經典日本特撮●動畫●卡通回憶

標題: 快快脆大結合！ [打印本頁]

作者: acg_kusooo 時間: 12-10-2008 21:50 標題: 快快脆大結合！

機械人動畫有幾種戰鬥型式：

單拖隻鞦型，例子「大武士」、「鐵甲萬能俠」，即成個基地得你一個有點實力去打敵人，其他的戰友愛美神、波士等美其名是輔助，實際是因戰鬥力不足而拖累埋主角。後來在機戰上，前者有修理後者有補給功能而有點存在價值。

團隊作戰型，最佳例子是「超時空要塞」，如真實軍士般，隊員聽取指令行事。但一條輝也會有反叛期，還與指輝管美沙頂撞，說她是大嬸。所謂：上樑不正下樑歪。藍機麥司般天才橫溢，比上司還出色，好在一條輝是沒機心的人，不然調他往火星當後勤工作。

眾人合一型，即是幾位戰鬥員駕著機體合成一個機械人，戰鬥力大增，例子多不勝數，「陰陽電磁俠」、「宇宙大帝」、「超力電磁俠」、還有十五機合體的「機甲艦隊」，亦是今篇集中想講的題材！

外星人侵略地球，就好似一些麻煩親戚，間唔使走黎搔擾下你，三日唔埋又搞亂市區、氣油廠，加埋主角機在鬧市出絕招，炫耀多種武器，死傷數字難以計算！還有，戰鬥員好像沒有假期，長駐基地。就算有機會都要stand by，通常敵人都會如常襲擊地球，掃主角們興，更談何顧員褔利？如果其中一員請病假，女的遇上唔方便日子咁點算？唔齊人合唔到體，好像無交代過呢種情況…

係一間公司和老細或同事不咬弦可以劈砲唔勞，但合體戰鬥員要轉工唔易，因為呢個行業太專門！唔通份履歷寫「五年駕駛機械人經驗，專長打怪獸，對工作期望係世界和平。」更無跳槽呢個選擇，但可以選擇降格去國家軍事部駕駛戰鬥飛機，如果唔介意一出場就比敵人射爆…所以呢，呢行既流失率頗底。

全隊如果齋男，觀眾會睇得好悶，通常都會加一女性隊員，為大家增添生氣（遐想）。多數都是博士的女兒，其實呢種安排好絕！起碼大家都不敢打她主意，博士能監察著女兒不會出外學壞，不會亂識男仔，亂搞關係…對女角有興趣而又高攀得起的只有男主角，其他人都前塵莫及…

分配工作上也有不協調，未合體前各自可隨心駕駛，只要做好本份。但點解一合體就只但主角一人控制？其他的變作陪坐，頂多是按下掣發射飛彈…如果唔明舉個例子，五個小朋友玩緊「V型電磁俠」超合金，當手拿一號機的喊：「合體！」，其餘四個小朋友乖乖拿出機體，之係比一號機小朋友獨佔整個機械人…

所以，戰鬥員不是大家所想得美好的一份職業，各位小朋友唔好再存有幻想！

[ 本帖最後由 acg_kusooo 於 12-10-2008 21:58 編輯 ]

作者: kkeeleung 時間: 13-10-2008 00:00

... 假如以三一萬能俠做例子. 已算是較公平的團隊. 起碼要下海鑽地, 就要㩒 2 同 3 號掣.

... 放假這問題可用這方面設想, 他們三人, 五人或＋五人一齊放假, 遇到外人來襲, 就集體消假. 集體行動. ...會計部易計數...

... 三個-五個小朋友各自玩完戰機後. 合體後由"物主" 做一號機, 揸機械人自然理. 無計, 貧富懸殊. 那怕一人一只超合金.

最窮沒自已玩具的. 唯有扮怪獸.

... 要交待而未有清楚解釋的有很多, 911 - 一兩座樓倒下已是不可彌補的傷痛, 每週一次的攻擊. 次次有巨大傷亡, 叫人怎掠樣𠄘受. 而要用的錢. 又由誰付... 有多小人願意去賑災???

