34 12
發新話題
打印

金絲貓

我記得個當年買左隻小金花(用o黎餵的)及雷老虎,點知隻雷老虎陣亡左,咁得返隻小金花,本來隻小金花係俾雷老虎「慶功用」 ,於是返屋企用左指甲屑咁大的薑俾食,兩日後隻金花變得大隻左,仲好好打,又有靈性,記得阿媽打開竹葉趕出窗外,但佢竟然爬回我的書桌上;但可惜佢都唔係陣中亡,有日打開葉子牠就死了(可能打得多內傷) 真好懷念這隻長勝將軍。

[ 本帖最後由 kitsir935 於 6-5-2008 20:53 編輯 ]

TOP

引用:
原帖由 kitsir935 於 3-8-2007 04:04 發表 記得讀小學果時好多:牠們的名有金花、雷老虎、方世玉、紅孩兒(真係紅紅地)、孫悟空、黃上黃(貴價貨),黑白雙殺等。買賣分兩種方式:第一種係按價俾錢,第二種係用$1去抽籤,有時都會抽到高價貨。D蜘蛛用竹葉 ...


Exactly what you said!

應該就冇毒, 事關我未中過招!
佢哋冇特定地地出沒完全要睇彩數!
通常竹林會易D揾到!!

TOP

引用:
原帖由 kitsir935 於 3-8-2007 04:20 發表 我記得個當年買左隻小金花(用o黎餵的)及雷老虎,點知隻雷老虎陣亡左,咁得返隻小金花,本來隻小金花係俾雷老虎「慶功用」 ,於是返屋企用左指甲屑咁大的薑俾   佢食,兩日後隻金花變得大隻左,仲好好打, ...

你果隻真神奇,神貓?

或者是在你家好食好住,外面風大雨大啊!

也有遇過類似情形,有D大而無當,死下死下咁,有D中型的反而勢凶夾狼,歪晒屁股,張晒"鋼"咁去"埋牙!"

"埋牙"D個詞的意思,就係果時學到.

TOP

金絲貓

金絲貓

 

有無玩過?

 

紅孩兒,皇上皇,孫悟空等等既名,有玩過就知咩東東

TOP

引用:
原帖由 akaichoi 於 18-4-2008 17:08 發表 金絲貓 有無玩過? 紅孩兒,皇上皇,孫悟空等等既名,有玩過就知咩東東
有!仲有老督o丫嘛!哈哈!不過唔係太鍾意;事關感覺上幾污漕。細細隻跳黎跳去;好似好易走掉.......搵唔番。一o下唔留神又易責死佢。

TOP

引用:
原帖由 火馬 於 18-4-2008 18:35 發表 有!仲有老督o丫嘛!哈哈!不過唔係太鍾意;事關感覺上幾污漕。細細隻跳黎跳去;好似好易走掉.......搵唔番。一o下唔留神又易責死佢。

 

細個希望比佢咬,之後可以成為蜘蛛俠

TOP

引用:
原帖由 akaichoi 於 19-4-2008 11:42 發表 細個希望比佢咬,之後可以成為蜘蛛俠
就算係;都係變金絲貓俠乍播..........(又一個新super hero 誕生勒!)

TOP

引用:
原帖由 999 於 2-2-2007 16:04 發表 唔係俄羅絲果D,係蜘蛛鴾@種,睇下邊個大哥玩過?有乜心得?

細時有一隻大隻傷殘金絲貓-

獨臂刀~!

真係好揮"得鴰!

當時幾蚊雞,同亞伯買...

算貴價上等貨色~!

夠你一份早餐....

通常係買另一隻金絲貓,

打勝就吸個隻精華~~~~~

或者捉屋企蜘蛛仔,蟑螂仔餵養~!

^蟧係咁方式吸食~~...

Peal電視台節目都有介紹...

好似吸血殭屍咁生存~!

並唔係靠咩露水草水為生...

勿聽人老點...

