經典日本特撮●動畫●卡通回憶

標題: 楊盼盼 [打印本頁]

作者: hongkongman 時間: 16-4-2010 13:32 標題: 楊盼盼

東方日報 2010年4月9 日

楊盼盼瞓晒身培育打星:

外形硬朗的楊盼盼，做事與外表一樣實幹，用了短短三個月時間，創立首間「Hit Hut電影動作訓練‧創作室」，銳意培訓新一代動作電影人，開幕日群星力撐，好打之人洪金寶、吳建豪送上賀詞，為「楊盼盼」這個金漆招牌，打響頭炮。

楊盼盼九歲入行，縱橫演藝界四十年，做事執着，當年為台慶表演節目，可以瞓身不眠不休；為電影，全情投入，不問收穫，由場景、演員到梳頭化妝，都參與其中，令一班圈中好友無不折服其毅力與堅持。

早前，盼盼創辦了「Hit Hut電影動作訓練‧創作室」，培訓新一代動作演員及幕後，好友們如鄭少秋、元華、元秋，甚至當時正忙於籌辦尹志強追思會的米雪，都抽空出席，洪金寶、吳建豪等則錄下賀詞祝賀

幕後精英任導師

盼盼於短短三個月時間，搵了一個開揚、設備齊全的「道場」（練習功夫的地方），該「道場」特色之處，便是設有電動威吔，可以讓學員練習動作之餘，亦可以實習吊威吔，不是一般普通動作訓練場所可相比。

導師方面，盼盼一直都有班精英幫手拍攝電影及製作大型廣告，他們最少都有十多年拍電影的經驗，如武指張文傑、動作教練陳俊峰、姜錦駒等，由這班熟悉電影行業的電影人來擔任導師，再加上入行三十多年的葉永健導演負責策劃，令課程更加適合動作電影的需求。

葉永健剛拍畢一部西片，現正籌拍另一部德國電影，但他仍花了不少時間與心思，跟盼盼及導師們設計一系列課程，「動作電影訓練」課程由「Level 1」至「Level 4」，教導學員自由動作、腿法、拳法、威吔動作及「Point Of View」等，學員完成課程後，更可由導師們輔助及發掘下，選出適合自己的形象及一套武打動作，並拍攝成一分鐘的短片，作為畢業證書，之後，盼盼亦會盡量安排工作給表現優秀的學員。

楊盼盼的訓練創作室開幕，獲好友米雪支持。

愛電影不惜一切楊盼盼熱愛電影，耗盡一生積蓄成立創作室，培訓新一代動作電影人。

盼盼不諱言今次用了畢生積蓄來搞創作室，希望為香港培訓新一代專業動作人才，令香港武打動作能夠繼續在全世界發光發亮，雖然志向遠大，但搞「培訓」絕不會是一門輕易回本的生意，問盼盼何解如此「瞓身」？她笑一笑回應：「我真係好鍾意電影。」

文：影視組

作者: hongkongman 時間: 20-4-2010 01:08

見到(楊盼盼)便想起以前TVB的台慶,必定有盼盼的危險助慶表演演出,真的少的實力,訓練,技術和胆量也不肯........

作者: hongkongman 時間: 20-4-2010 01:10

盼盼以前少女的裝扮也不錯,看來絕不似打女一名.......且都幾吸引吧!

作者: foureyesfatboy 時間: 20-4-2010 01:11

引用:

原帖由 hongkongman 於 20-4-2010 01:08 發表見到(楊盼盼)便想起以前TVB的台慶,必定有盼盼的危險助慶表演演出,真的少的實力,訓練,技術和胆量也不肯........

唔知 HKMAN 記唔記得佢當年同 K100 雜誌拍了 D 相, 她穿了套陸軍軍裝...好有型同正.

同我好喜歡佢把聲...

作者: hongkongman 時間: 20-4-2010 01:19

引用:

原帖由 foureyesfatboy 於 20-4-2010 01:11 發表唔知 HKMAN 記唔記得佢當年同 K100 雜誌拍了 D 相, 好穿了套陸軍軍裝...好有型同正. 同我好喜歡佢把聲...

有印象,可能仲有個本K-100在家呢!要搵一搵先......四兄記不記得她在(倚天屠龍記)的角色呵?......劇集裡她的老公是(黃允財)飾演的.

作者: 虎榮 時間: 20-4-2010 01:24

引用:

原帖由 hongkongman 於 20-4-2010 01:19 發表有印象,可能仲有個本K-100在家呢!要搵一搵先......四兄記不記得她在(倚天屠龍記)的角色呵?......劇集裡她的老公是(黃允財)飾演的.

好易答！留返俾四哥開古！　

作者: foureyesfatboy 時間: 20-4-2010 01:27

引用:

原帖由虎榮於 20-4-2010 01:24 發表好易答！留返俾四哥開古！　

不悔妹妹....?

作者: hongkongman 時間: 20-4-2010 01:34

引用:

原帖由 foureyesfatboy 於 20-4-2010 01:27 發表不悔妹妹....?

但好像(不悔)死後她的女兒長大後,她的外貌又是和不悔一模一樣......楊盼盼又有得繼續做........

作者: foureyesfatboy 時間: 20-4-2010 01:37

引用:

原帖由 hongkongman 於 20-4-2010 01:34 發表但好像(不悔)死後她的女兒長大後,她的外貌又是和不悔一模一樣......楊盼盼又有得繼續做........

不悔是...女. 佢啊媽叫紀XX.... 都好似係佢做.