作者: acg_kusooo 時間: 16-10-2008 00:49

引用:

原帖由 kkeeleung 於 13-10-2008 00:00 發表 ... 假如以三一萬能俠做例子. 已算是較公平的團隊. 起碼要下海鑽地, 就要㩒 2 同 3 號掣. ... 放假這問題可用這方面設想, 他們三人, 五人或＋五人一齊放假, 遇到外人來襲, 就集體消假. 集體行動. ...會計部易 ...

這篇文引伸到911事件，你的深層思想值得小弟敬佩！

作者: 聰洛多薩比 時間: 16-10-2008 08:39

引用:

原帖由 acg_kusooo 於 12-10-2008 21:50 發表機械人動畫有幾種戰鬥型式：單拖隻鞦型，例子「大武士」、「鐵甲萬能俠」，即成個基地得你一個有點實力去打敵人，其他的戰友愛美神、波士等美其名是輔助，實際是因戰鬥力不足而拖累埋主角。 ...

寫得好實在...

我又諗起如何征服世界呢個議題...

正義既主角有難度...

邪惡既敵人更煩惱...

始終動畫都係動畫...

特攝依然特攝...

好多都只係人既幻想...

現實始終係現實...

作者: acg_kusooo 時間: 17-10-2008 23:51

引用:

原帖由 聰洛多薩比 於 16-10-2008 08:39 發表寫得好實在... 我又諗起如何征服世界呢個議題... 正義既主角有難度... 邪惡既敵人更煩惱... 始終動畫都係動畫... 特攝依然特攝... 好多都只係人既幻想... 現實始終係現實...

在現實世界，有時都要存一點幻想，或一點空間去逃避一下。人才會更踏實的向前走！

作者: 聰洛多薩比 時間: 18-10-2008 16:44

引用:

原帖由 acg_kusooo 於 17-10-2008 23:51 發表在現實世界，有時都要存一點幻想，或一點空間去逃避一下。人才會更踏實的向前走！

咁的確係要有幻想先有機會創造丫嘛...

好似以前d人想向天空度飛...

結果都係成功左啦...

有幻想先有無限可能...

作者: acg_kusooo 時間: 20-10-2008 00:07

引用:

原帖由 聰洛多薩比 於 18-10-2008 16:44 發表咁的確係要有幻想先有機會創造丫嘛... 好似以前d人想向天空度飛... 結果都係成功左啦... 有幻想先有無限可能...

我是認同你的想發架，可能之前表達得唔好…

作者: 聰洛多薩比 時間: 20-10-2008 19:05

引用:

原帖由 acg_kusooo 於 20-10-2008 00:07 發表我是認同你的想發架，可能之前表達得唔好…

主要想點明...

哪裏是幻想...

哪裏是現實...

分得清事實同幻想...

呢個先係重點呢...

作者: acg_kusooo 時間: 21-10-2008 00:34

引用:

原帖由 聰洛多薩比 於 20-10-2008 19:05 發表主要想點明... 哪裏是幻想... 哪裏是現實... 分得清事實同幻想... 呢個先係重點呢...

我想，係得呢度分享…我地都應該都分唔到現實同幻想世界。

作者: 聰洛多薩比 時間: 23-10-2008 10:47

引用:

原帖由 acg_kusooo 於 21-10-2008 00:34 發表我想，係得呢度分享…我地都應該都分唔到現實同幻想世界。

無所謂啦...

笑下咪算囉...

作者: LemonAnn 時間: 22-9-2009 09:49

我想知道點解每套機械人片, 啲侵略者都係首選日本為襲擊目標先既?

作者: LouisLee 時間: 22-9-2009 10:02

引用:

原帖由 LemonAnn 於 22-9-2009 09:49 發表我想知道點解每套機械人片, 啲侵略者都係首選日本為襲擊目標先既?

亦因為咁, 佢地次次都失敗, 俾我就會揀非洲, 地方夠晒大兼夠落後, 餵飽班饑民就可以收買佢地做手下, 之後再打先進國家都未遲!!!

