Board logo

標題: 陳惠敏 [打印本頁]
作者: hongkongman    時間: 22-1-2009 03:36     標題: 陳惠敏

陳惠敏 採訪 (社團 但主持冇料到. 什麼都不知道
作者: hongkongman    時間: 10-4-2009 13:38

陳惠敏 接受訪問 講述擂台和拍戲迭事.
作者: ar_woo    時間: 11-4-2009 12:26

引用:
原帖由 hongkongman 於 10-4-2009 13:38 發表 陳惠敏 接受訪問 講述擂台和拍戲迭事.http://i688.photobucket.com/albums/vv243/hongkongman1/th_netv77com2.jpg

 

I remember he drove an Alfa Romeo and had some traffic accidents...

作者: hongkongman    時間: 16-4-2009 16:03

引用:
原帖由 ar_woo 於 11-4-2009 12:26 發表   I remember he drove an Alfa Romeo and had some traffic accidents...
   阿胡兄,你冇記錯.好記性.好好野..... 那讓你知道他更多一此吧.惑者你已知道更多吧.自從他和新藤惠美拍了一部港產片(狂情)後.他們便搭上了.且關係維持了二,三年左右.是陳惠敏親自承認的.因新藤惠美和日本的山口組的關係,經她介紹後.所以陳惠敏便認識了山口組的領導人.之後他和幫會的關係更加密切了.The information is  from  Next Magazine:

原來係日本,黑社會係合法架

陳 惠 敏 與 日 本 黑 道 淵 源 甚 深 ， 故 每 趟 訪 日 ， 都 得 到 當 地 大 哥 輩 熱 情 招 呼 。黑 幫 ， 在 日 本 稱 為 「 暴 力 團 」 。
日 本 是 唯 一 承 認 黑 幫 合 法 的 國 家 ， 日 本 黑 幫 可 以 註 冊 成 為 合 法 團 體 ， 甚 至 可 以 幫 派 名 稱 開 設 公 司 或 事 務 所 ， 如 日 本 最 大 黑 幫 山 口 組 ， 其 總 部 就 設 在 神 戶 市 內 的 高 級 商 業 區 ， 而 出 入 上 址 的 山 口 組 成 員 ， 個 個 均 西 裝 筆 挺 及 帶 有 名 片 ， ○ 六 年 開 始 ， 更 引 入 有 相 片 的 職 員 證 ， 儼 如 一 般 商 業 機 構 。
不 過 當 地 幫 派 向 來 排 外 ， 外 來 人 不 容 易 得 知 其 活 動 情 況 ， 一 向 極 之 神 秘 。
影 星 陳 惠 敏 由 於 和 山 口 組 有 特 殊 的 交 情 ， 故 一 直 被 當 地 黑 幫 款 為 上 賓 ， 也 視 他 為 港 日 兩 地 江 湖 人 物 的 溝 通 橋 樑 。 本 刊 跟 隨 陳 惠 敏 ， 去 東 京 潮 拜 當 地 黑 幫 ， 一 窺 鮮 為 人 知 的 內 幕 。
作者: hongkongman    時間: 16-4-2009 16:05

黑 幫 在 日 本 更 形 成 另 類 獨 特 文 化 ， 當 地 有 不 少 黑 幫 週 刊 ， 定 期 追 蹤 和 訪 問 黑 道 人 物 。
作者: hongkongman    時間: 16-4-2009 16:08

港 日 兩 地 黑 幫 ， 最 大 的 利 益 關 係 便 是 冰 毒 。 日 本 是 全 球 最 大 冰 毒 市 場 ， 而 且 價 格 高 昂 ， 香 港 14K 便 負 責 供 應 貨 源 ， 年 來 都 保 持 合 作 關 係 。 直 至 去 年 五 月 ， 兩 地 黑 幫 因 一 宗 冰 毒 買 賣 價 格 談 判 破 裂 ， 日 本 山 口 組 於 是 向 警 方 通 風 報 信 ， 導 致 14K 一 批 運 往 日 本 的 冰 毒 被 沒 收 。 不 久 ， 日 本 《 讀 賣 新 聞 》 總 社 就 收 到 一 個 來 自 香 港 的 包 裹 ， 內 有 左 輪 手 槍 及 子 彈 ， 連 帶 兩 本 中 國 護 照 ， 用 意 是 向 日 本 山 口 組 公 開 宣 戰 。 由 廿 多 年 前 開 始 和 山 口 組 打 交 道 ， 他 幾 乎 每 年 都 會 來 日 本 與 各 幫 派 首 領 聚 頭 。
作者: hongkongman    時間: 16-4-2009 16:10

