早前係某壇有網友認為舊時嘅歌詞好過家陣好多, 大致上啱, 七十後, 九十前嘅中文歌好詞固然唔少, 但係亦有好多係敗筆連篇, 以下係幾個正面與反面教材:

劣詞:


「誓要將我苦難化為悲憤」呢句就夠晒九唔搭八, 但係霑叔唔知點解到死嗰日都唔肯改??? 我暫且將佢改為「誓要衝破苦難, 解除厄困」。

「別離容易見就難」(霑叔), 「見就難」刺耳之極, 成首歌嘅意境就衰喺第一句手上!!!

「踏著前路兩家互守望, 不必要怕路長」(鄭國江), 個「要」字完全係畫蛇添足, 作文寫成咁肯定俾先生扣分, 改為「不必怕路長」,「必」字唱兩個音就掂晒!!!

「只盼若能夢中會, 難捨分飛心未變」(許冠英),「只盼若能夢中會」解唔通, 扮文藝但係又唔夠功力, 改為「只盼夜闌夢中會」還勉强可以接受。


佳句:

「明日對花憶卿面」(Sam Hui), 以花比人, 冧死女!!!

「天造之材, 皆有其用」(Sam Hui) 就將「天生我材必有用」改寫得好靚!!!

「花依舊玉人杳」(Sam Hui) 出自「人面不知何處去, 桃花依舊笑春風」, 又係絕妙嘅改寫!!!

「湖海洗我胸襟, 河山飄我影踪」(霑叔), 夠豪氣夠詩意!!!

歡迎各位餅友討論分享。

呢首係霑叔嘅上上之作!!! 

呢首肯定係近二十年來最精彩嘅粤語歌詞:



滄海一聲笑　滔滔兩岸潮
浮沉隨浪只記今朝

蒼天笑　紛紛世上潮
誰負誰勝出天知曉

江山笑　煙雨遙
濤浪淘盡紅塵俗世幾多嬌

清風笑　竟惹寂寥
豪情還賸了一襟晚照

蒼生笑　不再寂寥
豪情仍在痴痴笑笑　啦.....

 好似有首歌叫 "一塊蛋治"

"不要著燈 能否先跟我　摸黑　吻一吻 如果我　露出了真身　可會被抱緊" ...... 你明唔明佢想講乜嗎?

都明嘅, 即係話個女主塊面搽咗幾尺厚批盪, 上圍裝假狗, 真身嚇死人, 要摸黑嚟至得囉!!!

  咁講法上下都可以假.....

我本人對香港一個黃姓無頭髮的填詞人十分之不欣賞......  佢講野做戲我都唔知佢想做乜....