作者: LouisLee 時間: 22-9-2009 10:11

引用:

原帖由 acg_kusooo 於 12-10-2008 21:50 發表

機械人動畫有幾種戰鬥型式：

單拖隻鞦型，例子「大武士」、「鐵甲萬能俠」，即成個基地得你一個有點實力去打敵人，其他的戰友愛美神、波士等美其名是輔助，實際是因戰鬥力不足而拖累埋主角。後來在機戰上，前者有修理後者有補給功能而有點存在價值。

不過新版鐵甲萬能俠已經為主角嘅戰友平反, 維納斯、大鐵牛今次真幫到手, 尤其「首領」, 今集直頭好似敢死隊一樣, 好有健武嘅影子!!!

作者: LouisLee 時間: 22-9-2009 10:22

講開又講,《宇宙大帝》我冇睇到結局, 我記得博士個女死咗之後變咗奸角, 請問有冇邊位知道後來如何???

作者: kkeeleung 時間: 22-9-2009 12:53

引用:

原帖由 kkeeleung 於 13-10-2008 00:00 發表 ... 假如以三一萬能俠做例子. 已算是較公平的團隊. 起碼要下海鑽地, 就要㩒 2 同 3 號掣. ... 放假這問題可用這方面設想, 他們三人, 五人或＋五人一齊放假, 遇到外人來襲, 就集體消假. 集體行動. ...會計部易計數 ...

卡通科幻少有提及傷亡數字, 鏡頭往往係千萬市民井然疏散, 但. 過到巨大怪物襲擊, 走得甩已算萬幸, 好多人見到狗隻被車撞傷, 已需要心理輔導, 若科幻世界變成真實, 又有幾多人能𠄘受. 看膩了這些走難逃跑場面. 似乎像哥斯拉片中. 帶著耳機的清潔工人, 巨獸在窗外遊走, 仍然悠然工作, 變成喜劇場面.

作者: ddmmyy 時間: 22-9-2009 14:59

引用:

原帖由 LemonAnn 於 22-9-2009 09:49 發表我想知道點解每套機械人片, 啲侵略者都係首選日本為襲擊目標先既?

1.被害妄想狂......島國無處可走之危機投射.....

2.害怕報復症......幾百年來吞琉球、菲律賓，滅朝鮮....侵中國......怕夜半鬼搞門

3.死性不改症......鼓吹日本無敵，外來者均是妖魔...故必須日本英雄出手

不妨想想....由鐵甲人...起每一套劇....代表入侵軍團的制服均是納粹式....日本人仔早把自己是共犯的事實刻意抹去，反而有意無意間，把自己放到納粹對立表，扮受害人。

懵面超人又好，三一萬能俠又好，不少日劇，都提及日本原居民墮落，要避居地底，到強大了，便要重上地面，禍害今天現代日本......，不是暗言亞洲國家報復嗎？.......最死的是指責原居民墮落，反影日本人骨子裡無乜悔意。

又由鐵甲人一劇起，每一套提及美國人的特攝英雄劇，美國佬唔係強搶日本科技，便是橫蠻無理....擺明死性不改敵視美國大傻是妖魔。

作者: LouisLee 時間: 22-9-2009 16:33

引用:

原帖由 ddmmyy 於 22-9-2009 14:59 發表

1.被害妄想狂......島國無處可走之危機投射.....

2.害怕報復症......幾百年來吞琉球、菲律賓，滅朝鮮....侵中國......怕夜半鬼搞門

3.死性不改症......鼓吹日本無敵，外來者均是妖魔...故必須日本英雄出手

講開又講, 第一代鹹超, 不論科特隊戰機還是超人都係紅白兩色, 正係日本國旗顏色!!!

作者: actionkamen 時間: 22-9-2009 23:42

引用:

原帖由 LouisLee 於 22-9-2009 10:22 發表講開又講,《宇宙大帝》我冇睇到結局, 我記得博士個女死咗之後變咗奸角, 請問有冇邊位知道後來如何???

風見博士好似後來都死咗！

作者: LemonAnn 時間: 23-9-2009 10:49

重有問題呀, 點解美國荷里活將啲漫畫英物, 如spider-man, batman, fantastic 4, x-man, 變形金剛等拍成真人電影, 票房可以全球咁收得?