碰 上 江 湖 盛 事 ， 陳 惠 敏 有 時 會 與 日 本 幫 派 聯 名 送 上 花 牌 ， 以 顯 示 日 本 黑 道 也 尊 重 本 港 江 湖 活 動 。
作者: hongkongman    時間: 17-4-2009 00:14

一 到 東 京 ， 當 地 幫 派 便 派 出 一 班 手 下 貼 身 跟 隨 陳 惠 敏 ， 兼 且 管 接 管 送 。The information from Next Magazine.
作者: hongkongman    時間: 17-4-2009 00:15

黑 幫 破 冰 之 旅 港 日 兩 地 黑 幫 劍 拔 弩 張 之 際 ， 與 江 湖 人 馬 有 密 切 關 係 的 影 星 陳 惠 敏 ， 卻 成 了 兩 地 黑 幫 的 破 冰 人 物 。 今 年 他 已 兩 度 訪 日 ， 並 為 兩 地 江 湖 人 馬 互 傳 訊 息 ， 希 望 可 以 化 解 仇 恨 。 日 本 黑 幫 又 稱 暴 力 團 ， 全 國 共 有 大 大 小 小 三 百 多 個 組 織 ， 全 國 黑 幫 成 員 保 守 估 計 最 少 約 八 萬 多 名 ， 當 中 最 大 的 組 織 是 山 口 組 ， 會 員 人 數 近 四 萬 ， 之 後 是 住 吉 會 和 稻 川 會 ， 而 東 京 則 主 要 是 住 吉 會 的 天 下 。 陳 惠 敏 不 諱 言 自 己 與 日 本 黑 幫 關 係 密 切 ， 「 日 本 黑 幫 成 員 唔 會 避 忌 身 份 ， 如 果 無 做 犯 法 ， 佢 覺 得 根 本 同 一 般 公 司 職 員 無 分 別 。 唔 似 香 港 咁 ， 若 果 你 係 14K 成 員 ， 即 使 無 做 犯 法 ， 都 唔 可 以 自 認 係 14K ， 或 者 以 14K 社 團 名 義 去 做 任 何 ， 你 睇 人 日 本 幾 開 放 … … 」 他 說 自 己 是 最 早 與 日 本 黑 幫 打 交 道 的 香 港 人 ， 據 悉 早 於 廿 年 前 ， 他 已 與 日 本 山 口 組 關 係 非 同 小 可 。 當 時 ， 正 值 山 口 組 上 兩 代 幫 主 ， 即 四 代 目 （ 第 四 代 ） 竹 中 正 久 年 代 ， 山 口 組 發 生 內 部 爭 權 ， 旗 下 的 分 支 「 一 和 會 」 欲 脫 離 山 口 組 自 立 門 戶 ， 並 銳 意 向 夏 威 夷 擴 展 。 陳 惠 敏 每 次 訪 日 ， 都 會 有 大 批 幫 派 成 員 跟 隨 ， 陪 吃 陪 喝 以 盡 地 主 之 誼 。
作者: hongkongman    時間: 17-4-2009 00:17

在 其 中 一 個 幫 派 的 總 部 內 ， 由 於 禁 止 記 者 拍 攝 ， 記 者 只 好 偷 偷 拍 得 這 張 掛 有 「 極 道 」 的 橫 額 ， 「 極 道 」 在 日 文 中 正 是 黑 幫 之 意 。 崇 尚 極 道 精 神
而 接 待 陳 的 日 黑 幫 頭 目 木 村 （ 化 名 ） ， 其 偌 大 的 辦 公 室 與 一 般 商 業 辦 公 室 無 異 ， 但 就 多 了 幾 台 閉 路 電 視 的 監 察 器 ， 時 刻 監 察 大 本 營 附 近 的 動 靜 ， 而 木 村 的 大 班 椅 背 後 ， 有 一 幅 偌 大 的 「 極 道 」 字 畫 。

