發新話題
打印

請教一套兒童(?)電影及三劍客電影

請教一套兒童(?)電影及三劍客電影

八十年代尾, 九十年代頭在亞視睇過, 關於一班美國少年發現了海盜的寶船, 有一幫壞人也打寶船主意, 匪幫有個相貌似怪物的人但本質是好的, 唔知有無餅友知叫什麼名?

 

另外在八十年代亞視播過一套十分之老舊0既三劍客電影, 套片係彩色, 印象中故仔其實講到三劍客故事一半定三分一, 女奸角無死, 結尾係男主角達德倫正式成為皇家火槍隊員受勳, 一班奸角冷眼旁觀, 唔知係邊個版本.

TOP

引用:
原帖由 aeug 於 13-8-2014 17:36 發表 八十年代尾, 九十年代頭在亞視睇過, 關於一班美國少年發現了海盜的寶船, 有一幫壞人也打寶船主意, 匪幫有個相貌似怪物的人但本質是好的, 唔知有無餅友知叫什麼名?   另外在八十年代亞視播過一套十分之老舊0既 ...
第一套你所問應該是...1985 的 Goonies (中文名.... 唔知)
這是套電影 DVD 的封面及怪人相. 希望可以答了你的第一問....第二問SORRY....


我們要把歷史留給下一代不是仇恨, 但不能讓步於不合理之下

TOP

引用:
原帖由 foureyesfatboy14-8-2014 00:31 發表 第一套你所問應該是...1985 的 Goonies (中文名.... 唔知)這是套電影 DVD 的封面及怪人相. 希望可以答了你的第一問....第二問SORRY....

foureyesfatboy兄,謝謝!

TOP

Wacaca! 第二條等我答! 因為我睇過, 早幾年重買左隻碟!

aeug兄說的是1973年拍的三劍俠電影(Three Musketeers), 是故事的上半部, 其實套電影有下集大結局的, 1974年原班人馬拍攝, 戲名叫(Four Musketeers), 其實亞視在之後好多年亦有播過, 不過可能唔系咁多人留意! 90年代明珠台有另外播過一個1948年由Gene Kelley主演的版本, 亦相當不錯, 是七彩伊士曼鬆郁濛製作! 

說會aeug兄看過的版本, 卡士當年算相當強勁, 數吓有:

紅衣壞蛋主教傔首相 = 查爾登希士頓
三劍俠之一 = 有當年的電視劇王子理察張伯倫
其中一位公爵 = 吸血僵屍教父基斯杜化李
達太安情人 = 當年樣靚身材正的麗歌慧珠阿姨! 
大奸角女特務 = 系十分野艷的"飛彈娜慧", 呀, 系菲丹娜慧姨姨先啱!

上集故事以法王路易十三統治下的法蘭西為背景, 時值英法正展開三十年的霸權大戰, 當時大英帝國由伊莉沙伯女皇統治, 寵臣首相白金漢公爵正是法王來自奧大利的王后ANNE的舊情人. 二人秘密約會後道別, 法國皇后讓公爵從法王送給她的鑽石項錬上取下兩枚鑽石作留念, 這件事給壞蛋主教知道, 派女特務去英國親近公爵偷回鑽石, 欲証皇后不忠, 將她廢掉, 值以打擊法王王權, 進一步鞏固自己的地位. 這時剛到達皇家衞隊的達太安與小情人, 重有著名的三劍俠臨危受命保護皇后, 惜最終未能阻止女特務完成任務, 白金漢公爵為保愛人, 連夜叫工匠按同一式樣趕製兩顆鑽石給達太安帶回, 好讓法國皇后重新鑲嵌項錬, 其間雙方人馬鬥智鬥力, 皇后終化險為夷, 並親手冊封達太安入皇家衞隊, 此即下集大結局四劍俠的藍本, 當年導演是十分要求細節的人, 所以戲中呈現的貴族生活(好似打網球咁)及衣著, 都是有根有據的, 而戲中的劍擊場面, 亦是請有名的劍手教授!

下集主要講女特務終殺死白金漢公爵及達太安的小情人, 但壞人亦無好結果作結.

而占基利的1948年版本故事基本一樣, 但以廠景為主, 外景較1973年版本少, 但一氣呵成, 對女特務與三劍俠老大的過往感情有較深入描寫, 女特務最後伏法一段亦拍得細緻, 占基利以其矯健的身手及舞蹈花式容入打鬥場面, 十分好看!

簡單點說, 1973及1974年版主要看群戲, 而1948年版本主要看占基利!

而三劍俠故事的延續, 可以去到與法王路易十四雙生兄弟有關的鐡面具傳說, 當年由理察張伯倫主演的電影"鐡面具"就是關於這個故事, 亞視當日播完三劍俠後, 有順聚播埋呢套Ironmask!




TOP

引用:
原帖由 虎榮 於 15-8-2014 00:13 發表 Wacaca! 第二條等我答! 因為我睇過, 早幾年重買左隻碟!aeug兄說的是1973年拍的三劍俠電影(Three Musketeers), 是故事的上半部, 其實套電影有下集大結局的, 1974年原班人馬拍攝, 戲名叫(Four Musketeers), 其實亞視 ...

勁....虎榮兄.......
其實我答個條....套戲我沒有睇過...只是知有套咁戲同個名及故事...

我們要把歷史留給下一代不是仇恨, 但不能讓步於不合理之下

TOP

引用:
原帖由 虎榮15-8-2014 00:13 發表 Wacaca! 第二條等我答! 因為我睇過, 早幾年重買左隻碟!aeug兄說的是1973年拍的三劍俠電影(Three Musketeers), 是故事的上半部, 其實套電影有下集大結局的, 1974年原班人馬拍攝, 戲名叫(Four Musketeers), 其實亞視 ...

謝謝虎榮兄,詳盡介紹,解開我多年心中之謎團。不過依家想搵返嚟睇都幾難。

TOP

引用:
原帖由 foureyesfatboy15-8-2014 00:36 發表 勁....虎榮兄.......其實我答個條....套戲我沒有睇過...只是知有套咁戲同個名及故事...

foureyefatboy兄,唔好咁講,我上網查返,套片有個中文譯名係「七寶奇謀」,仲出過game

TOP

我搵到1948年版的三劍客VCD和理察張伯倫版的"鐵面人"VCD, 偏偏就係無1973及1974的三劍客(上, 下集), 睇住占基利版先!

TOP

引用:
原帖由 aeug 於 17-8-2014 00:51 發表 我搵到1948年版的三劍客VCD和理察張伯倫版的"鐵面人"VCD, 偏偏就係無1973及1974的三劍客(上, 下集), 睇住占基利版先!


三部都出左DVD La 禾 ! 可以去CD WAREHOUSE 問一問有無貨尾!

TOP

虎榮兄,謝謝建議,上HMV訂,DVD已全球無貨,要訂Blu Ray

TOP

發新話題