認叻嘅日本仔, 製作的乜乜超人呀, 超級機械人呀, 物物戰隊呀, 反而做唔到

作者: LouisLee 時間: 23-9-2009 11:10

引用:

原帖由 LemonAnn 於 23-9-2009 10:49 發表

重有問題呀, 點解美國荷里活將啲漫畫英物, 如spider-man, batman, fantastic 4, x-man, 變形金剛等拍成真人電影, 票房可以全球咁收得?

認叻嘅日本仔, 製作的乜乜超人呀, 超級機械人呀, 物物戰隊呀, 反而做唔到

荷李活 D 特技先進過日本 30 年都唔止, 真人版梗係掂啦!!!

作者: LemonAnn 時間: 23-9-2009 11:43

引用:

原帖由 LouisLee 於 23-9-2009 11:10 發表荷李活 D 特技先進過日本 30 年都唔止, 真人版梗係掂啦!!!

咁有係嘅

另外, 在下覺得美國的英雄人物, 最多只會服務佢哋所住的城市同人民, 如: spider-man, 神奇4俠 = new york city, batman = 葛咸城, 唔會像日本啲英雄人物咁, 重要做埋什麼"保衛地球維護世界和平"等口號式任務

作者: kkeeleung 時間: 23-9-2009 12:50

引用:

原帖由 LouisLee 於 23-9-2009 11:10 發表荷李活 D 特技先進過日本 30 年都唔止, 真人版梗係掂啦!!!

因為美国佬日日發夢. 諗到做唔做到都試. 日本仔淨係識做...

作者: KD1743 時間: 23-9-2009 22:05

引用:

原帖由 ddmmyy 於 22-9-2009 02:59 PM 發表 1.被害妄想狂......島國無處可走之危機投射..... 2.害怕報復症......幾百年來吞琉球、菲律賓，滅朝鮮....侵中國......怕夜半鬼搞門 3.死性不改症......鼓吹日本無敵，外來者均是妖魔...故必須日 ...

係呀,唔記得邊套超人裏面,講緊日本仔玩細菌戰,用D中國人做實驗,有個中國人種左細菌變左"邪惡"既怪獸到處還拖日本仔,然後日本派出"正義"既超人將"邪惡"既中國人怪獸打低
身為中國人睇到呢段就明白日本仔仲係死性不改,認為種細菌響中國人係正確,當無辜既中國人變怪獸還施都有小小開心,但點知pk超人黎到將佢打低就覺得好唔gur,始終日本仔都係要悔辱你中國人,自己正義中國人邪惡,將假正義既超人去打倒無辜又被醜化既中國人怪獸打低,簡直係禮儀廉........無恥

不過中國人又衰,成盤散沙,D領導人又無能,蹤溶日本仔+外人先會喪權辱國,所以由清朝尾到而家外國所拍既電影,電視,卡通,唔理好丑都係畫中國人係清朝打扮,一係中山裝都好D,最離譜就係畫中國仲係古代,畫香港仲係海上城市,搭舢舨一落街就有離譜離譜

作者: 虎榮 時間: 24-9-2009 00:14

引用:

原帖由 LouisLee 於 22-9-2009 10:22 發表講開又講,《宇宙大帝》我冇睇到結局, 我記得博士個女死咗之後變咗奸角, 請問有冇邊位知道後來如何???

引用:

原帖由 actionkamen 於 22-9-2009 23:42 發表風見博士好似後來都死咗！

套野我唔系咁鐘意，最主要系覺得套野畫得麻麻地！所以睇得斷斷續續，不過有睇到大結局！而且覺得個故事劇本後期寫得不錯！

博士有冇死就唔記得啦，不過佢雖然變左奸角，但心底裏重有良知，後期佢主要是不理正業，由班年青人繼續作戰落去，但有一次反擊敵人要塞時，三一能源出現問題，眾人束手無策等死，佢都有出手幫助解決難題，不過就口硬話唔想自己ｄ心血俾班後生糟蹋咁話！