[ 本帖最後由 hongkongman 於 17-4-2009 00:34 編輯 ]
作者: hongkongman    時間: 17-4-2009 00:19

山 口 組 恩 人 其 後 ， 「 一 和 會 」 的 眾 頭 目 在 夏 威 夷 開 會 時 ， 山 口 組 旋 即 派 遣 三 名 行 動 組 成 員 追 至 夏 威 夷 ， 打 算 清 理 門 戶 。 由 於 陳 惠 敏 曾 是 邵 氏 武 打 動 作 演 員 ， 又 是 武 術 界 活 躍 分 子 ， 透 過 電 影 拍 外 景 及 武 術 交 流 等 活 動 ， 陳 與 夏 威 夷 當 地 華 人 江 湖 人 士 混 得 非 常 稔 熟 。 在 友 人 的 穿 針 引 線 下 ， 他 充 當 了 三 名 山 口 組 成 員 在 夏 威 夷 的 「 導 遊 」 ， 不 過 當 他 們 四 人 在 夏 威 夷 活 動 時 ， 被 收 到 密 報 的 美 國 聯 邦 密 探 拘 捕 。 三 名 山 口 組 成 員 因 涉 及 其 他 案 件 而 被 判 十 年 監 禁 ， 陳 則 引 渡 返 港 受 審 ， 在 他 被 扣 押 期 間 ， 香 港 警 方 又 在 他 的 家 搜 出 一 支 槍 械 。 結 果 ， 陳 妻 出 頭 自 認 藏 槍 自 衞 ， 而 被 判 監 兩 年 ， 後 陳 花 上 過 百 萬 元 律 師 費 替 自 己 上 訴 得 直 ， 終 獲 判 無 罪 釋 放 。 陳 惠 敏 因 為 山 口 組 惹 下 連 串 麻 煩 和 官 司 ， 但 山 口 組 卻 自 此 視 他 為 好 朋 友 ， 及 至 陳 妻 獲 釋 後 不 久 ， 山 口 組 幫 主 特 邀 他 們 兩 夫 妻 往 日 本 旅 遊 ， 還 包 機 票 、 食 宿 及 一 切 使 費 ， 並 把 他 介 紹 給 各 黑 幫 成 員 認 識 ， 最 後 更 給 了 陳 一 封 大 利 是 。 自 此 ， 陳 每 年 便 往 日 本 潮 拜 山 口 組 及 其 他 幫 派 ， 順 道 談 談 生 意 ， 並 作 為 港 日 兩 地 江 湖 人 物 的 溝 通 橋 樑 。 日 本 黑 幫 幫 規 森 嚴 ， 不 同 堂 口 更 有 各 自 的 規 定 ， 例 如 不 准 販 毒 等 。
作者: hongkongman    時間: 17-4-2009 00:23

日 本 三 大 黑 幫 ， 分 別 是 山 口 組 、 住 吉 會 及 稻 川 會 ， 其 他 則 是 較 細 的 幫 派 。
作者: hongkongman    時間: 17-4-2009 00:26

港 日 黑 幫 為 了 二 億 元 冰 毒 反 目 ， 港 黑 幫 更 寄 上 手 槍 等 給 日 本 報 社 ， 意 即 向 日 黑 幫 示 警 。
作者: hongkongman    時間: 17-4-2009 00:30

