Board logo

標題: 能擋火箭炮 英研隱形防護罩 [打印本頁]
作者: LouisLee    時間: 22-3-2010 21:42     標題: 能擋火箭炮 英研隱形防護罩

http://hk.news.yahoo.com/article/100321/4/h49d.html

 

 

(明報)2010年3月22日 星期一 05:10

 

【明報專訊】科幻片中的無形保護罩，或將不再是幻想。英國《星期日電訊報》報道，英國軍方科學家正在研究用電能脈衝產生隱形防護罩，幫坦克與裝甲車擋開來襲的火箭與炸彈。

 

英國國防部轄下的國防科技實驗室（Dstl）專家相信，可以將稱為超級電容器（supercapacitor）的物料，與軍車的裝甲結合起來，令它儼然變成某種「巨型電池」，一旦偵察到有炮火來犯，儲存在超級電容器的能量可以迅速傳導至金屬外殼，產生強力電磁場，雖然它僅能維持幾分之一秒，但如果時機把握得當，它就能阻擋火箭炮攻擊。超級電容器接著可以迅速充電，以應付另一次攻擊。

 

Dstl 裝甲和防禦科學技術中心負責人詹姆斯（Bryn James）表示，這種電子裝甲將可大大減輕軍車與坦克的重量。他說﹕「傳統的裝甲不過是一堆金屬，但是一枚火箭炮就能射穿逾1呎厚的鋼板。要用足夠裝甲抵禦攻擊，重量相當可觀。電子裝甲真正的優勢，在於它相比下輕得多。」他指出，這種防護罩並不需要很多電力，「實際上，我們發現它需要的電力少得令人驚訝」。

 

榴彈火箭炮是一般坦克和軍車的剋星，一大原因是當擊中目標時，彈頭會在撞擊高溫下迸射出熔成液態的「銅液」，足以貫穿一般裝甲。

 

另研電子裝甲「蒸發」彈頭

 

Dstl 的專家上周向英國國防部提出了研製力場防護罩的計劃，他們目前亦在跟進另一種電子裝甲技術，後者由多層有電流的金屬組成，當火箭炮彈頭擊穿外層時，便會令整個電子裝甲形成一個完整電路，並在不同金屬層之間產生巨大電磁場，把彈頭迸射出的銅液蒸發掉，避免炮彈擊穿裝甲車內殼。

 

星期日電訊報/中央社

作者: LouisLee    時間: 22-3-2010 21:43

《空想科學讀本》作者衰咗喇!!!

 

 

 

只要有空想, 凡事可成真!!!

作者: 超音    時間: 22-3-2010 22:07

今日看報紙都有睇到,

真的同意空想科學讀本作者"完全"衰咗

睇嚟鐵甲萬能俠已不是太遠的夢了.

作者: 超人兄弟    時間: 22-3-2010 22:21

想像得到就有可能做得到!!
作者: LouisLee    時間: 23-3-2010 03:49

引用:
原帖由 超音 於 22-3-2010 22:07 發表 今日看報紙都有睇到, 真的同意空想科學讀本作者"完全"衰咗睇嚟鐵甲萬能俠已不是太遠的夢了.

 

要造個鐵甲萬能俠出嚟技術上應該做得到, 問題係實用性, 打起杖上嚟未必好得過一架「實驗者一號」或者一架「鳳凰號」, 幾十米高嘅巨人目標咁大好易俾敵人「蟻多褸死象」, 當年日本就係衰在將 D 鋼鐵造大戰艦, 如果用 D 料嚟做戰機, 可能冇咁快打輸!!!

作者: Athena    時間: 23-3-2010 19:34

三十幾年前飛鷹俠的通訊手表和變身重有光學迷彩隱身斗逢咪同樣係幻想,而家, 手表型電話我都買咗一個啦。隱身斗蓬快將成功, 變身呢件事自從有咗納米技術後, 就已經有咗可能性。

回想一下現在的阿蓋達, 同雷電幫(綠魔黨)根本同一個樣, 一樣係借用全能主宰之名做恐怖襲擊之事。

如果可能,我真係好想有一隊飛鷹俠出現, 打抵拉登還真正回教朋友一個公道。

作者: 超音    時間: 23-3-2010 20:46

引用:
原帖由 LouisLee 於 23-3-2010 03:49 發表   要造個鐵甲萬能俠出嚟技術上應該做得到, 問題係實用性, 打起杖上嚟未必好得過一架「實驗者一號」或者一架「鳳凰號」, 幾十米高嘅巨人目標咁大好易俾敵人「蟻多褸死象」, 當年日本就係衰 ...
有一段時間沒與你意見分歧了,這裡要討論另一個問題.

二戰日軍並不是不清楚空母及戰機的重要性,而是在決定性一擊上看錯了.

當年日軍的軍略構想,是用空母及戰機作支援,一旦找到對方艦隻,就用戰艦的巨砲擊之.