講返故事，其實地球所面對的敵人是來自未來的外星人．在未來的世界，地球靠著三一能源的開發，開始有稱霸宇宙的野心，並且侵畧另一星系的星球，該星球節節敗退已到生死存亡的關頭，他們的科學家在這時發明了時光機，於是該星球便派艦隊穿越時空，回到剛發明三一能源的地球，希望搶得秘密以解救整個星球．可惜艦隊出發的時間為內奸通報地球，艦隊統帥因為地球戰艦突襲而死去，他隨隊的愛人為左完成他解救祖國的心願及立心報復，叫醫生秘密將自己的心靈意志轉換往統帥的屍身上，由她假扮愛人繼續出征地球．所以當年無線用女聲配這個統帥角色，而這個統帥經常望住自己個樣自言自語亦是這個原因．後來他們接連失敗，星球高層降罪，要徹換指揮官，派了新人來接替，並命令舊統帥盡快回到未來．在新指揮官的指導下，星球艦隊還是繼續失利，地球開始利用三一能源及宇宙大帝反攻星球人的太空要塞．這時舊統帥愛人（唔好意思，淨系記得內容，ｄ人名唔記得晒！）移花接木的計劃已被新指揮官識穿，而他亦正是當日出賣他們的內奸，新仇舊恨湧上心頭，在城破當日（宇宙大帝攻入要塞的一日），舊統帥愛人乘亂與新指揮官同歸於盡．在過往的戰鬥中，她明白地球亦有愛好和平的人類，特別是宇宙大帝的一伙人，於是她臨終前將一切始沒告訴他們，並將時光機用法說出，希望他們能為未來兩個星球的和平作出貢獻！故事就是以宇宙大帝穿過時光機，走向未來的時空作結．

作者: ddmmyy 時間: 24-9-2009 01:41

引用:

原帖由 LouisLee 於 22-9-2009 16:33 發表講開又講, 第一代鹹超, 不論科特隊戰機還是超人都係紅白兩色, 正係日本國旗顏色!!!

講翻轉頭，同期其他公司開發的超乜超物，做型真係無鹹蛋系列咁好囉！

作者: LemonAnn 時間: 24-9-2009 09:45

引用:

原帖由 LouisLee 於 23-9-2009 11:10 發表荷李活 D 特技先進過日本 30 年都唔止, 真人版梗係掂啦!!!

二十世紀霍士同周星馳合作o個套拍《龍珠》真人版, 今年3月上畫, 一樣唔係好收得

反而去年上映, 華納的Speed Racer比較好睇啲

作者: LouisLee 時間: 24-9-2009 11:07

引用:

原帖由 LemonAnn 於 24-9-2009 09:45 發表二十世紀霍士同周星馳合作o個套拍《龍珠》真人版, 今年3月上畫, 一樣唔係好收得反而去年上映, 華納的Speed Racer比較好睇啲

《龍珠》真人版 D 造型改到七彩, 梗係唔掂啦!!!

作者: 聰洛多薩比 時間: 24-9-2009 16:10

引用:

原帖由 KD1743 於 23-9-2009 22:05 發表係呀,唔記得邊套超人裏面,講緊日本仔玩細菌戰,用D中國人做實驗,有個中國人種左細菌變左"邪惡"既怪獸到處還拖日本仔,然後日本派出"正義"既超人將"邪惡"既中國人怪獸打低身為中國人睇到呢段就明白日本仔仲係死性不改,認 ...

又可以咁睇...

一個中國人...打贏十個日本人...

十個日本人...打贏一百個中國人...

就係呢個道理喇...

作者: kkeeleung 時間: 24-9-2009 19:15

引用:

原帖由 聰洛多薩比 於 24-9-2009 16:10 發表又可以咁睇... 一個中國人...打贏十個日本人... 十個日本人...打贏一百個中國人... 就係呢個道理喇...

民間智慧. 一個和尚擔水食, 兩個和尚抬水食. 三個和尚無水食.

作者: ddmmyy 時間: 24-9-2009 21:42

引用:

原帖由 kkeeleung 於 24-9-2009 19:15 發表民間智慧. 一個和尚擔水食, 兩個和尚抬水食. 三個和尚無水食.

唔係呀，今時今日應改為三個和尚"掠"水食......大家睇下大嶼大寶X寺果台戲

作者: ddmmyy 時間: 24-9-2009 22:00

引用:

原帖由 KD1743 於 23-9-2009 22:05 發表係呀,唔記得邊套超人裏面,講緊日本仔玩細菌戰,用D中國人做實驗,有個中國人種左細菌變左"邪惡"既怪獸到處還拖日本仔,然後日本派出"正義"既超人將"邪惡"既中國人怪獸打低身為中國人睇到呢段就明白日本仔仲係死性不改,認 ...