遲 到 斬 手 指 「 我 同 佢 唔 係 做 犯 法 ， 我 係 好 鍾 意 同 佢 玩 ， 日 本 黑 幫 都 有 好 多 正 行 生 意 ， 例 如 日 本 二 手 電 腦 、 車 及 其 他 電 器 等 ， 佢 都 會 轉 賣 俾 我 ， 我 再 轉 賣 返 內 地 賺 差 價 ， 我 同 佢 只 係 限 做 呢 類 生 意 。 」 日 本 黑 幫 排 外 性 強 ， 不 過 陳 惠 敏 說 自 己 與 他 們 交 往 多 年 ， 一 早 已 關 係 深 厚 不 存 芥 蒂 ， 更 用 這 種 關 係 帶 來 很 多 方 便 ， 「 記 得 以 前 日 本 拍 外 景 ， 香 港 電 影 公 司 安 排 臨 記 一 都 唔 似 黑 社 會 ， 我 忍 唔 住 打 個 電 話 俾 日 本 幫 派 老 朋 友 叫 幫 手 ， 對 方 二 話 不 說 就 派 出 十 架 豪 華 房 車 同 幾 十 人 出 撐 場 面 ， 仲 一 個 仙 都 唔 收 。 唔 似 而 家 香 港 社 團 咁 ， 吹 雞 要 同 你 計 車 馬 費 、 人 頭 費 逐 樣 計 ， 日 本 大 佬 吹 雞 ， 去 遲 一 步 都 要 斬 手 指 （ 日 本 黑 幫 的 『 家 法 』 ） 。 」 上 週 五 ， 記 者 隨 陳 惠 敏 在 東 京 潮 拜 各 區 幫 派 ， 當 日 上 午 ， 其 中 一 幫 派 出 兩 輛 豪 華 房 車 到 酒 店 接 陳 及 記 者 ， 當 陳 步 出 酒 店 門 口 ， 穿 了 西 裝 的 日 本 黑 幫 成 員 即 對 他 九 十 度 鞠 躬 ， 並 開 門 讓 陳 及 記 者 上 車 ， 駛 至 幫 派 所 屬 的 會 址 時 ， 大 廈 停 車 場 入 口 旁 還 有 十 多 人 在 維 持 秩 序 ， 並 截 停 附 近 車 輛 和 行 人 ， 好 等 坐 駕 優 先 駛 入 大 廈 。 日 本 黑 幫 分 子 愛 在 歌 舞 伎 町 耀 武 揚 威 巡 行 ， 為 的 是 展 示 勢 力 ， 同 時 間 警 方 會 加 以 戒 備 。
作者: 011072    時間: 17-4-2009 12:07

哩條友黑過默汁，

又話退出江湖，

點知越玩越高級，

入埋山口組。

作者: 聰洛多薩比    時間: 17-4-2009 14:51

引用:
原帖由 011072 於 17-4-2009 12:07 發表 哩條友黑過默汁，又話退出江湖，點知越玩越高級，入埋山口組。

人在江湖嘛...

都要繼續搵食架...

真係做呢行既邊個唔會同黑道扯上關係呢???

令我諗起學生王子呀...四哥呀個D...

作者: hongkongman    時間: 3-8-2010 17:10

陳惠敏於七十年代的雜誌報導
作者: newhello    時間: 27-7-2014 23:06     標題: 陳惠敏江湖了斷

http://hk.apple.nextmedia.com/entertainment/art/20121028/18050555

江湖風波惡。今年67歲的陳惠敏曾經是兩屆東南亞擂台冠軍，同期打爛仔交多過食飯的梁小龍，在陳惠敏面前都只能認第二，他的江湖是打出來。20歲出頭已經是金牌睇場，雙拳打遍當時警察禁區、賣白粉的廣東道一帶。身手被看中投身電影做主角演拳王、黑社會入型入格，戲裏戲外都是江湖。他話蠱惑仔不會有鄭伊健咁靚仔，講神似依然是志雄哥同李兆基「因為佢哋真係黑社會，我話嘅」。拳頭出英雄，燦爛過後歸於平靜，跟日本紅星新藤惠美的戀情也一樣，兩年後選擇返回太太身邊。今日陳惠敏兒孫滿堂，見過不少社團大佬臨老過不到世，他會向子姪灌輸黑社會不是好威的概念，「唔係一陣佢喺學校話想做黑社會大哥咪大鑊」。
撰文：溫敏芝、何永寧