我自小喜歡睇生態節目,

所以養過一些騎哩"生物...

今時今日係學校都有人賣HKD~20.00隻金絲貓-...

不過唔知今日學生哥喜歡打機還是鬥金絲貓-...呢~?

TOP

我只係養過一隻金花仔 , 重記得當年賣三毛子

TOP

我買隻老督要個半,條貓佬話係金絲貓界o既瘋妖,至少白級浮屠fficeffice" />

點知一打就遇上貓界王小虎,咬到屎忽開花

TOP

金絲貓又名豹虎,依家啲細路冇得玩,因已冇人販賣,玩豹虎有很多術語,販賣者叫豹虎佬,豹虎佬按其獵物體型及色澤分類,紅色而體型較大者為上品,由上而下的命名大概叫黃飛鴻,大哪吒,紅孩兒,黑的品種是李小龍,老篤,金花仔...金花仔作戰能力弱,通常用以作為其他同類飼料,方法是將金花仔和其他豹虎困在草籠內,叫"密籠",或者是由玩者拿著草籠觀看強者獵殺金花仔,小孩子都有一種迷信,認為豹虎吃了同類屍體的足部會影响其前足乏力(術語叫軟鋼),影響其作戰能力,因此通常會將金花屍體足部全去掉,才讓自己飼養的豹虎食用.金花的另外用途可以用來訓練其他曾因戰敗而沒有了鬥心(稱為"慌")的同類恢復自信,稱為"較鋼".

舊時每逢秋天,就係金絲貓登場時候,總唔明白其他季節貓佬是否唔駛做?販賣豹虎不外抽或買,細路仔通常冇乜錢,故多選擇比三毛子碰碰運氣,喺竹簽筒內抽出一支簽,憑顏色的不同決定其所抽中邊種級別的金絲猫,叫"潛"豹虎,例如紅色竹簽代表大哪吒,黃色代表黃飛鴻...不過最通常都係抽中冇顏色的,即係殘念奬小金花啦 ~有人亦會選擇自己上山捉金絲猫,尋找果啲重疊在一塊的葉子,即係"孖葉",用膠袋套住葉子,然後輕手用較剪剪下,不過所捉到的絕對只會是金花仔,頂多是紅孩兒,有時也有意外"惊"喜,即係可能係蜘蛛,黃蜂等物體,真係吓鬼死啲細路嫁~上山另一目的是摘豹虎葉做"籠",細路果時叫果啲做菠蘿葉,即係狀似蘆薈一類有刺物體,舊時該種葉都頗常見,做法:先將葉割下切至適合長度,即係先批下葉片邊緣,去掉刺針後,長度大約是葉子摺成三等份,剛好放在手掌心的大細,兩端切割出凹凸位,摺位兩邊需用刀片批出角位,方便摺合,講起來容易,但要做得靚還須下一番功夫,因此細路仔多數幫襯豹虎佬買吾使煩,猫佬還會玩花臣,以炫耀其手藝用作招徠,例如用較寛濶的葉子做成孖籠...

小孩子從舖有濕棉花的肥皂盒子裡取出"豹虎籠",打開猫籠用曲起了的食指讓豹虎"上手",如此左右手交替讓其跳躍,想來也奇怪,這種小東西也不怎樣怕人,其他種類的蜘蛛是會跑掉的...這小東西恍忽很喜歡跟小孩打交道

將另一豹虎籠打開,手上的豹虎就會跳過去,其實這是讓賽,因是作客,所謂吾係猛龍吾過江也,這有名堂,叫"過籠".

