迷踪；鬼聲鬼氣（音波功）；冤鬼纏身（輕功）

江南半／一怪：化功罡氣

波斯聖火五使：五行聖火令（金木水火土）；金使者還會使用金鐵交鳴（小竪琴）發出音波功，專迷惑男子，只要奏足七日七夜，便可使該男子永為奴隸，不過對女子無作用

聖火令武功（載於陽令）：血魂／雲掌（尹天仇絶技）；乾天指（需將全身功力集於指尖方可練成，尹天仇初練毫無進展，杜鵑兒因曾為毒蛇所傷，能以毒催功，成功將功力集於指尖，故最終只得她練成乾天指）

聖火令武功（載於陰令）：五陰爪, 必須由資質極高的童貞之女在十八歳之前修練，方可有成．尹丹鳳在靜音師太指導下苦練成功．

聖火雄風大破火蓮陣主題曲：（眾主角合唱）作曲．作詞（簫笙）

聖火雄風，攝服群雄；

武林英傑，刀劍盡封；

聖火雄風，萬民稱／歌頌；

用於善則福呀！相處樂螎螎！

聖火雄風及聖火雄風大破火蓮陣

無綫曾在１９８４年翻拍武林聖火令，於歡樂今宵時段播放．

主要演員如下：

尹天仇：惠天賜

任依依：趙雅芝

駱雲秀：董瑋

尹丹鳳：戚美珍

天竺二使：廖安麗；廖啓智

天竺魔教教主：朱鐵和

逍遙仙子（神鵰大俠及小龍女後人）：余綺霞

幽冥鬼叟：盧海鵬

遙池笑怪：林建明

六絶師太：李琳琳

巨鯨邦邦主：譚炳文

綠袍老祖：羅蘭

尹青松夫婦：夏雨；關菊英

而奪魂旗上下集是1963年5月上演的, 套片是根據台灣武俠小說家諸葛青雲的同名小說改篇. 導演是憑志剛. 主要演員有楊振聲, 李鳳聲, 鄧碧雲, 蕭芳芳, 石堅, 林家聲及袁小田等人. 故事講述乾坤五絶之一的奪魂旗退隠多年, 九毒書生姬天缺想獨霸武林, 扮作奪魂旗四出作惡, 殺了羅刹教門人常碧雲(蕭芳芳)一家, 常得教主(鄧碧雲), 上官靈(林家聲), 蒲鏗(李風聲), 丐幫幫主及真正的乾坤五絶幫助, 終將姬正法, 套戲內容雖然豐富, 但太急過場, 拍得不算太好.

其實依家電視台好少播長片, 令我都好吊癮

, 如果依家有返以前的深夜武俠劇場就好lu!

林家聲 o既武林聖火令同陳寶珠 o既聖火雄風,已經係兩個時代了,前者係打粵劇式北派,後者已是刀劍打得叮噹响了,不可同日而喻,只是各有所長.

以是我都錄低 o西,不過大破火蓮陣真係睇到幾把火,嗰三十六煞一味拖長套片.

少少咁啦! 不過呢三集真系唔錯!

下面呢幾套錢兄有冇錄低或收藏?

隨左套小五義大破銅網陣及雲海玉弓緣之外, 基本上我地d收藏品都一樣!

呢兩套系因為我麻麻地鐘意d主角, 所以無買!

徐克 o既秋官版蜀山,真係前無古人,後無來者,連佢自己都拍 o吾番.

Me too!

可惜徐克套新版"蜀山傳"就無晒的俠o既味道, 一味特技!

睇小五義大破銅網陣,係想睇朱江同譚炳文演的武俠片,但只片菲林爛得七零八落 (並非指爛片).

徐先翻拍蜀山傳時太過投機,用 o西當紅明星,再加上電腦特技,注定失敗.

有小道消息話,亞記將全部粵語長片送 o西比電影資料館,所以亞完以後無粵語長片播.

须然系商業電视台,但都有公共廣播責任,ATV依家老板全部NOW佬,想你地講好煲冬瓜

學好煲冬瓜都唔係壞事,但係取代唔到廣東話(或叫廣府話/白話).

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用: