發新話題
打印

住唐樓的日子

住唐樓的日子

小學時,住在一棟六層高,戰前冇電梯唐樓,我住三樓,中間有條長走廊,兩邊唔同板間房住戶共四伙人,向街有個大騎樓,大到可以打羽毛球,跳橡筋繩。

鄰居由地下到天台都認識,大家到面會點頭打招呼,打風停電制水時,會互相照應。

TOP

我出世後有幾年都住在這類唐樓,有幾戶人住,個騎樓都好大。到我三歲時,那唐樓要拆,與這些「同屋住」各散東西。由於年紀太小,對於那裡的生活沒有甚麼記憶。不過,從家人口中所知,各戶的關係應該不錯。我家姐結婚時,還特登搵番其中一戶的女兒做伴娘。

TOP

好細個住過唐樓...係1 至 2歲,所以無乜記憶...

我小學時有個同學仔屋企人o向唐樓租o左個房仔,成間房真係得一張雙層look 架床 & 書檯仔,櫃仔係o甘多!

我成日去玩都係坐床咋。


感謝 bro mythz 為我整這個印章
thank you so much!!

TOP

引用:
原帖由 Potato 於 29-12-2011 02:15 發表 我出世後有幾年都住在這類唐樓,有幾戶人住,個騎樓都好大。到我三歲時,那唐樓要拆,與這些「同屋住」各散東西。由於年紀太小,對於那裡的生活沒有甚麼記憶。不過,從家人口中所知,各戶的關係應該不錯。我家姐結婚 ...
我住唐樓,大約到13歲左右,層樓要拆,鄰居好多搬入葵盛,葵涌,梨木樹公屋,早期時都有互相探訪,之後漸失聯絡。

TOP

引用:
原帖由 超人兄弟 於 29-12-2011 20:38 發表 好細個住過唐樓...係1 至 2歲,所以無乜記憶... 我小學時有個同學仔屋企人o向唐樓租o左個房仔,成間房真係得一張雙層look 架床 & 書檯仔,櫃仔係o甘多!我成日去玩都係坐床咋。
好多唐樓,樓高,間房可以搭多個閣仔,小朋友靜雞上閣仔玩探險,好有秘密基地感覺。

TOP

引用:
原帖由 abc 於 29-12-2011 20:22 發表 好多唐樓,樓底高,間房可以搭多個閣仔,小朋友靜雞雞上閣仔玩探險,好有秘密基地感覺。

係呀!我地鶣袕ㄕ陪蚖掍J,因為人多,否則唔夠住。

TOP

引用:
原帖由 Potato 於 29-12-2011 23:49 發表 係呀!我地鰟度都有個閣仔,因為人多,否則唔夠住。
住中間鄰居,無窗,係閣仔鑿穿一格牆身,變成窗口,d風吹到呼呼聲!

TOP

最記得係部升降機

TOP

我好細時住過,印象極深刻。果幢樓六層高,無電梯,我住五樓,上落極辛苦(大概三四歲,行樓梯好吃力)。
六樓係山寨工廠,做鞋模的,一開工就成幢樓瀰漫木屑灰塵。
夏天夜晚好多大人(男人)到天台瞓,包括好多唔係呢幢大廈的住客。
屋內又係一條冷巷直通,左邊幾張兩層碌加床,右邊板間房。
水,電費全屋分擔,但多少出入總會有紛爭。所以同樓上大大所講的感情好完全唔同。除咗一兩個打埋算盤係親戚之外,其他的都疏遠,甚至試過嗌交拎菜刀叫警察。
全屋最高紀錄住咗21人,間屋大概一千平方呎,菮狺@個,廚房一個,好多時爭執由此起。
可能最初有騎樓,但我住的時候騎樓已安晒窗成為室內。
最最最神奇係.......幢樓仲未拆,今日(2020年)仍然有人住,不過唔再係板間房+碌加床,而係一個單一單位。

TOP

發新話題