日本仔死不悔改.........但始終是強盜一族，靠自身力量欺凌人.....仍有人樣

韓國佬小偷行徑.........見雞鳴狗盜無人理，便自我催眠反口話苦主偷野....呢下先叫絕...

呢排tvb套千字文卡通把龍族描成白癡野蠻者，但太極虎族則小兒亦英雄...........

佢地兩族爭d乜？.......爭太極虎傳承的千字文喔.......

太極同千字文原來是龍族搶返去架

作者: kkeeleung 時間: 25-9-2009 00:36

引用:

原帖由 ddmmyy 於 24-9-2009 21:42 發表唔係呀，今時今日應改為三個和尚"掠"水食......大家睇下大嶼大寶X寺果台戲

佢哋有"阿爺"做後盾, 又喜歡支持佢哋啲决定, 背棄了我佛慈悲, 枉為高僧.

作者: LemonAnn 時間: 27-9-2009 11:57

日本仔製作的英雄人物模式, 好多好像沒有正式職業. (打怪人,打外星人唔係職業嚟, 最多只能說係義工服務)

美國的英雄人物, 通常自己都有一份正職, 如superman係記者, Daredevil係律師.... 當有罪惡發生, 先會義工(英雄)身份出來警惡懲奸. 不竟, 英雄都係人, 都要搵食 <img src=

作者: ddmmyy 時間: 27-9-2009 22:27

引用:

原帖由 LemonAnn 於 27-9-2009 11:57 發表日本仔製作的英雄人物模式, 好多好像沒有正式職業. (打怪人,打外星人唔係職業嚟, 最多只能說係義工服務) 美國的英雄人物, 通常自己都有一份正職, 如superman係記者, Daredevil係律師.... 當有罪惡發 ...

明唔明點解丫？

大家睇mat，科學巡邏隊呀咁......日日24小時當值，集集怪獸黎，佢地都成team人坐響處。又無假放
(唯一一次，阿香放假拍拖都要趕去打怪獸)，換轉係你，都寧願做無業遊民啦

叉開黎講英國佬褔利好好多...N年前套UFO(太空怪客)，月球基地司令都有兩個人.，輪住當值一人做兩集，

作者: LouisLee 時間: 27-9-2009 23:55

引用:

原帖由 ddmmyy 於 27-9-2009 22:27 發表

明唔明點解丫？

大家睇mat，科學巡邏隊呀咁......日日24小時當值，集集怪獸黎，佢地都成team人坐響處。又無假放
(唯一一次，阿香放假拍拖都要趕去打怪獸)，換轉係你，都寧願做無業遊民啦

叉開黎講英國佬褔利好好多...N年前套UFO(太空怪客)，月球基地司令都有兩個人.，輪住當值一人做兩集，

有假放, 富士秋子有次放假同細佬喺酒店遇著怪獸, 亦有次放假搵埋井手同佢睇珍珠 (一脚踏兩船??? 早期佢好冧吉田), 丹叔都有放假同安妮去拍拖,

講到福利, 科特隊隊長冇帶遮可以叫吉田揸戰機攞俾佢, 咁嘅福利, 阿扁都冇啦!!!

作者: kkeeleung 時間: 28-9-2009 00:10

引用:

原帖由 LouisLee 於 27-9-2009 23:55 發表有假放, 富士秋子有次放假同細佬喺酒店遇著怪獸, 亦有次放假搵埋井手同佢睇珍珠 (一脚踏兩船??? 早期佢好冧吉田), 丹叔都有放假同安妮去拍拖, 講到福利, 科特隊隊長 ...

呢幕都有印象, 好似講故咁話科學隊平响做乜.... 同嗰次係話隊長開完會無帶遮, 要揾人揸駕戰機去送把遮俾佢. 把遮仲有降落傘𠻹! 真係濫用公帑.