但在開戰後他們已明白以上構想行不通,故已加強在製造空母及戰機上.

 

日本海上失利的其中一個原因,是他們把一半資源投入了陸軍上.

實際上日本在海軍及空軍的資源投入並不少,但美國的生產力實在太大了.

作者: Kal-El    時間: 25-3-2010 18:38

引用:
原帖由 LouisLee 於 23-3-2010 03:49 發表   要造個鐵甲萬能俠出嚟技術上應該做得到, 問題係實用性, 打起杖上嚟未必好得過一架「實驗者一號」或者一架「鳳凰號」, 幾十米高嘅巨人目標咁大好易俾敵人「蟻多褸死象」, 當年日本就係衰 ...


冇錯, 至於比例大少而令機械人結構不合理的問題, 我想如果可以有更堅固的合金去承受更大的重量, 這樣, 要做一個與設定中萬能俠一樣比例的真正機械人, 也是有可能的
作者: LouisLee    時間: 14-4-2010 12:23

引用:
原帖由 Kal-El 於 25-3-2010 18:38 發表 冇錯, 至於比例大少而令機械人結構不合理的問題, 我想如果可以有更堅固的合金去承受更大的重量, 這樣, 要做一個與設定中萬能俠一樣比例的真正機械人, 也是有可能的

 

要造個幾十米高, 真正戰鬥用嘅萬能俠, 理論上、實際上都應該可行, 問題係咁大投資是否實用, 人型機器喺真正戰鬥之中係咪真係好得過戰機???

作者: Kal-El    時間: 14-4-2010 13:49

引用:
原帖由 LouisLee 於 14-4-2010 12:23 發表   要造個幾十米高, 真正戰鬥用嘅萬能俠, 理論上、實際上都應該可行, 問題係咁大投資是否實用, 人型機器喺真正戰鬥之中係咪真係好得過戰機???


我就覺得唔係咁實用, 反而, 如果可以研制出ufo咁上下的飛行物體, 有不規則移動同快速消失的能力, 肯定會實用過機械人, 所以, 大家一齊研究ufo就好了
作者: 拾實什習窄炸集    時間: 22-12-2010 22:23

引用:
原帖由 Kal-El 於 14-4-2010 13:49 發表 我就覺得唔係咁實用, 反而, 如果可以研制出ufo咁上下的飛行物體, 有不規則移動同快速消失的能力, 肯定會實用過機械人, 所以, 大家一齊研究ufo就好了

 

三一萬能俠就比較難

作者: 幻之聖騎士    時間: 8-2-2011 16:04

其實空想科學只係以現時科學去解釋未來科學啫，唔可以話完全唔得既，其中一個比較好同已實現既係超時空要塞囉。

 

如果大家有印象，MACROSS中MINMAY有一幕係度睇相，個D相係會係個相框中一張一張咁顯示既，根本就係而家既電子相架，當過多若干年後，好多已家認為無可能既事，都可以發生啦。

作者: 拾實什習窄炸集    時間: 8-2-2011 16:13

引用:
原帖由 幻之聖騎士 於 8-2-2011 16:04 發表 其實空想科學只係以現時科學去解釋未來科學啫，唔可以話完全唔得既，其中一個比較好同已實現既係超時空要塞囉。   如果大家有印象，MACROSS中MINMAY有一幕係度睇相，個D相係會係個相框中一張一張咁顯示 ...
  基本上材料和燃料 fuel/engery 的問題. 只要在造兩方面突破就可以. 實不實用係另一個問題.
作者: East    時間: 9-2-2011 14:29

引用:
原帖由 拾實什習窄炸集 於 8-2-2011 16:13 發表   基本上材料和燃料 fuel/engery 的問題. 只要在造兩方面突破就可以. 實不實用係另一個問題.

 

我同意在實用性上巨大機械人是不值得造。

反而等身大機械人或機械獸, 甚至強化服都更實際。

 

 

作者: 幻之聖騎士    時間: 9-2-2011 18:32

引用:
原帖由 East 於 9-2-2011 14:29 發表   我同意在實用性上巨大機械人是不值得造。反而等身大機械人或機械獸, 甚至強化服都更實際。    

 

點解機械獸會實際過巨大機械人?

 

唔係同TYPE既嘢咩? 

作者: East    時間: 10-2-2011 00:00

引用:
原帖由 幻之聖騎士 於 9-2-2011 18:32 發表   點解機械獸會實際過巨大機械人?   唔係同TYPE既嘢咩? 

 

機械獸 是指非人形, 非直立式 ROBOT!!

多腳蜘蛛形, 或四腳爬爬的狗形, 在移動速度, 平穩性,

負重量和撘載量都遠勝於直立式 人形 ROBOT!!

 

不過, 製造人形ROBOT是人類的潛在慾望!

所以, 一定會有人願意繼續開發!!





歡迎光臨 經典日本特撮●動畫●卡通回憶 (http://oldcake.net/) Powered by Discuz! 6.0.0