===========

陳惠敏圍村人出身，在影圈擅長演殺手、大佬角色，對於曾是江湖中人，他從來都不避忌：「我敢認㗎，警察部個個都知道。」70年代陳惠敏是叔父輩肥佬坤座下的金牌打手，他說：「𠵱家清真寺近廣東道，嗰時係差佬禁區，冇差人敢入去。全條街都係道友，因為嗰度有幾檔（白）粉檔係我大佬開嘅。差佬怕道友，道友就怕我哋，呢個係江湖地下秩序。」

金牌打手刀疤留戰績

經歷不少打打殺殺日子，自言見報率比當明星還高：「劈友我劈得多啦，睇報紙我經歷過大打、細打，群打。多嘅百幾人打百幾人，少都十幾廿個，我年代日日都有啦，70年代全部講打，我陳惠敏金牌打手呀。」左手臂一條少說也有8吋的刀疤就是當年的戰績。陳惠敏指60、70年代黑社會盛行而且警匪勾結，警察即係蠱惑仔，他回想當年：「全部講貪污，因為仲未有ICAC，嗰時唔貪污做差人好難，做清官為人民服務，唔該聽日你去守水塘，夠清啦望住座山。事實係唔到你唔貪，都有人問過我，嗰個年代真係冇差人唔貪污咩？我話有，死咗嘅差人咪唔貪污囉。由高至低，最貪係英國佬，阿頭唔貪班馬仔邊敢貪，嗰時做探長得幾百蚊一個月，何來個個幾千萬身家。」

蠱惑仔有組織冇規矩

陳惠敏表示當年的黑社會跟今日大不同：「𠵱家呢代江湖中人，出嚟行乜大哥，乜之虎，一定身光頸靚，着衫係名牌，起碼有架Benz先啦，唔會好似以前黑社會大哥，單車都冇一架，但係以前低調好多，𠵱家啲人擺到明話自己係蠱惑仔，仲要同警察鬥氣，到佢年紀大咗，經過好多風浪又俾人拉，坐過監就會諗到黑社會都唔係咁好，老咗做嘢又冇人敢請你，做大哥𠵱家好多連飯都冇得食，呢樣係真事，唔係個個有Benz又有馬仔，警察點會畀你擺到明黑社會，一定拉你，坐得幾次監，幾惡都好，入完去出返嚟就唔係虎，得辛苦個苦，好多事唔係你想像中咁美麗。香港𠵱家所謂幫會人，係有組織就冇規矩，唔同外國見到比自己年紀大嘅前輩好有禮貌，香港冇嘅，會話『死老鬼，你老喇𠵱家後生話事』。早年仲有人搵我出番嚟，我話唔想三更半夜俾差佬搵，做大佬要有錢，唔係邊有錢保釋啲細，以前講打𠵱家講錢。」本身就是黑社會的活字典，不少黑社會電影開拍都會找陳惠敏演出順便提供資料，像最近他拍攝的電影《紮職》就是，他說：「有時唔可以過度誇張，真係黑社會天下無敵咩，咁仲有法律。好耐之前向華勝拍套《藍江傳》啲人物錯晒，我同佢講華勝你搞錯晒喎，佢笑笑口話『睇戲唔好駁古』。啲戲又講到跛豪點勁點勁，佢咪喺深水埗得檔（白）粉檔仔，邊入流，嗰時ICAC本來想做我大佬，不過佢死得早咪是但做個人，講到跛豪天王咁勁拉到佢咪威囉。」