好了,到了兩雄雙遇的情景,玩家手上拿著攤開了的草籠,兩隻小東西對恃着,戰意高昂的尾部會打斜,叫"孭(歪)尾",

如果實力懸殊,弱者見同類撲前,會竄到葉底逃命,如果主人認輸,雙方分開,一場戰役就此打住,如果主人不服輸,更甚者還要玩密籠,如此小東西就要斷送在主人的魯妄行為下,而沦為對方的佐餐啦

相果兩不双讓,就會"埋牙",或叫"上鋼",金絲猫其攻擊來源除了用口咬,就是前肢兩隻"鋼",雙方強而有力的一對鋼會完全張開,叫"抹(擘)鋼",這時候兩對鋼會顫抖起來,實際是在雙方角力,情況就如相撲手一樣,叫做"電",這時候小孩們會把草籠放在地上,成班細路在圍觀,情形就好似成班美式足球選手咁,好不熱鬧,如果換轉依家即使有人玩呢家野,邊得咁大棚人一齊圍觀吖 不過有種叫"老篤"的比較騎呢,佢一般吾玩電,愛玩篤,情形就似西洋拳手的剌拳,,好多對手就係經不起這種篤篤下的騷擾而敗下陣來,啲細路有傳言話呢招可以篤盲對方,老篤之名不徑而走 不過如果對手實力較強,或者對方都係老篤,這時候老篤也會"電",不過老篤膂力似乎較弱,玩電通常都係敗仗居多...

回說兩雄互電,有時會僵持艮久,這時相方主人可能會協議玩密籠,也可以繼續觀戰,直至一方力尽,這時候佔上風的一方就會上前欲咬死對手,而對手通常會走頭,成為"慌",如果是難得品種,主人會自行找金花仔"較鋼",讓其恢復鬥心再打天下,否則只會被主人所垂棄了

還有其他讓賽玩法,例如相方互電之際,玩家會將草籠略為傾斜,以利冷門機會的一方,叫"斜籠"或"打斜籠",玩金絲猫多會涉及賭博,賭注有大有細,一蚊几蚊以至十几蚊及几十蚊都有人玩,不一而足...

另外還有其他諸如甚么王上王,超巨黃飛鴻...實際都衹係再將大中細碼再細分而已...有時猫佬也會看走眼,一蚊雞的大哪咜也有打敗強敌的時后,正如人生...

秋去冬來,英雄如美人...尽管咜吒一時的王上王還是小金花,那一天也是長埋黃土,而小主人也上了生離死別的一課,因而偶有一絲傷感...直至翌年的秋天,小朋友們也似乎仍然天真爛漫的循環去年的動作,從遠處的街道已看見一群圍住猫佬的小孩...直至他們長大,直至新的小孩...

 

 

 

 

TOP

以前住慈雲山經常和同學去後山捉金絲貓

起籠食野果

TOP

引用:
原帖由 kitsir935 於 3-8-2007 04:04 發表 記得讀小學果時好多:牠們的名有金花、雷老虎、方世玉、紅孩兒(真係紅紅地)、孫悟空、黃上黃(貴價貨),黑白雙殺等。買賣分兩種方式:第一種係按價俾錢,第二種係用$1去抽籤,有時都會抽到高價貨。D蜘蛛用竹葉養住 ... .....通常邊度可以捉到呢?其實佢地有無毒架?

上山林一棵一棵矮樹搵 , 特別留意兩塊疊埋一齊的樹葉 (因為佢哋通常用啲絲粘住兩塊樹葉造竇) , 自然就會搵到 。


TOP

【果籽人話】捉金絲貓格鬥 「有血有肉,電子寵物難替代」


關鍵字 金絲貓 的文章搜尋結果

-----------------------------------------------------------------------
於圖書館,可找尋同借閱有關跳蛛H書!

香港跳蛛圖鑑 : 跳蛛.蠅虎.金絲貓 = Photographic guide to the jumping spiders of Hong Kong / 詹肇泰編著
https://webcat.hkpl.gov.hk/search/query?term_1=%E8%B7%B3%E8%9B%9B&theme=WEB 封面


【怕蜘蛛慎入!】潮流新寵「大眼仔」!香港首間跳蛛專門寵物店



八腳貓會-金絲貓/豹虎

TOP

 34 12
發新話題