慳家師奶掃平餸 80元填5口

【明報專訊】師奶的買餸籃是慳家錦囊，內藏抗通脹智慧。隨草根師奶阿萍掃平貨，「深水埗賣的，全港最平」。嘩，瘦肉每斤20元，菜心兩斤7元，魚毛每盤10元，好平啊。但睇真點，肉是凍的，菜葉不夠嫩綠，魚已死。阿萍說，這些平餸近日都無因通脹加價，「好抵，要平就無得揀」。因為窮，所以無得揀，阿萍向大家示範，如何以80元填飽一家五口。

阿萍一家五口月入1萬元，「就靠我老公做廚師，供養我和3個細路」。由於家庭月入少於1.45萬元、沒有房產及以每月3000元租住長沙灣600方呎單位，初步符合申領政府剛公布的鼓勵就業交通津貼計劃，「如果每月有多600元津貼，買餸可以鬆手些」。

「我雖然窮，但對生活有要求。食物要健康，罐頭、鹹魚都唔會買。」阿萍亦不會講價﹕「你估賣菜婆又好有錢？」她是深水埗買平餸地膽，舖頭邊間平邊間貴她心中有數。

早上9時，我們隨阿萍游走深水埗桂林街與北河街一帶「巡視業務」，她看準目標出擊，首站來到有個大喇叭的肉檔﹕「平平平，新鮮豬肉大特價。」瘦肉每斤20元，比鄰檔平4元，阿萍買後跟記者道﹕「你看，這塊肉凍的，我懷疑過係走私豬肉，但我食過多次都無事，唔怕。」

死魚大陸菜 「食落口差別不大」

下一站買青菜，上樓到市政大廈，阿萍先帶記者到專賣新界菜的檔攤，「菜心每斤10元，太貴唔買」。然後她轉到另一邊，菜心變成7元兩斤，西洋菜每紮3元，「大陸菜，唔夠新界菜鮮嫩，但我覺得食落口差別不大」。

然後是10元一盤死魚，「煲西洋菜湯」。急凍雞翼兩磅26元，「鮮肉無錢食，牛肉、排骨、豬月+展、雞等都買唔起」。菠蘿包5元4個，「全港最平，貴一點的叉燒包都唔捨得買」。

穿梭深水埗街市 騎單車出旺角    

掃貨完畢，阿萍的晚餐餐單變成﹕「蒸瘦肉、炒菜心、瑞士    汁雞翼、西洋菜魚湯，埋單80元，即每人平均開支16.2元。」

「我甚少去超級市場買食物，日用品要看準減價，平時只會幫襯藥房。」阿萍嗜逛超市，大部分時間都「只看不買」，遇上大特價就會立即電召師奶友好﹕「快來入貨。」

買鮮魚，阿萍會踏單車到旺角，只為節省幾塊，「米、雞蛋、油、生粉，加價很多，但避無可避」。

阿萍是新移民    婦女，眼見深水埗的老人黃昏走到菜檔執垃圾堆中的菜，她都心酸﹕「我唔會同阿婆爭，我仲畀得起錢。」阿萍絞盡腦汁運用師奶智慧，慳得一毛得一毛，她拿環保袋勒緊褲頭穿梭深水埗，與中環    名店豪擲千金的闊太，是維港兩岸兩幅對照強烈的風景。

（系列之五．完）

明報記者 盧曼思

看後令我想起...

這裡是個小小世界, 住着一群人, 來自江湖四海 , 彼此非故非親。 互有相同, 大家是窮人, 起早歸晚忙紛紛, 亦有不同處、有人捱得清貧, 有人捱不得窮困。

這裡是個小小世界, 住著一群人, 同在追求理想, 有愛恨有苦甘。 共處小舟裡, 大海浮沉, 多少風雨來相侵, 在小天地裡, 致力求生存, 共同渡過艱困。