D 歌詞寫得唔錯 
,好o岩我o地 Lee d 鍾意懷舊o既老餅聽!
集體回憶 4'43
曲/詞/編 : Zoho Featuring/Rap : Zoho
(Rap) 我哋生於八十年代 嗰個時期實在太過可愛 
成班周圍玩真係自由自在 日日都會過得鬼咁精彩
嗰陣做細路點會諗到將來 淨係識得食玩瞓同拍拖戀愛
完全唔知道有樣嘢叫做悲哀 有嘢唔開心將佢揼晒落大海
有晚約咗成斑舊同學去聚舊 返到細個去開嗰間Bar度飲酒
突然提起以前講到收唔到口 越講越開心好似時光倒流
八十年代嗰陣我哋臭味相投 幾條靚仔成日群埋通處咁走
真係無有修 鍾意打韆鞦 放學走去士多門口扭蛋一蚊扭一扭
(Sing) 最好時代 已不存在
(Rap) 平時放學約埋成班波友 日練夜練戴志偉個衝力射球 
出咗身汗臭 就飲杯思樂冰當酒 返屋企追睇香港八六個主角呀茂
聽歌梗係聽吓梅姐校長同哥哥猛鬥
近滕真彥中森明菜係日本嘅歌王后
麥當娜同Michael Jackson紅遍全地球 排隊買黑膠盒帶同對面樓鬥揪
(Sing) 最好時代 已不存在 快將變改 印在腦內
那個世界極羨慕 人人同樂永沒煩惱 各有志向踏大步 看風光多美好
到處戰鬥亦讓路 和平時代快樂共舞 創意創建樣樣做 到他朝將更好
(Rap) 知道 我想大聲同你哋宣佈 知道 八十年代其實係最好
知道 個個唔愁無米落肚 知道 OHOH...
講到經典戲 梗係新藝城嘅戲 歌神麥嘉嗰齣戲 拍到入地又曉飛
仲有大哥 仲有發哥 實會帶唻好多歡喜
仲記得有飛揸飛 無飛唔該你廿皮
(Sing)那個世界極羨慕 人人同樂永沒煩惱 各有志向踏大步 看風光多美好
到處戰鬥亦讓路 和平時代快樂共舞 創意創建樣樣做 到他朝將更好
(Rap) 知道 我想大聲同你哋宣佈 知道 八十年代其實係最好
知道 個個唔愁無米落肚 知道 OHOH...
(Rap) 要玩超合金 宇宙大帝最啱心 三機結合神乎並技變做一個大鐵人
仲有搖搖勁玩花式扭計骰實擰到忟 
睇完歡樂今宵瞓 瞓醒有香港早晨
周末日出遊 最鍾意係蒲波樓 仲有走去賓士碌齡踩Roll最叻係後溜
跳吓Break Danz擰吓手 睇午夜場未夠喉
最衫要著Adi蘿蔔褲同埋螢光蝙蝠袖
(Sing)那個世界極羨慕 人人同樂永沒煩惱 各有志向踏大步 看風光多美好
到處戰鬥亦讓路 和平時代快樂共舞 創意創建樣樣做 到他朝將更好
(Rap) 之前講嘅嘢都算係集體回憶 但我所講嘅目的 並唔係盲目追憶
唔係懷緬過去前人辛苦創造嘅奇蹟 唔係讚嘆香港人點解會咁出色
只係睇到而家呢代嘅人好忐忑 好似遇到前所未有咁大嘅阻力
希望你哋更發力 超過之前嘅奇蹟 安居樂業衣食無憂人人過得好舒適
[
本帖最後由 Shiawase 於 14-9-2007 23:36 編輯 ]