作者: 黑色三連敗 時間: 29-9-2009 12:45

其實如果要數不合理處一定好多~~~如宇宙飛龍,部野咁先進,部電腦仲係用緊d有2餅野,出d摩斯密碼o既機, d主角成日都唔駛換衫等

不過而家d動畫都有d提及員工事項,如武裝機甲,開頭都會提及人工醫療褔利等,仲有破壞的經濟損失. 減少死傷方面勇者王用螺絲批, 做出如clamp "x"的結界, 免增加死傷數目~~~~

作者: LouisLee 時間: 30-9-2009 00:55

引用:

原帖由 黑色三連敗 於 29-9-2009 12:45 發表其實如果要數不合理處一定好多~~~如宇宙飛龍,部野咁先進,部電腦仲係用緊d有2餅野,出d摩斯密碼o既機, d主角成日都唔駛換衫等不過而家d動畫都有d提及員工事項,如武裝機甲,開頭都會提及人工醫療褔利等,仲有 ...

最唔合理莫過於 TV 版三一萬能俠搵著偉雄呢條廢柴做隊長, 睇下第 16 集就知:

http://www.oldcake.net/viewthread.php?tid=11981&page=1&extra=page%3D1

作者: moneyismymoney 時間: 30-9-2009 07:53

引用:

原帖由 ddmmyy 於 27-9-2009 22:27 發表明唔明點解丫？大家睇mat，科學巡邏隊呀咁......日日24小時當值，集集怪獸黎，佢地都成team人坐響處。又無假放(唯一一次，阿香放假拍拖都要趕去打怪獸)，換轉係你，都寧願做無業遊民啦叉開黎 ...

其實吾係咁架,你睇吓集隻打爛哂 d 樓,要起返至有得爛, d 怪獸等佢哋起返 d 樓先至再嚟過.

*
*
*
*
*
*
歡迎你到我的 Blog My money
http://moneyismymoney.blogspot.com/

作者: LouisLee 時間: 30-9-2009 09:45

引用:

原帖由 moneyismymoney 於 30-9-2009 07:53 發表

其實吾係咁架,你睇吓集隻打爛哂 d 樓,要起返至有得爛, d 怪獸等佢哋起返 d 樓先至再嚟過.

科幻世界嘅經濟, 肯定係由基建股帶動!!!

作者: 黑色三連敗 時間: 30-9-2009 11:27

引用:

原帖由 LouisLee 於 30-9-2009 00:55 發表最唔合理莫過於 TV 版三一萬能俠搵著偉雄呢條廢柴做隊長, 睇下第 16 集就知: http://www.oldcake.net/viewthread.php?tid=11981&page=1&extra=page%3D1

近期d ova佢修練完好打得~~~~

作者: 黑色三連敗 時間: 30-9-2009 11:30

引用:

原帖由 moneyismymoney 於 30-9-2009 07:53 發表其實吾係咁架,你睇吓集隻打爛哂 d 樓,要起返至有得爛, d 怪獸等佢哋起返 d 樓先至再嚟過. ******歡迎你到我的 Blog My moneyhttp://moneyismymoney.blogspot.com/

可能係做建築個班人引隻怪獸黎~~~可能冇人做保險

作者: LouisLee 時間: 30-9-2009 12:55

引用:

原帖由 黑色三連敗 於 30-9-2009 11:27 發表

近期d ova佢修練完好打得~~~~

永井原著漫畫版嘅偉雄係空手道超級高手, 第一集一開始就講佢去比賽場踢館, 一個砌低廿幾件, 連隨再打低三個由早乙女博士派去試佢實力嘅職業殺手, OVA 版係原作精神回歸, 為俾東映扭曲性格嘅主角大平反。

作者: 黑色三連敗 時間: 2-10-2009 12:00

引用:

原帖由 LouisLee 於 30-9-2009 12:55 發表永井原著漫畫版嘅偉雄係空手道超級高手, 第一集一開始就講佢去比賽場踢館, 一個砌低廿幾件, 連隨再打低三個由早乙女博士派去試佢實力嘅職業殺手, OVA 版係原作精神回歸, 為俾東映扭曲性格 ...

我都係鍾意佢回歸原點,夠狂野~~~ sorry~~~刧左post

歡迎光臨經典日本特撮●動畫●卡通回憶 (http://oldcake.net/)