50 123
發新話題
打印

你喜歡那一個呢?

引用:
原帖由 Kal-El 於 5-5-2008 15:01 發表 當年係唔會有人鐘意奸角的, 黑魔可以話係第一個受人歡迎既奸角....而小朋友之間拐超人, 一定唔會拐奸角怪獸, 而扮黑魔係例外的...

早幾日我之所以失蹤...

就係去左台灣旅行...

同朋友一齊去...

買左幾本書...

其中一本係東映惡役大全...

好貴...內容又少...

我覺得唔係咁值...

特攝之家重開了!!!
歡迎各位參觀: 特攝之家

TOP

TOP

緊係電腦奇俠同電腦黑魔na,2個都咁有型

TOP

我的最愛

如果要選我童年時最愛最愛的特撮人物, 一定是電腦奇俠 (即頭部一高一低那個), 那時在麗的電視播出時, 每次先是播出那集內容的片段, 跟着出現日文人造人間的日文字及機械零件, 同時背景音樂"da. da. da. da.da.da.da. da. da. done. done" (我的音樂好差, 唔好見怪).  跟着主題曲播出時, 我又會一路跟他唱, 雖然唔識日文, 但我那時覺得自己唱的音都不太差的(自吹自擂).

 

電腦奇腦最吸引我的地方有以下幾點:

 

1) 每次當其他人被怪獸襲擊而有危險時, 結他聲就會響起, 當怪獸及雜兵四圍望之際, 鏡頭一轉, 他總會在山上或高處彈着結他, 跟着一個跟斗"飛"下來, 赤手空拳的同敵人對戰, 但中途基路教授就會吹起魔笛, 令次郎好辛苦, 因次郎的良心回路未完成, 變身後才會不怕魔笛的聲音, 所以每次怪獸襲擊次郎的同時, 由於打鬥的聲音蓋過了魔笛, 就是次郎變身的好機會, 跟着次郎就會在一個白色的背景前, 伸出右手三隻手指, 大叫"三神力, 火, 電, 磁, 變!" 我那時在家中有時就會背着阿媽買的膠結他, 模仿電腦奇俠變身呢.

 

2) 那部電單車隔離有多一個座位, 駕駛時要烏低身, 好型!, 而且又像當時在街上見到的賣雪糕的電單車連着那雪櫃, 我好喜歡.

 

3) 細個時我有點變態, 總覺得超人等人物總不能不會輸吧, 所以有時侯電腦奇俠會被怪獸打到斷手斷腳, 但修理好後又會勁過之前, 將怪獸打敗, 這樣才會令內容更有高潮呢. (就如咸蛋超人被打敗, 之後有新主角接手幫拖; 電子分光人(還是電光科學人)被打敗, 只得那沒有生命的身體被大型卡車移走, 後來主角才令他復活等)

 

4) 那時在九龍城獅子石道的時裝店門外, 昔日的啟德及荔園遊樂場, 總有幾部超人做型的玩具給小孩坐上去搖搖下, 入5毫或1元玩幾分鐘, 而電腦奇俠都是熱門的一款呢.

 

當然那時候還有我喜歡的其他超人及卡通啦, 不過每個人都有自己的最愛吧, 但有一件事令我感到遺憾的, 就是我忘記了電腦奇俠的大結局, 而現在網上亦因版權問題而找不到有關片段, 只可從各位 oldcake fans 的文字中知道結局, 有點可惜呢. 

TOP

其實大家好似有少少誤會, 麗的電視果陣無播繼續播「電腦奇俠」,其實都

好正常, 因為响日本方面, 「電腦奇俠」同埋「電腦奇俠01」,根本就係兩

齣特攝片, 並唔係同一齣, 只係佢地兩齣係有連續性既 關係而已。

 

果陣 麗的 根本就唔係買晒兩齣「電腦奇俠」,所以咪無播" 01 " 囉。

TOP

引用:
原帖由 storehkg 於 13-11-2008 22:02 發表 其實大家好似有少少誤會, 麗的電視果陣無播繼續播「電腦奇俠」,其實都 好正常, 因為响日本方面, 「電腦奇俠」同埋「電腦奇俠01」,根本就係兩 齣特攝片, 並唔係同一齣, 只係佢地兩齣係有連續性既 關係而 ...


其實佢無買01唔係問題,而係佢竟然響電腦奇俠片尾播呢個01既預告片,兼且無響預告片之後話“電腦奇俠經已播放完畢,下星期同樣時間請收看甚麼甚麼”,等香港萬千少年響下一個星期六坐定定咁呆等............................

可想而知,麗的呢宗“世紀大騙案”http://oldcake.net/viewthread.php?tid=59&extra=page%3D1傷盡萬千少年的心呢!


TOP

引用:
原帖由 actionkamen 於 13-11-2008 22:22 發表 其實佢無買01唔係問題,而係佢竟然響電腦奇俠片尾播呢個01既預告片,兼且無響預告片之後話“電腦奇俠經已播放完畢,下星期同樣時間請收看甚麼甚麼”,等香港萬千少年響下一個星期六坐定定咁呆等............... ...

可能當時個大結局佢又好"原封不動"咁播比你睇...

結果就連套片最後既預告都播埋比你睇...

等你班人以為有得睇丫喇...

特攝之家重開了!!!
歡迎各位參觀: 特攝之家

TOP

比較喜歡 01 , 多電子, 胸夠壯; 但機械獸就比較喜歡電腦奇俠次郎中那些, 01 中雖有電腦四魔, 後期 SHADOW 機械人設計好求其.

TOP

個人喜歡奇俠多D,01無論未變身同變左身都咁難睇!

TOP

引用:
原帖由 timeless 於 26-7-2013 00:07 發表 比較喜歡 01 , 多電子, 胸夠壯; 但機械獸就比較喜歡電腦奇俠次郎中那些, 01 中雖有電腦四魔, 後期 SHADOW 機械人設計好求其.
電腦奇俠既怪人設定真係做得唔錯架...
可以用顏色黎區別...
又固定左有十三個...
仲要各具特色同性格...

TOP

 50 123
發新話題