當差出身見證無間道

陳惠敏解釋撈家跟黑社會的分別說：「黑社會係幫撈家打工，因為撈家有錢，佢哋咪好似老闆同僱員咁囉。𠵱家好多黑社會仲係維持呢種關係，不過就好少用撈家呢啲咁古舊嘅名。」說得興起還大爆警察部秘密，原來電影《無間道》是真有其事：「我當差出身又係江湖中人，最早由獄警轉去做警察。𠵱家警察部卧底滲入黑社會，以前我哋時代係卧底滲入警察，不過警察部唔敢認，𠵱家警察部仲有好多江湖大佬喺度，但佢哋唔搞事，呢班係未當差時已入咗江湖。」陳惠敏當年由社團到影圈，靠的都是一個打字，連續兩屆東南亞拳擊冠軍，身手被大導演看中，他說：「當年仲有陳觀泰同梁小龍都係因為打得所以入行，因為興打鬥片，我除咗演大佬殺手都做過大俠，不過冇乜人記得。試過有記者問我哋三個邊個最好打，我話梗係我啦，小龍同陳觀泰都唔敢話唔係，呢個係事實。」近年陳惠敏已轉型經營紅酒生意，閒時在家裏專心打理盆栽。對近年的蠱惑仔電影既參與過，亦看過不少，當中鄭伊健飾演的陳浩南，頗有當年他的影子，陳惠敏就嫌不夠寫實：「如果講邊個做得似，梗係吳志雄同李兆基，一行出嚟就似，我話嘅，因為佢哋本身真係黑社會，點會唔似，伊健就唔似嘞，頭髮咁長，打交邊方便，都冇咁着數啦，長頭髮又冇做大佬威嚴，似甩毛飛多啲。同埋嗰時行走江湖，除咗我陳惠敏之外邊有蠱惑仔揸法拉利。」

管教子孫遠離黑社會

現在已兒孫滿堂的陳惠敏寄語年輕人：「我都唔想仔女入黑社會，屋企教育好緊要，呢行入咗去抽返出嚟好難，以前年代我打得、有名，我就可以搵到食，𠵱家最緊要講你張cert係邊間大學。睇戲做大哥個個光鮮，拍戲咋，就算有都係得好少，大部份黑社會，最後命運都係唔係咁好。所以後生仔唔好入黑社會，會影響前途，想考政府公務員冇機會，連下一代都唔得，好似我個仔大學畢業仲要碩士，乜都考到，係考警察就係唔批，話你家庭入面有個咁嘅人物，我都係咁教孫仔，有時班子姪睇我以前江湖片咁威，我都話呢啲係拍戲唔係真，費事佢有咁嘅思想做黑社會，一陣7、8歲人仔喺學校先生問佢想做乜時，佢話想做黑社會大哥咪大鑊。」

狂情撻着新藤惠美

陳惠敏胸前雙鷹、背脊的龍紋圖案加上雙臂左青龍右白虎，紋身已成他的標記。打西洋拳出身的陳惠敏靠雙拳揚名，除了是兩屆東南亞搏擊冠軍，最令人津津樂道的，當然是以37歲高齡技術擊到兩個日本當打拳手：「嗰時因為拍電影《狂情》所以順便安排兩場拳賽，其中一個拳手仲畀我打到白癡。

老婆打走小狐仙

提起《狂情》自然不能不提片中女主角，拍過不少經典日劇如《小狐仙》、《柔道龍虎榜》等的新藤惠美，當年跟陳惠敏傳過緋聞，他說：「我同佢拍完套戲之後住埋兩年，後來老婆話『你要佢就唔好要我』，之後老婆打咗佢一鑊至肯走。諗番都係老婆緊要。」陳惠敏由荃灣圍村人移居西貢多年，那裏已變成他的主場，在盛行偷車返內地的年代，他替人找失車亦有一手，他笑笑口說：「當年興偷Benz返大陸賣，喺我屋企對面就有個位畀啲偷車上大飛，架車一上咗船15分鐘就返到大陸。好多時有的朋友打電話嚟話架車乜嘢色、乜嘢款，我就叫啲𡃁仔落路口截，畀啲錢就可以贖番架車，如果上咗船就冇辦法。」陳惠敏年輕時好勇，養的寵物亦鬥狠，鬥狗是他當時的興趣：「嗰時覺得好刺激，𠵱家諗番都覺得好殘忍打到鮮血淋漓，人年紀大心態唔同後生。」

===========


今時今日的陳惠敏眉宇間仍散發江湖豪邁之氣。

金牌打手陳惠敏絕非浪得虛名，當年中日大戰，

他重拳打到對手腦震盪。


陳惠敏拍《狂情》時撻着曾經是純情小狐仙的新藤惠美，

雙惠戀最終被正印陳太使出打狐拳轟碎。劇照


陳惠敏身上的紋身已成為他的江湖印記。資料圖片





歡迎光臨 經典日本特撮●動畫●卡通回憶 (http://oldcake.net/) Powered by Discuz! 6.0.0