作者: hongkongman 時間: 20-4-2010 01:50

引用:

原帖由 foureyesfatboy 於 20-4-2010 01:37 發表不悔是...女. 佢啊媽叫紀XX.... 都好似係佢做.

冇錯,四哥真好記性,是我弄錯了,好像用不悔的名字是因為她的母親(紀XX)而改的....

作者: foureyesfatboy 時間: 20-4-2010 02:02

引用:

原帖由 hongkongman 於 20-4-2010 01:50 發表冇錯,四哥真好記性,是我弄錯了,好像用不悔的名字是因為她的母親(紀XX)而改的....

虎兄一定記得....等佢講比我地知叫紀 xx.... 我已經記得番....

作者: hongkongman 時間: 20-4-2010 02:07

引用:

原帖由 foureyesfatboy 於 20-4-2010 02:02 發表虎兄一定記得....等佢講比我地知叫紀 xx.... 我已經記得番....

曉芙?

作者: foureyesfatboy 時間: 20-4-2010 02:14

引用:

原帖由 hongkongman 於 20-4-2010 02:07 發表曉芙?

虎兄你話....arm 唔 arm...我無 lala 失憶 tim. 黃充財....殷xx???? 第五定第六???

作者: 虎榮 時間: 20-4-2010 03:55

引用:

原帖由 hongkongman 於 20-4-2010 02:07 發表曉芙?

引用:

原帖由 foureyesfatboy 於 20-4-2010 02:14 發表虎兄你話....arm 唔 arm...我無 lala 失憶 tim. 黃充財....殷xx???? 第五定第六???

簡單Ｄ講，系滅絶師太女弟子紀曉芙同光明左使楊逍有路，生左個女無後悔，所以改佢個名叫楊不悔！　後來個女又嫁左俾佢以前個未婚夫殷六俠咁ＬＯＲ！

作者: foureyesfatboy 時間: 20-4-2010 06:54

引用:

原帖由虎榮於 20-4-2010 03:55 發表簡單Ｄ講，系滅絶師太女弟子紀曉芙同光明左使楊逍有路，生左個女無後悔，所以改佢個名叫楊不悔！　後來個女又嫁左俾佢以前個未婚夫殷六俠咁ＬＯＲ！

光明左使邊個做?

作者: 虎榮 時間: 22-4-2010 00:41

引用:

原帖由 foureyesfatboy 於 20-4-2010 06:54 發表光明左使邊個做?

嘩四哥你個新髮形好飄逸吓wor!

當年光明左使是黃允才, 演殷梨亭的是林偉圖.

作者: 無名 時間: 10-5-2010 19:54

楊盼盼前幾靚女，不過粵語發音不太正，「懶」音嚴重，所以不能大紅。

作者: 叮噹 時間: 10-5-2010 20:00

引用:

原帖由無名於 10-5-2010 19:54 發表楊盼盼前幾靚女，不過粵語發音不太正，「懶」音嚴重，所以不能大紅。

米雪年紀好似大過楊盼盼 ? 點解楊盼盼老咁多既

楊盼盼最記得佢演既穆念慈超正

作者: 無名 時間: 10-5-2010 20:08

引用:

原帖由叮噹於 10-5-2010 20:00 發表米雪年紀好似大過楊盼盼 ? 點解楊盼盼老咁多既楊盼盼最記得佢演既穆念慈超正

係囉，我都覺得佢老得好快(從照片睇嚟)......... 我都鍾意佢演嘅穆念慈

作者: 虎榮 時間: 13-5-2010 01:30

引用:

原帖由叮噹於 10-5-2010 20:00 發表米雪年紀好似大過楊盼盼 ? 點解楊盼盼老咁多既楊盼盼最記得佢演既穆念慈超正

超人兄話米雪有練氣功架!

作者: 叮噹 時間: 13-5-2010 01:41

引用:

原帖由虎榮於 13-5-2010 01:30 發表超人兄話米雪有練氣功架!

講起氣功, 電視新聞曾經報導有得學易筯經

作者: 虎榮 時間: 13-5-2010 01:49

引用:

原帖由叮噹於 13-5-2010 01:41 發表講起氣功, 電視新聞曾經報導有得學易筯經

Of course, 我有個女同事為左養顏, 拜左個少林師傅, 天天練緊!

作者: 叮噹 時間: 13-5-2010 01:51

引用:

原帖由虎榮於 13-5-2010 01:49 發表 Of course, 我有個女同事為左養顏, 拜左個少林師傅, 天天練緊!

我都幾有興趣, 易筯經喎. 任盈盈要困係少林十年為條件, 少林掌門先肯教令狐沖

睇得武俠小說多, 對易筯經好有憧憬

作者: 虎榮 時間: 13-5-2010 01:56

引用:

原帖由叮噹於 13-5-2010 01:51 發表我都幾有興趣, 易筯經喎. 任盈盈要困係少林十年為條件, 少林掌門先肯教令狐沖睇得武俠小說多, 對易筯經好有憧憬

我見佢本秘笈同yoga或且柔軟體操無甚分別! 不過好似有少少氣功口訣的!

歡迎光臨經典日本特撮●動畫●卡通回憶 (http://oldcake.net/)

幕後精英任導師

愛電影不惜一切 楊盼盼熱愛電影，耗盡一生積蓄成立創作室，培訓新一代動作電影人。

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

引用:

愛電影不惜一切楊盼盼熱愛電影，耗盡一生積蓄成立創作室，培訓新一代動作電影人。